၃ ယိၤဟၣ် 1:4 - Sgaw Karen Common Bible

⁴ တၢ်လၢကမၤသးခုယၤဒိၣ်န့ၢ်ယနၢ်ဟူဘၣ်ယဖိယလံၤ တဖၣ်အိၣ်မူလၢတၢ်မ့ၢ်တၢ်တီအပူၤန့ၣ်, တအိၣ်ဘၣ်နီတမံၤဘၣ်.

၃ ယိၤဟၣ် 1:4 Iomraidhean Croise

လံာ်စီၤပၤအခီၣ်ထံးတဘ့ၣ် 2:4

နမ့ၢ်စူၢ်အီၤဒီး, ယွၤကဟံးဃာ်အတၢ်အၢၣ်လီၤလၢအမၤတ့ၢ်ဝဲ, ဖဲအဝဲစံးဘၣ်တ့ၢ်ယၤလၢ, ယစၢၤယသွဲၣ်တဖၣ်, ကပၢဘၣ်ကီၢ်အံၣ်စရ့လးအဆၢကတီၢ်ကယံာ်ပှဲၤသိးဒီးအဝဲသ့ၣ်အတၢ် စူၢ်ယတၢ်မၤလိာ်လၢတၢ်သးတီလီၤတံၢ်လီၤဆဲးလၢအသူၣ်ဒီဖျၢၣ် သးဒီဖျၢၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:6

စီၤၡလိၤမိၤစံးဆၢဝဲ, “ထီဘိနပာ်ဖျါထီၣ်နတၢ်အဲၣ်ဒိၣ်ဒိၣ် ကလဲာ်လၢနခ့နပှၤယပၢ်စီၤဒၤဝံးအဂီၢ်ဒီးအဝဲမ့ၢ်တ့ၢ်ပှၤအ ဂ့ၤ, ပှၤအသးတီဒီးပှၤလၢအတီဝဲလိၤဝဲလၢအတၢ်ဘၣ်ထွဲဒီးနၤအပူၤ န့ၣ်လီၤ. ဒီးနပာ်ဖျါထွဲဒံးနတၢ်အဲၣ်လၢအဒိၣ်ဝဲဒီးတလီၤတူာ်ဘၣ်ခီ ဖျိနဟ့ၣ်အီၤဖိခွါတဂၤလၢမုၢ်မဆါတနံၤအံၤလၢအပၢတၢ်လၢ အလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

တၢ်ကတိၤဒိ. 23:24

ပှၤအတီအလိၤတဂၤအပၢ်အိၣ်ဒီးတၢ်အဂ့ၢ်အခၢးအဂ့ၤလၢကသးခုဝဲ အဂီၢ်လီၤ. နပာ်ကဖၢလၢနသးလၢဖိခွါလၢအကူၣ်တၢ်သ့တဂၤအဃိသ့လီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

၂ ကရံၣ်သူး 6:13

ယစံးကတိၤတၢ်ခဲကနံၣ်အံၤ ဒ်သုမ့ၢ်ယဖိယလံၤတဖၣ်အသိး လီၤ. ဒုးနဲၣ်ဖျါထီၣ်ပှၤသုတၢ်ပာ်သူၣ်ပာ်သးတမံၤဃီဒ် ပပာ်ဖျါ အီၤလၢ သုဂီၢ်အသိးန့ၣ်တက့ၢ်. အိးထီၣ်သုသးလဲၢ်လဲၢ်တက့ၢ်.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

၁ သ့းစၤလနံ 2:11

သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၁ တံၤမသ့း 1:2

ဆူ, စီၤတံၤမသ့း, ယဖိခွါနီၢ်နီၢ်လၢတၢ်စူၢ်တၢ်နာ်အပူၤအအိၣ်, မ်ပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤနၤ တၢ်ဘျုးတၢ်ဖှိၣ်, တၢ်သးကညီၤ, ဒီးတၢ်ဃူတၢ်ဖိးတက့ၢ်.

၂ တံၤမသ့း 1:2

ဆူ စီၤတံၤမသ့း, ယဖိခွါသးဘိအအိၣ်, မ်ပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤနၤတၢ်ဘျုး တၢ်ဖှိၣ်, တၢ်သးကညီၤဒီးတၢ်ဃူတၢ်ဖိးတက့ၢ်.

ဖံၤလ့မိၣ် 1:10

ယဃ့ကညးနၤလၢစီၤအီးန့ၤစံမူးအခၢၣ်စးလီၤ. အဝဲမ့ၢ်ယဖိခွါဒၣ်ယဲလၢခရံာ်အပူၤလၢယထီၣ်ဖိန့ၢ်အီၤဒီးကဲ ထီၣ်အပၢ်လၢသူၣ်လၢသးဖဲယမ့ၢ်ယဲပှၤဃိာ်ဖိအခါန့ၣ်လီၤ.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.

၂ ယိၤဟၣ် 1:4

ယသးခုယဲဒိၣ်မးလၢယထံၣ်ဘၣ်နဖိနလံၤတနီၤအိၣ်မူ ဝဲဒၣ်လၢတၢ်မ့ၢ်တၢ်တီအပူၤဒ်ပၢ်မၤလိာ်တ့ၢ်ပှၤအသိး အဃိန့ၣ်လီၤ.