၂ တံၤမသ့း 4:8 - Sgaw Karen Common Bible

⁸ ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

၂ တံၤမသ့း 4:8 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 7:11

ကစၢ်ယွၤမ့ၢ်ပှၤစံၣ်ညီၣ်တၢ်အတီအလိၤ ဒီးစံၣ်ညီၣ်ဃၣ်ပှၤအၢပှၤသီထီဘိန့ၣ်လီၤ.

တၢ်ကတိၤဒိ. 4:9

အဝဲကမ့ၢ်နတၢ်လၤကပီၤအခိၣ်သလုးန့ၣ်လီၤ.”

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

လံာ်မးသဲ 24:36

ဘၣ်ဆၣ်ဒီး, မုၢ်နံၤဒီးနၣ်ရံၣ်အဝဲန့ၣ်ကတုၤအခါဖဲလဲၣ်န့ၣ်, ပှၤတသ့ၣ်ညါနီတဂၤဘၣ်. ကလူးလၢမူခိၣ်တဖၣ်မ့ၢ်ဂ့ၤ, ဖိခွါမ့ၢ်ဂ့ၤတသ့ၣ်ညါဝဲဘၣ်. ပှၤသ့ၣ်ညါတၢ်အံၤမ့ၢ်ထဲ ပၢ်တဂၤဧိၤလီၤ.

လံာ်မးသဲ 7:22

ဖဲယွၤစံၣ်ညီၣ်တၢ်အမုၢ်တနံၤတုၤဝဲန့ၣ်ပှၤအါဂၤကစံးဘၣ်ယၤ, ‘ကစၢ်ဧၢ, ကစၢ်ဧၢ, လၢနမံၤန့ၣ်ပစံၣ်တဲၤတဲလီၤကစၢ်ယွၤအတၢ်ကစီၣ်, လၢနမံၤန့ၣ်ပဟီထီၣ်ကွံာ်တၢ်နါအါဒုဒီးမၤတၢ်လီၤလးအါမံၤလီၤ.’

လံာ်လူၤကၣ် 10:12

ယစံးဘၣ်တဲဘၣ်သု, ဖဲမုၢ်စံၣ်ညီၣ်အနံၤန့ၣ်, ကစၢ်ယွၤကပာ်ဖျါထီၣ်တၢ်သးကညီၤလၢ ဝ့ၢ်စဒိၣ်အဖီခိၣ်အါန့ၢ်ဒံးဝ့ၢ်တဖျၢၣ်န့ၣ်တက့ၢ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

1 ကရံၣ်သူး 2:9

ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”

1 ကရံၣ်သူး 3:13

ဒီးပှၤတဂၤဘၣ်တဂၤအတၢ်ဖံးတၢ်မၤဂ့ၤဆံးအါဆံးအါန့ၣ်, ပှၤကထံၣ်ဘၣ်ဝဲဖဲမုၢ်တနံၤလၢခရံာ်လီၣ်ဖျါထီၣ်အီၤန့ၣ်လီၤ. အဂ့ၢ်ဒ်အံၤ, ဖဲနံၤအဝဲန့ၣ်, မ့ၣ်အူကလီၣ်ဖျါထီၣ်ပှၤကိးဂၤဒဲးအတၢ်ဖံးတၢ်မၤလီၤ. မ့ၣ်အူကမၤကွၢ်အီၤဒီးပာ်ဖျါထီၣ်အဂ့ၤဝဲနီၢ်နီၢ်ဆံးအါလဲၣ်န့ၣ်လီၤ.

1 ကရံၣ်သူး 9:25

ပှၤလိာ်ကွဲဖိကိးဂၤဒဲး, ဖဲအမၤလ့ၤအသးအဆၢကတီၢ်န့ၣ်, ဟ့ၣ်လီၤအသးဆူတၢ်ဒိကနၣ်ဃံးဃံးဒ်သိးအကဘၣ်တၢ်ဒုးကုာ် ထီၣ်အီၤဖီကွီၤလၢအတအိၣ်ကၢအိၣ်ခိးဘၣ်တကွီၤလီၤ. မ့မ့ၢ်ပဝဲသ့ၣ် တဖၣ် ပမၤပဝဲလၢဖီကွီၤတကွီၤလၢအအိၣ်ကၢအိၣ်ခိးလီၤထူလီၤယိာ် အဂီၢ်န့ၣ်လီၤ.

၂ ကရံၣ်သူး 5:2

ဒီးခဲကနံၣ်အံၤ, ပကအုကစွါပဝဲ, ပဆၢမုၢ်လၢ်ဒိၣ်မးဝဲလၢ ပကဘၣ်တၢ်ဒုးကူဒုးသိးထီၣ်ပှၤပဟံၣ်လၢမူခိၣ်န့ၣ်လီၤ.

ဖံလံးပံၤ 3:11

အိၣ်ဒီးတၢ်မုၢ်လၢ်လၢယနီၢ်ကစၢ်ဒၣ်ယဲယကဘၣ်တၢ်ဒုးဂဲၤဆၢထၢၣ် သမူထီၣ်က့ၤယၤလၢတၢ်သံန့ၣ်လီၤ.

ကလီးစဲ 1:5

လၢသုတၢ်မုၢ်လၢ်လၢအဘၣ်တၢ်ကတီၤပာ်န့ၢ်သုဂီၢ်လၢမူခိၣ် အဃိန့ၣ်လီၤ. ဘၣ်ဃးဒီးတၢ်မုၢ်လၢ်အံၤအဂ့ၢ်န့ၣ်, သုနၢ်ဟူတ့ၢ်လၢအခီၣ်ထံးလံၤလံၤခီဖျိတၢ်ကစီၣ်အမ့ၢ် အတီလၢအမ့ၢ်တၢ်သးခုအကစီၣ်န့ၣ်လီၤ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ သ့းစၤလနံ 5:4

မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုတအိၣ်လၢတၢ်ခံးတၢ်နၤအပူၤဘၣ် သတးဒီး, ကစၢ်အမုၢ်တနံၤတတုၤအိၣ်ဘၣ်သုသတူၢ်ကလာ်ဒ်တၢ်ဘျၣ်ဟဲဝဲ အသိးန့ၣ်ဘၣ်လီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

၁ တံၤမသ့း 6:19

လၢကျဲဒ်အံၤအပူၤ, အဝဲသ့ၣ်ကပာ်ဖှိၣ်တၢ်လၢအဂီၢ်ဒၣ်ဝဲ, တၢ်ထူးတၢ်တီၤတမံၤလၢကမ့ၢ်တၢ်အခီၣ်ထံးအဂၢၢ်အကျၢၤ တခါလၢတၢ်ခဲကိာ်တဃၣ်အဂီၢ်န့ၣ်လီၤ. အန့ၣ်တစု, အဝဲသ့ၣ်ကမၤန့ၢ်တၢ်မူလၢအမ့ၢ်တၢ်မူနီၢ်နီၢ်န့ၣ်လီၤ.

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:18

မ်ကစၢ်ပျဲအဒိးန့ၢ်ဘၣ်အတၢ်သူၣ်ကညီၤသးကညီၤ လၢမုၢ်နံၤခံကတၢၢ်န့ၣ်တက့ၢ်. အဝဲမၤတ့ၢ်တၢ်လၢယဂီၢ်ဖဲဝ့ၢ်အ့းဖ့းစူးအပူၤထဲလဲၣ်န့ၣ်, နသ့ၣ်ညါဂ့ၤဂ့ၤကစီဒီန့ၣ်လီၤ.

၂ တံၤမသ့း 2:5

ပှၤပြၢတၢ်ဖိတဂၤလၢအလိာ်ကွဲပြၢတၢ်န့ၣ်မ့ၢ်တဒိကနၣ် မၤထွဲတၢ်ဘျၢတဖၣ်ဘၣ်ဒီး, မၤန့ၢ်ခိၣ်ဖးတသ့ဘၣ်.

၂ တံၤမသ့း 4:1

လၢကစၢ်ယွၤဒီးယ့ၣ်ၡူးခရံာ်လၢအကစံၣ်ညီၣ်ပှၤအမူဒီးပှၤအသံ တဂၤအမဲာ်ညါ, ဒီးမ့ၢ်လၢအဝဲကဟဲပၢတၢ်ဒ်စီၤပၤတဂၤအသိးအဃိ, ယမၤလိာ်နၤလၢတၢ်သညူးသပှၢ်အပူၤ,

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 12:11

ဖဲပဘၣ်တၢ်သိၣ်ဃီၣ်ပှၤအဆၢကတီၢ်န့ၣ်တလီၤဂာ်ဘၣ် ပှၤလၢတၢ်သးခုဘၣ်, မ့မ့ၢ်တၢ်သးအုးလီၤ. ဘၣ်ဆၣ်ဒီး လၢခံက့ၤန့ၣ်, ပှၤလၢအဘၣ်တၢ်သိၣ်ဃီၣ်ညီနုၢ်အီၤတဖၣ် န့ၣ်, သၣ်ထီၣ်ဝဲလၢတၢ်တီတၢ်လိၤအတၤသၣ်လၢအဘၣ် ဃးဒီးတၢ်ဃူတၢ်ဖိးလီၤ.

ဧ့ၤဘြံၤ 9:28

ခရံာ်ဘၣ်တၢ်လုၢ်ထီၣ်ပာ်ထီၣ်အီၤဒ်တၢ်လုၢ်အသိးတဘျီ ဧိၤဒ်သိးအကဟံးထီၣ်ကွံာ်ပှၤအါဂၤအတၢ်ဒဲးဘးဝံၤအဝဲ လီၣ်ဖျါထီၣ်ကဒီးအသးခံဘျီတဘျီ, တမ့ၢ်လၢအကမၤတံာ်တာ်အသးဒီးတၢ်ဒဲးဘးန့ၣ်ဘၣ်. မ့ၢ်ဒ်သိးအကအုၣ်က့ၤခီၣ်က့ၤပှၤလၢအအိၣ်ခိးကွၢ်လၢ်အီၤ သပှၢ်ကတၢၢ်တဖၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:4

ဝးတရံးလီၢ်ပစိာ်န့ၣ်, လီၢ်ပစိာ်အဂၤခံဆံလွံၢ်ဖျၢၣ်အိၣ်ကဝီၤ ဃာ်အီၤဝးကဝီၤကျီၤ, ဒီးလၢအဝဲသ့ၣ်အလိၤန့ၣ်, ပှၤသူၣ်က့သးပှၢ်အိၣ်ဆ့ၣ်နီၤဝဲဒၣ်ခံဆံလွံၢ်ဂၤလၢ အကူဝဲသိးဝဲလၢတၢ်ဝါဒီးကုာ်ဃာ်ခိၣ်သလုးထူတဖၣ် န့ၣ်လီၤ.