၂ တံၤမသ့း 4:3 - Sgaw Karen Common Bible

³ တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

၂ တံၤမသ့း 4:3 Iomraidhean Croise

လံာ်စီၤပၤအခီၣ်ထံးတဘ့ၣ် 18:22

အန့ၣ်ဒီးစီၤအ့ၤလံယၤစံးဝဲ, “ယမ့ၢ်ယွၤအဝံထဲတဂၤဧိၤလၢ အအိၣ်လီၤတဲာ်န့ၣ်လီၤ. မ့မ့ၢ်ဘဧၤလးအဝံအိၣ်ဝဲလွံၢ်ကယၤယဲၢ်ဆံဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:18

စီၤအၤဃာ်စံးဘၣ်စီၤယဟိၡၤဖး, “မ့ၢ်ယတတဲဘၣ်နၤလၢ, အဝဲတကတိၤတၢ်အဂ့ၤနီတမံၤလၢဝံအကျိာ်လၢယဂီၢ်န့ၣ်ဧါ. ထီဘိမ့ၢ်ထဲတၢ်လၢအတဂ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်တၢ်ဟးထီၣ်ကွံာ် 32:33

ယွၤစံးဆၢအီၤ, “ယကတြူာ်ကွံာ်ပှၤတဖၣ်လၢအမၤတၢ်ဒဲးဘးထီ ဒါယၤအမံၤလၢယလံာ်အပူၤလီၤ.

လံာ်ယၡါယၤ 28:12

အဝဲဟ့ၣ်တ့ၢ်သုတၢ်အိၣ်ဘှံးဒီးတၢ်မၤမုာ်လၢသုဝဲခဲလၢာ်အဂီၢ်, ဘၣ်ဆၣ်ဒီးသုဂ့ၢ်လိာ်တ့ၢ်လၢသုကဒိကနၣ်အီၤလီၤ.

လံာ်ယၡါယၤ 30:10

အဝဲသ့ၣ်တဲဘၣ်ဝံတဖၣ်လၢကအိၣ်ဘှ့ၣ် အိၣ်ဘှီၣ်န့ၣ်လီၤ. အဝဲသ့ၣ်စံးဝဲ, “ကတိၤတၢ်ဒီးပှၤဘၣ်ဃးဒီးတၢ်လၢအဘၣ် အဂ့ၢ်တဂ့ၤ. တဲဘၣ်ပှၤတၢ်လၢပသးအိၣ်နၢ်ဟူတက့ၢ်. မ်ပဟံးဃာ်ပတၢ်ထံၣ်တၢ်ဆိကမိၣ်ကမၣ်တဖၣ်တက့ၢ်.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်ယံးရမံယၤ 29:8

ယၤ, ယွၤ, အံၣ်စရ့လးအကစၢ်ယွၤအံၤ, ဟ့ၣ်ပလီၢ်သုဒ်သိး လၢဝံတဖၣ်လၢ အအိၣ်ဝဲဆိးဝဲလၢ သုကျါမ့ၢ်ဂ့ၤ, ပှၤအဂၤ တဖၣ် လၢအစံးလီၤအသးလၢ အဝဲသ့ၣ်ကတိၤဆိပာ် တၢ်ကမၤအသး ဆူညါအဂ့ၢ်သ့ဝဲ, မ့ၢ်ဂ့ၤ, သုတလီန့ၢ်သုတဂ့ၤ န့ၣ်လီၤ. ကနၣ်ဃုာ်အဝဲသ့ၣ်အတၢ်မံမီၢ်တဖၣ်န့ၣ်တဂ့ၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်လူၤကၣ် 20:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်လူၤကၣ် 6:26

“တုၤပှၤကိးဂၤဒဲးကတိၤဂ့ၤသုန့ၣ်, သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, အဝဲသ့ၣ်အပၢ်တဖၣ်စံးဘၣ်တ့ၢ်ဝံအဘျၣ်တဖၣ် လၢတၢ်တမံၤဃီန့ၣ်လီၤ.

လံာ်ယိၤဟၣ် 8:45

ဘၣ်ဆၣ်မ့ၢ်ယစံးဘၣ်တဲဘၣ်သုတၢ်မ့ၢ်တၢ်တီအဃိသတး ဒီး, သုတစူၢ်က့ၤနာ်က့ၤယၤဘၣ်.

မၤတၢ် 17:21

(အဂ့ၢ်ဒ်အံၤ, အၤသ့ၣ်အပှၤဝ့ၢ်ဖိဒီးပှၤထံဖိကီၢ်ဖိလၢ အအိၣ်ဖဲန့ၣ်ကိးဂၤဒဲးသးအိၣ်သူအဆၢကတီၢ်ခဲလၢာ်ခီဖျိ အတၢ်တဲသကိး, တၢ်ဒိကနၣ်သကိးတၢ်ဂ့ၢ်လီၤတိၢ်လီၤဆီလၢအပၢၢ်ထီၣ်သီ ဒီးပၢၢ်ထီၣ်လၢခံကတၢၢ်တဖၣ်န့ၣ်လီၤ.)

1 ကရံၣ်သူး 2:1

ဖဲယလဲၤဆူသုအိၣ်ဒ်သိးယကစံၣ်တဲၤတဲလီၤတၢ်ခူသူၣ်ဘၣ်ဃး ကစၢ်ယွၤအတၢ်မ့ၢ်တၢ်တီန့ၣ်, ယတသူယဲတၢ်ကတိၤအဒိၣ်အသွါ, ဒီးတၢ်မၤလိမၤဒိးအဒိၣ်အထီဘၣ်.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.

ကလၤတံ 4:16

ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

၂ တံၤမသ့း 1:13

ဟံးဃာ်ဂၢၢ်ကျၢၤတၢ်ကတိၤအမ့ၢ်အတီတဖၣ်လၢယသိၣ် လိတ့ၢ်နၤ, ဒ်အမ့ၢ်တၢ်ဒိတၢ်တဲာ်လၢနကပိာ်ထွဲအီၤအဂီၢ်, ဒီးအိၣ်ဂၢၢ်ဆိးကျၢၤလၢတၢ်စူၢ်တၢ်နာ်ဒီးတၢ်အဲၣ်တၢ်ကွံ လၢအမ့ၢ်ပတၢ်လၢယ့ၣ်ၡူးခရံာ်အပူၤန့ၣ်တက့ၢ်.

ယူဒၤ 1:18

အဝဲသ့ၣ်စံးဘၣ်သု, “တုၤမုၢ်နံၤခံကတၢၢ်တဖၣ်ဟဲတုၤဝဲန့ၣ်, ပှၤလၢအကဒုၣ်ဒွဲၣ်နံၤဘၣ်ဖၣ်လဲသုတဖၣ်ကဟဲပၢၢ်ထီၣ်ဝဲ, လၢအမ့ၢ်ပှၤပိာ်ထွဲအကစၢ်ဒၣ်ဝဲအတၢ်တယူးတယီၣ် ယွၤအတၢ်သူၣ်လီသးကွံအခံန့ၣ်လီၤ.”