၂ တံၤမသ့း 4:21 - Sgaw Karen Common Bible

²¹ ဂုာ်ကျဲးစၢးဒ်သိးနကဟဲတချုးလၢတၢ်ဂိၢ်ခါအကတီၢ်တုၤဒံးဘၣ် န့ၣ်တက့ၢ်. စီၤအူၤဘူလူး, စီၤပူဒံၣ်, စီၤလံနူးဒီးနီၢ်ကျီၢ်ဒံဆှၢ ဃီၤအတၢ်ဆၢဂ့ၤဆၢဝါတဖၣ်, ဒီးဒ်န့ၣ်အသိးဒီပုၢ်ဝဲၢ်ခရံာ်ဖိအဂၤတဖၣ်စ့ၢ်ကီးဆှၢဃုာ် အတၢ်ဆၢဂ့ၤဆၢဝါတဖၣ်န့ၣ်လီၤ.

၂ တံၤမသ့း 4:21 Iomraidhean Croise

လံာ်လူၤကၣ် 12:58

ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်.

1 ကရံၣ်သူး 16:20

ဒီပုၢ်ဝဲၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါတဖၣ်လီၤ. ဆၢဂ့ၤဆၢဝါလိာ်သုသးတဂၤဒီးတဂၤ, လၢဒီပုၢ်ဒီဝဲၢ်အတၢ်နၢမူတက့ၢ်.

၂ ကရံၣ်သူး 13:13

ယွၤအပှၤဂီၢ်မုၢ်ခဲလၢာ်ဆှၢန့ၢ်သုအတၢ်ဆၢဂ့ၤဆၢဝါ တဖၣ်လီၤ. ကစၢ်ယ့ၣ်ၡူးခရံာ်အဘျုးအဖှိၣ်, ကစၢ်ယွၤအတၢ်အဲၣ်တၢ်ကွံဒီးသးမုၢ်စီဆှံအတၢ်ရ့လိာ် မုာ်လိာ်န့ၣ်, မ်အအိၣ်ဒီးသုဝဲကိးဂၤဒဲးတက့ၢ်.

ဖံလံးပံၤ 4:22

ကစၢ်ယွၤအပှၤဂီၢ်မုၢ်ဖဲအံၤခဲလၢာ်ဆှၢလီၤအတၢ်ဆၢဂ့ၤဆၢဝါ တဖၣ်လီၤဆီဒၣ်တၢ်ဆူပှၤလၢအဘၣ်ဃးဒီးစီၤပၤအနီတဖၣ် အအိၣ်န့ၣ်လီၤ.

၂ တံၤမသ့း 1:4

ယသ့ၣ်နီၣ်ထီၣ်က့ၤနမဲာ်ထံမဲာ်နိတဖၣ်, ဒီးယသးအိၣ်ထံၣ် ဘၣ်နၤဒိၣ်မးဒ်သိးယကလၢပှဲၤဒီးတၢ်သးခုအဂီၢ်န့ၣ်လီၤ.

၂ တံၤမသ့း 4:9

ဂုာ်ကျဲးစၢးဟဲဆူယအိၣ်ချ့ချ့တက့ၢ်. စီၤဒ့မၤအဲၣ်တၢ်လၢအဘၣ်ဃးဒီးဟီၣ်ခိၣ်အံၤသတးဒီးဟးသဒၣ် ကွံာ်ယၤ ဒီးလဲၤဆူဝ့ၢ်သ့းစၤလနံလံ. စီၤကြံစကံၣ်လဲၤဆူကီၢ်ကလၤတံ ဒီးစီၤတံတူးဆူကီၢ်ဒၤလမါတံၤန့ၣ်လီၤ.

တံတူး 3:12

တုၤယမၢလီၤစီၤအၢ်တ့းမါမ့တမ့ၢ်စီၤတူဃံၤကူးဆူနအိၣ်န့ၣ်, ဂုာ်ကျဲးစၢးဟဲဆိဆိတသ့ဖဲအသ့ဆူယအိၣ်ဖဲဝ့ၢ်နံၤကပီလံး, မ့ၢ်လၢယပာ်လီၤယသးလၢယကအိၣ်ဖဲန့ၣ်လၢ တၢ်ဂိၢ်ခါဒီ ကတီၢ်ညါအဃိလီၤ.

၂ ယိၤဟၣ် 1:13

သုဒီပုၢ်ဝဲၢ်မုၣ်လၢအဘၣ်တၢ်ဃုထၢအီၤအဖိအလံၤ တဖၣ်ဆှၢန့ၢ်သုအဝဲသ့ၣ်အတၢ်ဆၢဂ့ၤဆၢဝါတဖၣ် န့ၣ်လီၤ.

၃ ယိၤဟၣ် 1:14

တယံာ်လၢၤဘၣ်ဒီးယမုၢ်လၢ်လၢယကထံၣ်ဘၣ်နၤ, ဒီးထဲန့ၣ်တဘျီပကကတိၤသကိးတၢ်လၢမဲာ်သကိးမဲာ် န့ၣ်လီၤ.