၂ တံၤမသ့း 4:20 - Sgaw Karen Common Bible

²⁰ စီၤအ့ၤရၤစတူးအိၣ်တ့ၢ်ဝဲဖဲဝ့ၢ်ကရံၣ်သူး, ဒီးယပာ်တီၢ်စီၤတြီးဖံၤမူးလၢဝ့ၢ်မံလ့ၤတူးအပူၤ, မ့ၢ်လၢအဝဲဆိးက့အဃိလီၤ.

၂ တံၤမသ့း 4:20 Iomraidhean Croise

မၤတၢ် 18:1

အန့ၣ်ဝံၤအလီၢ်ခံ, စီၤပီလူးဟးထီၣ်လၢဝ့ၢ်အၤသ့ၣ်, ဒီးလဲၤဆူဝ့ၢ်ကရံၣ်သူးလီၤ.

မၤတၢ် 18:8

စီၤကြံစပူးလၢအမ့ၢ်ဘူၣ်ဘျီၣ်အခိၣ်တဂၤန့ၣ်, စူၢ်က့ၤနာ်က့ၤကစၢ်ဃုာ်ဒီးအပှၤဟံၣ်ဖိဃီဖိခဲလၢာ်လီၤ. ပှၤအါဒံအါဂၤဖဲဝ့ၢ်ကရံၣ်သူးလၢအနၢ်ဟူဘၣ်တၢ်သးခု အကစီၣ်တဖၣ်န့ၣ်, စူၢ်က့ၤနာ်က့ၤတၢ်ဒီးဘၣ်တၢ်ဘျၢအီၤလၢ ထံလီၤ.

မၤတၢ် 19:22

လၢတၢ်န့ၣ်အဃိ, အဝဲဒၣ်ဆှၢလီၤစီၤတံၤမသ့းဒီးစီၤအ့ရၤစတူး, ပှၤလၢအမၤစၢၤအီၤအကျါခံဂၤန့ၣ်ဆူကီၢ်မၤက့းဒနံ, ဖဲအဝဲအနီၢ်ကစၢ်တခီအိၣ်ဒံးဝဲဖဲကီၢ်အၤစံတစိၢ်တလီၢ်န့ၣ်လီၤ.

မၤတၢ် 20:15

ပဒိးကဒီးကဘီဖဲန့ၣ်ဒီးမုၢ်ဆ့ၣ်ထီၣ်တနံၤန့ၣ်, ပလဲၤတုၤဖဲတၢ်လီၢ်လၢအအိၣ်သဃီၤဒီးကီးဃံ အူးလီၤ. လၢခံတနံၤန့ၣ်, ပတုၤဖဲကီးစါမူးဒီးမုၢ်ဆ့ၣ်ထီၣ် တနံၤန့ၣ်တုၤဖဲဝ့ၢ်မံလ့ၤတူးလီၤ.

မၤတၢ် 20:17

ဖဲဝ့ၢ်မံလ့ၤတူးန့ၣ်, စီၤပီလူးဆှၢလီၤတၢ်ကစီၣ်ဆူဝ့ၢ်အ့းဖ့းစူး ဒီးမၢတၢ်အိၣ်ဖှိၣ်အပှၤသူၣ်က့သးပှၢ်တဖၣ်ဟဲထံၣ်အီၤလီၤ.

မၤတၢ် 20:4

ပှၤဘ့းရံၤဖိစီၤပူရူးအဖိခွါစီၤစိပၤတြူး, ပှၤသ့းစၤလနံဖိစီၤအရံစတၢ်ဃူးဒီးစီၤစ့းကူၣ်ဒူး, ပှၤဒ့ၢ်ဘ့ၤဖိ စီၤကါယူး, ဒီးစီၤတံၤမသ့း, ဒီးပှၤအၤစံဖိစီၤတူဃံၤကူးဒီးစီၤ တြီးဖံၤမူးတဖၣ်လဲၤဃုာ်ဒီးအီၤလီၤ.

မၤတၢ် 21:29

(အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢအထံၣ်ဘၣ်ပှၤအ့းဖ့းစူး ဖိစီၤတြီဖံမူးတပူၤဃီဒီးစီၤပီလူးလၢဝ့ၢ်ပူၤ, ဒီးအဝဲသ့ၣ်ဆိကမိၣ်ဝဲလၢစီၤပီလူးလဲၤကိးနုာ်အီၤဆူတၢ် လုၢ်ဟံၣ်အပူၤအဃိန့ၣ်လီၤ.)

ရိမ့ၤ 16:23

ယဟံၣ်ကစၢ်စီၤကါယူး, လၢတၢ်အိၣ်ဖှိၣ်ဘူၣ်သကိးဘါသကိးတၢ်လၢအဟံၣ်ပူၤ တဂၤ, ဆှၢလီၤန့ၢ်သုအတၢ်ဆၢဂ့ၤဆၢဝါတဖၣ်လီၤ. စီၤအ့ရၤစတူး, လၢအမ့ၢ်ဝ့ၢ်အံၤအပှၤပၢၤစ့တဂၤ, ဒီးယဒီပုၢ်ဝဲၢ်စီၤကူအၢ်တူးဆှၢလီၤန့ၢ်သုအဝဲသ့ၣ်အတၢ်ဆၢ ဂ့ၤဆၢဝါတဖၣ်န့ၣ်လီၤ.