၂ တံၤမသ့း 4:2 - Sgaw Karen Common Bible

² လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

၂ တံၤမသ့း 4:2 Iomraidhean Croise

စံးထီၣ်ပတြၢၤ 40:9

ယွၤဧၢ, လၢနပှၤဂီၢ်မုၢ်အတၢ်အိၣ်ဖှိၣ်ရိဖှိၣ်ဖးဒိၣ်အ ပူၤ, ယတဲဖျါတ့ၢ်ယဲတၢ်ကစီၣ်အမုာ်လၢ နမၤပူၤဖျဲးပှၤလီၤ. နသ့ၣ်ညါနဲလၢယတဆိကတီၢ် တဲတၢ်အံၤနီတဘျီဘၣ်.

လံာ်ယိၤနါ 3:2

“ဂဲၤထၢၣ်, လဲၤဆူဝ့ၢ်နံၤနဝ့, ဝ့ၢ်ဖးဒိၣ်တဖျၢၣ်န့ၣ်, ဒီးဘိးဘၣ်သ့ၣ်ညါတၢ်ကစီၣ်လၢယတဲနၤန့ၣ်တက့ၢ်.”

လံာ်လူၤကၣ် 7:23

ပှၤလၢအသးတဒ့ဒီလၢယဂ့ၢ်တဖၣ်န့ၣ်, ဘၣ်ဆိၣ်ဂ့ၤဝဲဆံးဒိၣ်လဲၣ်.”

လံာ်လူၤကၣ် 7:4

အဝဲသ့ၣ်ဟဲဆူယ့ၣ်ၡူးအအိၣ်, ဒီးဃ့ကညးအီၤသပှၢ်ပှၢ်ဒီးစံး, “သုးခိၣ်တဂၤအံၤ ကြၢးဝဲဘၣ်ဝဲစဲဃဲၤဒီးနတၢ်မၤစၢၤလီၤ.

လံာ်လူၤကၣ် 9:60

ယ့ၣ်ၡူးစံးဆၢဝဲ, “ပျဲပှၤသံတဖၣ်ခူၣ်လီၤအပှၤသံဒၣ်ဝဲတက့ၢ်. မ့မ့ၢ်နဲတခီ, လဲၤဒီးစံၣ်တဲၤတဲလီၤကစၢ်ယွၤအဘီအမုၢ်အဂ့ၢ်တက့ၢ်.”

မၤတၢ် 13:5

ဖဲအဝဲသ့ၣ်လဲၤတုၤဖဲဝ့ၢ်စလၤမံန့ၣ်, စံၣ်တဲၤတဲလီၤယွၤအကလုၢ်ကထါလၢပှၤယူဒၤဖိအဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤလီၤ. ဒီးအဝဲသ့ၣ်အိၣ်ဒီးစီၤယိၤဟၣ် မၢ်ကူးလၢအကမၤစၢၤအီၤလၢအတၢ်ဖံးတၢ်မၤအပူၤန့ၣ်လီၤ.

မၤတၢ် 16:13

ဖဲပှၤယူဒၤဖိအမုၢ်အိၣ်ဘှံးနံၤန့ၣ်, ပဟးထီၣ်ဆူဝ့ၢ်အချၢဒီးလဲၤ ဆူထံကျိနံၤ, ဖဲတၢ်လီၢ်လၢပဆိကမိၣ်ပှၤယူဒၤဖိအတၢ်ဘါထု ကဖၣ်အလီၢ်ကအိၣ်ဝဲန့ၣ်လီၤ. ပဆ့ၣ်နီၤဒီးစံၣ်တဲၤတဲလီၤန့ၢ်တၢ်လၢပိာ်မုၣ်လၢအဟဲပာ်ဖှိၣ် သကိးအသးဖဲန့ၣ်တဖၣ်အဂီၢ်လီၤ.

မၤတၢ် 20:7

လၢမုၢ်နွံနံၤအကျါမုၢ်ခီၣ်ထံးနံၤဟါခီန့ၣ်, ပပာ်ဖှိၣ်ထီၣ်သကိးပသးလၢတၢ်စိၢ်ဘျဲးကိၣ် အဂီၢ်လီၤ. စီၤပီလူးကတိၤတၢ်ဒီးပှၤဂီၢ်မုၢ်တဖၣ်ပၢၢ်တုၤလၢဖးဖီမုၢ် တစုအဂ့ၢ်မ့ၢ်လၢအကဘၣ်ဟးထီၣ်ဝဲလၢခံတနံၤအဃိလီၤ.

မၤတၢ် 28:16

ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

ရိမ့ၤ 10:15

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)

ရိမ့ၤ 12:12

မ်သုတၢ်မုၢ်လၢ်ဒုးသးခုသု, အိၣ်ဒီးတၢ်ဝံသးစူၤလၢသုတၢ်ကီတၢ်ခဲတဖၣ်အပူၤ, ဒီးဃ့ဘါထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

ကလီးစဲ 1:25

ကစၢ်ယွၤဒုးကဲထီၣ်ယၤလၢတၢ်အိၣ်ဖှိၣ်အခ့အပှၤလၢယကမၤ တၢ်ဂ့ၤလၢသုဂီၢ်, ဒ်သိးယကစံၣ်တဲၤတဲလီၤကစၢ်ယွၤအတၢ်ကစီၣ်လၢလၢ ပှဲၤပှဲၤန့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ သ့းစၤလနံ 1:6

သုတူၢ်ဘၣ်တၢ်မၤအၢမၤနးသုအဒိၣ်အမုၢ်နာ်သက့, သုတူၢ်လိာ်တၢ်သးခုအကစီၣ်လၢတၢ်သးခုလၢ သုဒိးန့ၢ်ဘၣ်လၢသးစီဆှံအအိၣ်သတးဒီး, သုကဲထီၣ်ပှၤကွၢ်လိမၤဒိးပှၤဒီးကစၢ်န့ၣ်လီၤ.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၁ တံၤမသ့း 4:13

တချုးယဟဲဒံးဘၣ်ဒီး, ဟ့ၣ်လီၤနတၢ်ဆၢကတီၢ်ဒီးတၢ်ကျဲးစၢးလၢတၢ်ဖးန့ၢ်ပှၤဂီၢ်မုၢ် လၢတၢ်ကွဲးအသးစီဆှံတဖၣ်, ဒီးလၢတၢ်စံၣ်တဲၤတဲလီၤတၢ်ဒီးလၢတၢ်သိၣ်လိသီလိတၢ် အဂီၢ်န့ၣ်တက့ၢ်.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

၂ တံၤမသ့း 2:21

ပှၤတဂၤဂၤမ့ၢ်မၤကဆှီထီၣ်ကွံာ်အသးလၢတၢ်အၢတၢ်သီ တဖၣ်န့ၣ်ဒီး, အဝဲဒၣ်ကဘၣ်တၢ်သူအီၤလၢတၢ်အကတီၢ် လီၤဆီတဖၣ်အဂီၢ်, မ့ၢ်လၢအပာ်စီဆှံအသးဒီးကဲဘျုးလၢအကစၢ်အဂီၢ်ဒီး ကတဲာ်ကတီၤအသးလၢကယဲၢ်တၢ်မၤအဂ့ၤအဂီၢ်အဃိလီၤ.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

၂ တံၤမသ့း 3:10

မ့မ့ၢ်နဲဒၣ်အံၤနပိာ်ထွဲယတၢ်သိၣ်လိသီလိအခံ, ယတၢ်အိၣ်မူအကျဲဒီးယတၢ်တိာ်လၢတၢ်အိၣ်မူအပူၤန့ၣ်လီၤ. နထံၣ်ဘၣ်တ့ၢ်ယတၢ်စူၢ်တၢ်နာ်, ယတၢ်ဝံသးစူၤ, ယတၢ်အဲၣ်တၢ်ကွံ, ယတၢ်သ့တူၢ်တၢ်,

တံတူး 1:13

လၢတၢ်ဂ့ၢ်အံၤအဃိ, နကဘၣ်သိၣ်ဃီၣ်အဝဲသ့ၣ်ဆါဆါဒ်သိးအဝဲသ့ၣ်ကအိၣ်ဒီးတၢ်စူၢ်တၢ် နာ်လၢအမ့ၢ်ဝဲတီဝဲ,

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

ဧ့ၤဘြံၤ 13:22

ဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုကဒိကနၣ်တၢ်ဟ့ၣ်ဂံၢ်ဟ့ၣ်ဘါသု အတၢ်ကတိၤအံၤလၢတၢ်သးစူၤအပူၤ, အဂ့ၢ်မ့ၢ်လၢအတထီကဲၣ်ဆိးဘၣ်အဃိန့ၣ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.