၂ တံၤမသ့း 3:8 - Sgaw Karen Common Bible

⁸ ဒ်စီၤယၣ်နံၤဒီးစီၤယၣ်ဘြံၤထီဒါစီၤမိၤၡ့အသိးန့ၣ်, ပှၤတဖၣ်အံၤထီဒါစ့ၢ်ကီးတၢ်မ့ၢ်တၢ်တီဒီးမ့ၢ်ပှၤတဖၣ် လၢအဆိကမိၣ်ဆိကမးတၢ်တဘၣ်ဒီးလီၤတိၢ်ကွံာ်လၢ အတၢ်စူၢ်တၢ်နာ်န့ၣ်လီၤ.

၂ တံၤမသ့း 3:8 Iomraidhean Croise

လံာ်တၢ်ဟးထီၣ်ကွံာ် 7:11

တုၤနုၤတစုစီၤပၤကိးထီၣ်အပှၤကူၣ်တၢ်သ့တဖၣ်ဒီးပှၤမၤကဒါ ပမဲာ်တဖၣ်, ဒီးလၢအဝဲသ့ၣ်တဖၣ်အတၢ်မၤကဒါမဲာ်န့ၣ်မၤစ့ၢ် ကီးဝဲဒ်န့ၣ်အသိးလီၤ.

လံာ်တၢ်ဟးထီၣ်ကွံာ် 7:22

တုၤနုၤတစုစီၤပၤအပှၤမၤကဒါပမဲာ်တဖၣ်မၤတၢ်ဒ်န့ၣ်အသိးခီ ဖျိအတၢ်သ့တၢ်ဘၣ်န့ၣ်လီၤ. ဒီးစီၤပၤအသးကိၤဒံးဝဲ ဒၣ်ဒ်အလီၢ်လီၢ်န့ၣ်လီၤ. ဒ်ယွၤစံးဝဲအသိးစီၤပၤဂ့ၢ်လိာ်လၢ ကဒိကနၣ်စီၤမိၤၡ့ဒီးစီၤအၤဟရိၣ်န့ၣ်လီၤ.

လံာ်တၢ်ဟးထီၣ်ကွံာ် 8:18

ပှၤမၤကဒါပှၤမဲာ်တဖၣ်ကျဲးစၢးဒုးအိၣ်ထီၣ်ဃးသူဃးလါတဖၣ်ဘၣ် ဆၣ်ဒီးတကဲထီၣ်ဝဲဒၣ်ဘၣ်. ဒီးဃးသူဃးလါတဖၣ်အိၣ်ဝဲဒၣ်လၢတၢ်လီၢ်ကိးပူၤဒဲး,

လံာ်တၢ်ဟးထီၣ်ကွံာ် 8:7

ဘၣ်ဆၣ်ပှၤမၤကဒါပမဲာ်တဖၣ်ဒုးဟဲထီၣ်စ့ၢ်ကီးဒ့ၣ်ဧိၤကွီၣ်ဧိၤ တဖၣ်လၢကီၢ်အဲၤကူပတူးအပူၤန့ၣ်လီၤ.

မၤတၢ် 15:24

ပနၢ်ဟူဘၣ်လၢပှၤလၢပသိးပကျါတနီၤလဲၤမၤတံာ်တာ်ဒီး မၤဟးဂီၤသုသးခီဖျိအတၢ်စံးတၢ်ကတိၤန့ၣ်လီၤ. ဘၣ်ဆၣ်ဒီး, အဝဲသ့ၣ်တမ့ၢ်ပှၤလၢပမၢလီၤအီၤဒ်သိးအကလဲၤ မၤတၢ်ဒ်န့ၣ်ဘၣ်.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ တံၤမသ့း 4:15

နကစၢ်ဒၣ်နဲပလီၢ်နသးလၢအီၤစ့ၢ်ကီးတက့ၢ်. အဂ့ၢ်ဒ်လဲၣ်န့ၣ်, အဝဲထီဒါပတၢ်သးခုကစီၣ်ဆူၣ်ဆူၣ်ကလဲာ်လီၤ.

တံတူး 1:10

အဂ့ၢ်ဒ်အံၤ, ပှၤအိၣ်ဝဲအါဂၤလၢအထီဒါတၢ်ဒီးကတိၤတၢ်လၢ အခီပညီတအိၣ်ဒီးလီန့ၢ်ပှၤဂၤတဖၣ်န့ၣ်လီၤ. ပှၤတဖၣ်အံၤပထံၣ်အီၤလီၤဆီဒၣ်တၢ်လၢပှၤယူဒၤဖိလၢ အကဲထီၣ်ပှၤခရံာ်ဖိတဖၣ်အကျါန့ၣ်လီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.

လံာ်လီၣ်ဖျါ 2:6

ဘၣ်ဆၣ်ဒီး, အအံၤမ့ၢ်တၢ်ဂ့ၤတမံၤလၢအအိၣ်ဒီးနၤလီၤ. နသးဟ့နဲပှၤနံၤကလါဖိတဖၣ်အတၢ်မၤထဲသိးသိးယသး ဟ့ယဲစ့ၢ်ကီးန့ၣ်လီၤ.