၂ တံၤမသ့း 3:5 - Sgaw Karen Common Bible

⁵ အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

၂ တံၤမသ့း 3:5 Iomraidhean Croise

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၂ သ့းစၤလနံ 3:14

ပှၤမ့ၢ်အိၣ်ဝဲတဂၤဂၤလၢအဂ့ၢ်လိာ်လၢအကပိာ်ထွဲတၢ်သိၣ် လီၤသီလီၤလၢပဆှၢလီၤလၢတၢ်ပရၢတဘ့ၣ်အံၤအပူၤန့ၣ်, ပာ်သူၣ်ပာ်သးဒီးမၤဘၣ်ထွဲသုသးလၢအီၤနီတမံၤတဂ့ၤ. သုကဘၣ်မၤဒ်အံၤ, မ့ၢ်ဒ်သိးအဝဲကမဲာ်ဆှးလီၤက့ၤအသး အဂီၢ်န့ၣ်လီၤ.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.

၁ တံၤမသ့း 4:7

ဘၣ်ဆၣ်ဒီး, ပဒ့ၣ်ဟးဆှဲးတၢ်တသ့ၣ်ညါထူတသ့ၣ်ညါယွၤအတၢ်စံၣ် ဃဲၤတဲဃဲၤလၢပျၢၤလၢအဘျုးအဖှိၣ်တအိၣ်ဘၣ်တဖၣ်န့ၣ် တက့ၢ်. သိၣ်လီၤဒၣ်နသးလၢတၢ်အိၣ်မူယူးယီၣ်ယွၤအဂီၢ် န့ၣ်တက့ၢ်.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

၁ တံၤမသ့း 5:8

ဘၣ်ဆၣ်ဒီး, ပှၤတဂၤဂၤမ့ၢ်တအံးထွဲကွၢ်ထွဲအဘူးအတံၢ်, လီၤဆီဒၣ်တၢ်အဟံၣ်ဖိဃီဖိဒူၣ်ဖိထၢဖိဒၣ်ဝဲဘၣ်ဒီး, အဝဲသမၢဘၣ်လံတၢ်စူၢ်တၢ်နာ်ဒီးမ့ၢ်ပှၤလၢအအၢန့ၢ်ဒံး ပှၤလၢအတစူၢ်တနာ်တၢ်တဂၤန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ တံၤမသ့း 2:16

ပဒ့ၣ်ဟးဆှဲးတၢ်ကတိၤတရီတပါတၢ်စီဆှံဒီးတၢ်ဂ့ၢ်လိာ်ဘှီ လိာ်ကလီကလီတဖၣ်, လၢအဆှၢပှၤဆူတၢ်တယူးတယီၣ်ယွၤအါထီၣ်အါထီၣ်န့ၣ်တက့ၢ်.

၂ တံၤမသ့း 2:23

မ့မ့ၢ်, တၢ်ဂ့ၢ်လိာ်ဘှီလိာ်ကလီကလီလၢအခီပညီတအိၣ်ဘၣ် တဖၣ်န့ၣ်ဟးဆှဲးအီၤတက့ၢ်. နသ့ၣ်ညါလၢတၢ်သ့ၣ်တဖၣ်အံၤအကတၢၢ်မ့ၢ်တၢ်အ့ၣ်လိာ်ဆိး က့လိာ်အသးန့ၣ်လီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

တံတူး 3:10

ပှၤတဂၤလၢအဒုးအိၣ်ထီၣ်တၢ်လီၤဖးတဖၣ်န့ၣ်, ဟ့ၣ်ပလီၢ်အီၤတဘျီခံဘျီဝံၤအလီၢ်ခံတဘၣ်ကနၣ်ဃုာ်လၢၤ အီၤတဂ့ၤ.