၂ တံၤမသ့း 3:14 - Sgaw Karen Common Bible

¹⁴ မ့မ့ၢ်နဲဒၣ်အံၤ, လဲၤတၢ်လၢတၢ်မ့ၢ်တၢ်တီလၢတၢ်သိၣ်လိ တ့ၢ်နၤဒီးနနာ်တ့ၢ်ဂၢၢ်ဂၢၢ်ကျၢၤကျၢၤတဖၣ်အပူၤန့ၣ်တက့ၢ်. နသရၣ်တဖၣ် မ့ၢ်မတၤလဲၣ်န့ၣ်နသ့ၣ်ညါနဲ,

၂ တံၤမသ့း 3:14 Iomraidhean Croise

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

ရိမ့ၤ 14:5

ဖဲပှၤတဂၤဆိကမိၣ်ဝဲလၢမုၢ်နံၤတနံၤန့ၣ်အကါဒိၣ်န့ၢ်ဒံးမုၢ်နံၤ အဂၤတဖၣ်န့ၣ်, ပှၤအဂၤကဒီးတဂၤဆိကမိၣ်ဝဲလၢမုၢ်နံၤခဲလၢာ် မ့ၢ်ဒၣ်ဒ်သိးသိးန့ၣ်လီၤ. မ်ပှၤတဂၤဒီးတဂၤ ဟံးဃာ်တၢ်ဒ်အဆိကမိၣ်ဒၣ်ဝဲအသိးန့ၣ်တက့ၢ်.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၂ တံၤမသ့း 1:13

ဟံးဃာ်ဂၢၢ်ကျၢၤတၢ်ကတိၤအမ့ၢ်အတီတဖၣ်လၢယသိၣ် လိတ့ၢ်နၤ, ဒ်အမ့ၢ်တၢ်ဒိတၢ်တဲာ်လၢနကပိာ်ထွဲအီၤအဂီၢ်, ဒီးအိၣ်ဂၢၢ်ဆိးကျၢၤလၢတၢ်စူၢ်တၢ်နာ်ဒီးတၢ်အဲၣ်တၢ်ကွံ လၢအမ့ၢ်ပတၢ်လၢယ့ၣ်ၡူးခရံာ်အပူၤန့ၣ်တက့ၢ်.

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.