၂ တံၤမသ့း 2:4 - Sgaw Karen Common Bible

⁴ ပှၤသုးဖိလၢအအိၣ်လၢတၢ်ဖံးတၢ်မၤအပူၤတဂၤန့ၣ်, သးအိၣ်မၤမုာ်မၤမံဘၣ်အသုးခိၣ်အသးသတးဒီး, အဝဲတမၤတံာ်တာ်အသးလၢပှၤပတီၢ်မုၣ်အတၢ် ဂ့ၢ်တၢ်ကျိၤတဖၣ်န့ၣ်ဘၣ်.

၂ တံၤမသ့း 2:4 Iomraidhean Croise

လံာ်လူၤကၣ် 8:14

တၢ်ချံလၢအလီၤဘၣ်လၢတၤဆှုၣ်တၤမဲအလိၤပာ်ဖျါထီၣ်ပှၤတဖၣ်လၢ အနၢ်ဟူဘၣ်တၢ်အကလုၢ်ကထါဘၣ်ဆၣ်, တၢ်သူၣ်ကိၢ်သးဂီၤ, တၢ်ထူးတၢ်တီၤဒီးတၢ်အိၣ်မူအအံၤတဃၣ် အတၢ်မုာ်တၢ်ပၢၤတဖၣ်နုာ်လီၤခဲဘၢကွံာ်အဝဲသ့ၣ်ဒ်တၤဆှုၣ် တၤမဲအသိး, ဒီးမၤအသးဒ်တၢ်မုၢ်တၢ်ဘိလၢအသၣ်တမံလၢၤနီတစုဘၣ်အသိးန့ၣ်လီၤ.

၂ ကရံၣ်သူး 5:9

ဘၣ်ဆၣ်ဒီး, ဒိၣ်န့ၢ်အါန့ၢ်တၢ်အံၤခဲလၢာ်န့ၣ်, ပသးအိၣ်မၤတၢ်ဘၣ်အသးလၢပဟံၣ်ဖဲအံၤတဖျၢၣ်အပူၤ မ့ၢ်ဂ့ၤ, ပဟံၣ်ဖဲန့ၣ်တဖျၢၣ်အပူၤမ့ၢ်ဂ့ၤန့ၣ်လီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

၁ သ့းစၤလနံ 2:4

မ့မ့ၢ်ထီဘိန့ၣ်ပစံးကတိၤတၢ်လၢကစၢ်ယွၤသးအိၣ်လၢ ပကကတိၤန့ၣ်လီၤ. အဂ့ၢ်ဒ်အံၤ, အဝဲဒၣ်ပာ်ပှၤဒ်ပှၤလၢအကြၢးဝဲဘၣ်ဝဲလၢတၢ်ကဟ့ၣ်လီၤတၢ်သး ခုကစီၣ်ဆူအစုပူၤလီၤ. ပတဂုာ်ကျဲးစၢးမၤတၢ်ဘၣ်ပှၤကညီအသး ဘၣ်. မ့မ့ၢ်ပဂုာ်ကျဲးစၢးမၤကစၢ်ယွၤလၢအထံၣ်နုာ်တၢ်လၢပသူၣ်ကံၢ် သးလဲပူၤတဂၤအတၢ်ဘၣ်အသးလီၤ.

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.