၂ တံၤမသ့း 2:23 - Sgaw Karen Common Bible

²³ မ့မ့ၢ်, တၢ်ဂ့ၢ်လိာ်ဘှီလိာ်ကလီကလီလၢအခီပညီတအိၣ်ဘၣ် တဖၣ်န့ၣ်ဟးဆှဲးအီၤတက့ၢ်. နသ့ၣ်ညါလၢတၢ်သ့ၣ်တဖၣ်အံၤအကတၢၢ်မ့ၢ်တၢ်အ့ၣ်လိာ်ဆိး က့လိာ်အသးန့ၣ်လီၤ.

၂ တံၤမသ့း 2:23 Iomraidhean Croise

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

၁ တံၤမသ့း 4:7

ဘၣ်ဆၣ်ဒီး, ပဒ့ၣ်ဟးဆှဲးတၢ်တသ့ၣ်ညါထူတသ့ၣ်ညါယွၤအတၢ်စံၣ် ဃဲၤတဲဃဲၤလၢပျၢၤလၢအဘျုးအဖှိၣ်တအိၣ်ဘၣ်တဖၣ်န့ၣ် တက့ၢ်. သိၣ်လီၤဒၣ်နသးလၢတၢ်အိၣ်မူယူးယီၣ်ယွၤအဂီၢ် န့ၣ်တက့ၢ်.

၂ တံၤမသ့း 2:14

ဒုးသ့ၣ်နီၣ်ထီၣ်က့ၤအဝဲသ့ၣ်လၢတၢ်အံၤ, ဒီးဟ့ၣ်ပလီၢ်အဝဲသ့ၣ်သပှၢ်ပှၢ်လၢကစၢ်ယွၤအမဲာ်ညါဒ်သိး အသုတဂ့ၢ်လိာ်ဘှီလိာ်အသးလၢတၢ်ကတိၤတဖၣ်အဃိတဂ့ၤ. တၢ်ဒ်သိးအံၤတမၤဂ့ၤတၢ်အမဲာ်ညါမၤဟးဂီၤပှၤလၢအဒိကနၣ် တၢ်တဖၣ်လီၤ.

၂ တံၤမသ့း 2:16

ပဒ့ၣ်ဟးဆှဲးတၢ်ကတိၤတရီတပါတၢ်စီဆှံဒီးတၢ်ဂ့ၢ်လိာ်ဘှီ လိာ်ကလီကလီတဖၣ်, လၢအဆှၢပှၤဆူတၢ်တယူးတယီၣ်ယွၤအါထီၣ်အါထီၣ်န့ၣ်တက့ၢ်.

တံတူး 3:9

ဘၣ်ဆၣ်ဒီးပဒ့ၣ်ဟးဆှဲးတၢ်ဂ့ၢ်လိာ်ဘှီလိာ်ကလီကလီ, တၢ်ယၢၤထီၣ်ဖးထီတၢ်ဟဲလီၤစၢၤတဖၣ်, တၢ်အ့ၣ်လိာ် ဆိးက့လိာ်သးဒီးတၢ်ထီဒုၣ်ထီဒါလိာ်သးလၢတၢ်သိၣ် တၢ်သီအဃိတဖၣ်န့ၣ်တက့ၢ်. တၢ်သ့ၣ်တဖၣ်အံၤအဘျုးဒီးအလုၢ်အပှ့ၤတအိၣ်ဘၣ်.

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.