၂ တံၤမသ့း 2:19 - Sgaw Karen Common Bible

¹⁹ ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

၂ တံၤမသ့း 2:19 Iomraidhean Croise

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 112:6

အဂ့ၢ်ဒ်အံၤ, ပှၤအတီအလိၤန့ၣ် တဟူးတဝးဘၣ်နီတဘျီဘၣ်. အဝဲကဘၣ်တၢ်သ့ၣ်နီၣ်ထီၣ်က့ၤအီၤ လီၤထူလီၤယိာ်လီၤ.

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 37:18

ယွၤကွၢ်ထွဲပှၤလၢအဒိကနၣ်အီၤ, ဒီးအတၢ်န့ၢ်သါန့ၣ်ကအိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 97:10

ယွၤအဲၣ်ပှၤလၢအသးဟ့တၢ်အၢ, အဝဲဒီဒၣ်အိၣ်ပှိၤအပှၤဂီၢ်မုၢ်အသးသမူ, ဒီးမၤပူၤဖျဲးအဝဲသ့ၣ်လၢ ပှၤအၢပှၤသီအတၢ်စိတၢ်ကမီၤအပူၤန့ၣ်လီၤ.

တၢ်ကတိၤဒိ. 10:25

ကလံၤသီၣ်ဂီၤဟဲလီၤဝဲဒီးပှၤတတီတလိၤတဖၣ်ဒံကွံာ်ဒံဖျိး ကွံာ်ဝဲလီၤ. မ့မ့ၢ်, ပှၤအတီအလိၤတဖၣ်အိၣ်ဂၢၢ်ဆိးကျၢၤဝဲတဘိ ယူာ်ဃီလီၤ.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

လံာ်ယၡါယၤ 14:32

မ့ၢ်ပကစံးဆၢပှၤစိာ်တၢ်ကစီၣ်တဖၣ်လၢအဟဲဆူပအိၣ်လၢကီၢ် ဖလ့ၡသးတခီန့ၣ်ဒ်လဲၣ်. ပကတဲဘၣ်အဝဲသ့ၣ်လၢယွၤဒုးအိၣ်ထီၣ် ဒီးပာ်ဂၢၢ်ပာ်ကျၢၤလံဝ့ၢ်စံယိၣ်လီၤ. ဒီးအပှၤဂီၢ်မုၢ်လၢ အတူၢ်ဘၣ်တၢ်နးတၢ်ဖှီၣ်တဖၣ်ကထံၣ်န့ၢ်တၢ်ပူၤဖျဲးဖဲန့ၣ်န့ၣ်လီၤ.

လံာ်ယၡါယၤ 28:16

မၤသးဒ်န့ၣ်ဒီးခဲအံၤစိဒိၣ်ကမီၤဒိၣ်ယွၤစံးဝဲ, “ယပာ်လီၤတၢ်ခီၣ်ထံးအဂၢၢ်အကျၢၤဒီးဆူၣ်ဝဲတခါလၢ ဝ့ၢ်စံယိၣ်အပူၤလီၤ. လၢအပူၤန့ၣ်, ယပာ်လၢၢ်သနၢၣ်ဂၢၢ်ကျၢၤတ ဖျၢၣ်လၢအအိၣ်ဒီးတၢ်ကတိၤလၢအကွဲးလီၤအသးလၢအလိၤ, ‘တၢ်နာ်လၢအဂၢၢ်ဝဲကျၢၤဝဲန့ၣ်သးစူၤစ့ၢ်ကီးဝဲလီၤ.’

လံာ်ယၡါယၤ 63:19

နပာ်ပှၤဒ်နတမ့ၢ်ဘၣ်ပှၤပၢဘၣ်ပှၤနီတစုအသိး, ဒ်ပတမ့ၢ်တ့ၢ်နပှၤဂီၢ်မုၢ်နီတစုဘၣ်အသိးန့ၣ်လီၤ.

လံာ်ယၡါယၤ 65:15

ပှၤဂီၢ်မုၢ်လၢယဃုထၢအီၤကသူသုမံၤဒ်တၢ်ဘၣ်ဆိၣ်အၢတမံၤ အသိးလီၤ. ယၤ, ယွၤပၢဘၣ်တၢ်ခဲလၢာ်ကစၢ်ကမၤသံသုလီၤ. ဘၣ်ဆၣ်ဒီးယကဟ့ၣ်မံၤအသီတဖျၢၣ်လၢပှၤလၢအစူၢ်ယၤ တဖၣ်အဂီၢ်န့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်နၤဃူၣ် 1:7

ယွၤန့ၣ်ဂ့ၤဝဲ ဒီးမ့ၢ်တိာ်ဧိၤတာ်ဧိၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ. ဒီးအဝဲသ့ၣ်ညါပှၤလၢအသန့ၤအသးလၢအီၤလီၤ.

လံာ်ဃးကဲ 2:23

လၢမုၢ်နံၤအဝဲန့ၣ်, ယကဟံးန့ၢ်နၤ, ယခ့ယပှၤစီၤစရူၤဘၤဘ့လးဧၢ, ယကဃုထၢပာ်လီၤနၤဒ်သိးနကပၢတၢ်လၢယမံၤအပူၤလီၤ. နမ့ၢ်ပှၤတဂၤလၢယဃုထၢတ့ၢ်အီၤလံ.” ယွၤသ့တၢ်လၢာ်ကစၢ်စံးတ့ၢ်ဝဲ.

လံာ်စကၤရယၤ 3:9

ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်တၢ်ဂံၢ် 6:27

ဒီးယွၤစံးဝဲဒၣ်, “အဝဲသ့ၣ်မ့ၢ်ကိးထီၣ်ယမံၤဒ်တၢ်ဆိၣ်ဂ့ၤ တမံၤအသိးလၢကီၢ်အံၣ်စရ့လးအပှၤဂီၢ်မုၢ်အဂီၢ်ဒီးယကဆိၣ်ဂ့ၤ အဝဲသ့ၣ်န့ၣ်လီၤ.”

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်မးသဲ 7:23

ဒီးယကစံးဘၣ်အဝဲသ့ၣ်, ‘ယတသ့ၣ်ညါသုနီတစုဘၣ်. ပှၤမၤတၢ်အၢတၢ်သီသ့ၣ်ဧၢ, ဟးဖးဒီးယၤတက့ၢ်.’

လံာ်မးသဲ 7:25

တၢ်စူၤလီၤဖးဒိၣ်, ထံကျိတဖၣ်အထံလုၣ်ဘၢတၢ်, ဒီးကလံၤအူဘၣ်ဟံၣ်န့ၣ်ဆူၣ်ဆူၣ်ကလဲာ်, ဘၣ်ဆၣ်တလီၤပှီၢ်ဝဲဘၣ်. အဂ့ၢ်ဒ်အံၤ, ဘၣ်တၢ်သူၣ်ထီၣ်အီၤလၢလၢၢ်အဖီခိၣ်အဃိလီၤ.

လံာ်မၢ်ကူး 12:16

အဝဲသ့ၣ်ဟဲစိာ်စ့ဒန့ၤရံတဘ့ၣ်ဆူအအိၣ်, ဒီးအဝဲဒၣ်သံကွၢ် အဝဲသ့ၣ်, “တၢ်အံၤမ့ၢ်မတၤအခိၣ်အဂီၤဒီးအမံၤလဲၣ်.” အဝဲသ့ၣ်စံးဆၢက့ၤ, “မ့ၢ်ရိမ့ၤအစီၤပၤဖးဒိၣ်ကဲစၢ်အဂီၤဒီးအမံၤလီၤ.”

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်လူၤကၣ် 13:27

ဘၣ်ဆၣ်ဒီးအဝဲဒၣ်ကစံးကဒီးဝဲ, ‘သုဟဲဖဲလဲၣ်န့ၣ်ယတသ့ၣ်ညါဘၣ်. သုဝဲကိးဂၤလၢအမၤတၢ်အၢတၢ်သီသ့ၣ်ဧၢ, ဟးထီၣ်ကွံာ်လၢယအိၣ်တက့ၢ်.’

လံာ်လူၤကၣ် 6:48

အဝဲဒၣ်လီၤဂာ်ဒီးပှၤတဂၤလၢအသူၣ်ထီၣ်ဟံၣ်, ခူၣ်တၢ်ပူၤယိာ်ယိာ်, ဒီးပာ်လီၤဝဲအခီၣ်ထံးခီၣ်ဘိလၢလၢၢ်ခိၣ်န့ၣ်လီၤ. ထံလုၣ်ဘၢကွံာ်ထံကျိအကၢၢ်ခိၣ်ဒီးဘၣ်ဒိဟံၣ်တဖျၢၣ်န့ၣ်, ဘၣ်ဆၣ်ဒီးမၤဟူးမၤဝးအီၤတန့ၢ်ဘၣ်. အဂ့ၢ်မ့ၢ်လၢတၢ်သူၣ်အီၤကျၢၤကျၢၤအဃိလီၤ.

လံာ်ယိၤဟၣ် 10:14

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 3:33

ပှၤတဂၤလၢ်လၢ်လၢအအၢၣ်လီၤတူၢ်လိာ်အတၢ်ကစီၣ်န့ၣ်, ပာ်ဂၢၢ်ပာ်ကျၢၤဝဲလီၤတံၢ်လီၤဆဲးလၢကစၢ်ယွၤ န့ၣ်တီဝဲလိၤဝဲလီၤ.

မၤတၢ် 11:26

တုၤအထံၣ်န့ၢ်အီၤဒီးဟဲက့ၤကိးအီၤဆူဝ့ၢ်အၣ်တံၤအီာ်န့ၣ်လီၤ. လၢဒီနံၣ်ညါအတီၢ်ပူၤန့ၣ်, အဝဲသ့ၣ်ခံဂၤအံၤထံၣ်လိာ်အိၣ်သကိးဒီးတၢ်အိၣ်ဖှိၣ်ဖဲန့ၣ် ဒီးသိၣ်က့ၤသီက့ၤပှၤဂီၢ်မုၢ်လီၤ. အပျဲၢ်အဘီၣ်တဖၣ်ဘၣ်တၢ်ကိး အီၤလၢပှၤခရံာ်ဖိအဆိကတၢၢ်မ့ၢ်ဝဲဒၣ်ဖဲဝ့ၢ်အၣ်တံၤအီာ်အံၤန့ၣ်လီၤ.

မၤတၢ် 15:17

တုၤနုၤတစု, ပှၤဟီၣ်ခိၣ်ဖိအဂၤခဲလၢာ်, ပှၤကလုာ်ဂၤခဲလၢာ်လၢယကိးတ့ၢ်အီၤလၢအကကဲယတၢ်ဒၣ်ယဲ တဖၣ်န့ၣ်, ကဟဲဆူယအိၣ်လီၤ.

မၤတၢ် 9:14

အဝဲဒၣ်ဟဲဝဲဆူဝ့ၢ်ဒၤမ့ၤစ့းအံၤန့ၣ်, ပှၤလုၢ်တၢ်အခိၣ်အဒိၣ်တဖၣ်ဟ့ၣ်စိဟ့ၣ်ကမီၤအီၤလၢအကဖီၣ် ကယဲၢ်ပှၤလၢအကိးထီၣ်နမံၤခဲလၢာ်န့ၣ်လီၤ.”

ရိမ့ၤ 11:2

ကစၢ်ယွၤတညိကွံာ်အပှၤကလုာ်လၢအဃုထၢပာ်ဝဲလၢအခီၣ်ထံး လံၤလံၤန့ၣ်ဘၣ်. သုသ့ၣ်ညါတၢ်ကွဲးအသးစီဆှံဘၣ်ဃးဝံအ့ၤလံယၤ အတၢ်ဃ့သကွံၢ်ကညးကစၢ်ယွၤထီဒါအံၣ်စရ့လးလၢအစံးဝဲ,

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ရိမ့ၤ 15:20

ယတၢ်သးစၢၢ်ဆၢထဲတမံၤဧိၤမ့ၢ်ဒၣ်တၢ်စံၣ်တဲၤတဲလီၤတၢ်သးခုကစီၣ် ဖဲတၢ်လီၢ်တဖၣ်လၢပှၤတနၢ်ဟူဘၣ်ဒံးခရံာ်အမံၤ, ဒ်သိးယသုတသူၣ်ထီၣ်ဘှီထီၣ်ဘၣ်တၢ်လၢတၢ်အခီၣ်ထံးလၢ ပှၤဂၤပာ်လီၤတ့ၢ်လံဝဲအဖီခိၣ်တဂ့ၤအဂီၢ်န့ၣ်လီၤ.

ရိမ့ၤ 15:9

ဒီးလၢကမၤစၢၤစ့ၢ်ကီးပှၤကလုာ်ဂၤတဖၣ်ဒ်သိးကစံးထီၣ်ပတြၢၤ ကစၢ်ယွၤလၢအတၢ်သးကညီၤအဃိန့ၣ်လီၤ. ဒ်တၢ်ကွဲးအသးစံးဝဲအသိး, လၢတၢ်အံၤအဃိယကစံးထီၣ်ပတြၢၤနၤလၢပှၤ ကလုာ်ဂၤတဖၣ်အကျါ, ယကသးဝံၣ်စံးထီၣ်ပတြၢၤနမံၤလီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

ရိမ့ၤ 9:11

ဘၣ်ဆၣ်ဒ်သိးဒီးတၢ်ဃုထၢဖိခွါတဂၤကမ့ၢ်ကစၢ်ယွၤ အတၢ်တိာ်ဒၣ်ဝဲအတၢ်ဃုထၢနီၢ်နီၢ်အဂီၢ်န့ၣ်, ကစၢ်ယွၤ စံးဘၣ်နီၢ်ရံးဘကၤ,

1 ကရံၣ်သူး 1:2

ဆူကစၢ်ယွၤအတၢ်အိၣ်ဖှိၣ်လၢအအိၣ်ဝဲဖဲဝ့ၢ်ကရံၣ်သူး, ဆူကယဲၢ်ပှၤလၢအဘၣ်တၢ်ကိးအီၤဒ်သိးအကကဲထီၣ်ကစၢ်ယွၤ အပှၤဂီၢ်မုၢ်စီဆှံ, လၢအဘၣ်ဃးဒီးအီၤလၢတၢ်ပာ်ဖှိၣ်ဃုာ်သး တပူၤဃီဒီးယ့ၣ်ၡူးခရံာ်အပူၤ, ပၣ်ဃုာ်ဒီးကယဲၢ်ပှၤအိၣ်လၢတၢ်လီၢ်ကိးပူၤဒဲးလၢအဘူၣ်ထီၣ်ဘါ ထီၣ်ပကစၢ်ယ့ၣ်ၡူးခရံာ်, အဝဲသ့ၣ်အကစၢ်ဒီးပကစၢ်တဂၤ, အအိၣ်

1 ကရံၣ်သူး 8:3

မ့မ့ၢ်ပှၤတဂၤလၢအအဲၣ်ကစၢ်ယွၤန့ၣ်, ဘၣ်တၢ်သ့ၣ်ညါအီၤလၢ ယွၤလီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

အ့းဖ့းစူး 2:20

သုဘၣ်တၢ်သူၣ်ထီၣ်သုလၢတၢ်ခီၣ်ထံးလၢအမ့ၢ် ပှၤတၢ်မၢဖိဒီးဝံတဖၣ်အဖီခိၣ်, ယ့ၣ်ၡူးခရံာ်အနီၢ်ကစၢ် မ့ၢ်ဟံၣ်န့ၣ်အလၢၢ်သနၢၣ်,

အ့းဖ့းစူး 3:15

ပၢ်လၢဒူၣ်ထၢကိးဒူၣ်ဒဲးလၢမူခိၣ်ဒီးဟီၣ်ခိၣ်တဖၣ်ဒိးန့ၢ် ဘၣ်အမံၤအမ့ၢ်အတီတဂၤန့ၣ်လီၤ.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၁ တံၤမသ့း 6:19

လၢကျဲဒ်အံၤအပူၤ, အဝဲသ့ၣ်ကပာ်ဖှိၣ်တၢ်လၢအဂီၢ်ဒၣ်ဝဲ, တၢ်ထူးတၢ်တီၤတမံၤလၢကမ့ၢ်တၢ်အခီၣ်ထံးအဂၢၢ်အကျၢၤ တခါလၢတၢ်ခဲကိာ်တဃၣ်အဂီၢ်န့ၣ်လီၤ. အန့ၣ်တစု, အဝဲသ့ၣ်ကမၤန့ၢ်တၢ်မူလၢအမ့ၢ်တၢ်မူနီၢ်နီၢ်န့ၣ်လီၤ.

ဧ့ၤဘြံၤ 11:10

အဂ့ၢ်ဒ်အံၤ, အဝဲဒၣ်အိၣ်ခိးကွၢ်လၢ်ဝ့ၢ်တဖျၢၣ်လၢ အအိၣ်ဒီးအခီၣ်ထံးအဂၢၢ်အကျၢၤ, ဝ့ၢ်လၢပှၤတ့အီၤဒီးပှၤသူၣ်ထီၣ်အီၤမ့ၢ်ကစၢ်ယွၤန့ၣ်လီၤ.

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 21:14

ဝ့ၢ်တဖျၢၣ်န့ၣ်အတၢ်ဒူၣ်ဘၣ်တၢ်သူၣ်ထီၣ်အီၤလၢလၢၢ် အခီၣ်ထံးတဆံခံဖျၢၣ်အဖီခိၣ်, ဒီးလၢလၢၢ်အခီၣ်ထံးတဖၣ်န့ၣ် အလိၤ, သိဖိအပှၤတၢ်မၢဖိတဆံခံဂၤအမံၤတဖၣ်အိၣ်ကွဲး အသးလီၤ.

လံာ်လီၣ်ဖျါ 22:4

အဝဲသ့ၣ်ကထံၣ်ဘၣ်အမဲာ်သၣ်, ဒီးအဝဲဒၣ်အမံၤကအိၣ်ကွဲးအသးလၢအဝဲသ့ၣ်အခိၣ်တိသၣ်တဖၣ် အလိၤလီၤ.

လံာ်လီၣ်ဖျါ 3:8

နမၤတၢ်မနုၤလဲၣ်န့ၣ်ယသ့ၣ်ညါယဲလီၤ, ယသ့ၣ်ညါလၢနအိၣ်ဒီးတၢ်စိကမီၤတဆံးတက့ၢ်, နပိာ်ထွဲယတၢ်သိၣ်လီၤသီလီၤ, ဒီးနသးတီတ့ၢ်နဲဒီး ယၤလီၤ. ယအိးထီၣ်ပာ်ယဲတြဲၤတဘ့ၣ်လၢနမဲာ်ညါ, လၢပှၤကးတံာ်အီၤတန့ၢ်နီတဂၤဘၣ်န့ၣ်လီၤ.