၂ တံၤမသ့း 2:13 - Sgaw Karen Common Bible

¹³ ပမ့ၢ်တတီဒီးအီၤဘၣ်ဆၣ်, အဝဲဒၣ်အကလုၢ်တီထီဘိ မ့ၢ်လၢအဝဲဒၣ်သမၢလီၤအသး တသ့ဘၣ်အဃိန့ၣ်လီၤ.”

၂ တံၤမသ့း 2:13 Iomraidhean Croise

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

ရိမ့ၤ 3:3

အဝဲသ့ၣ်အကျါတနီၤအကလုၢ်မ့ၢ်တတီဘၣ်ဒီးတၢ်ကမၤအသးဒ်လဲၣ်. မ့ၢ်အတၢ်ကလုၢ်တတီအံၤကမၤဟးဂီၤကွံာ်ကစၢ်ယွၤအတၢ် ကလုၢ်တီန့ၣ်ဧါ.

ရိမ့ၤ 9:6

ယတစံးလၢကစၢ်ယွၤအတၢ်အၢၣ်လီၤဟးဂီၤကွံာ်လံ န့ၣ်ဘၣ်. အဂ့ၢ်ဒ်အံၤ, ပှၤဂီၢ်မုၢ်လၢအံၣ်စရ့လးအပူၤ တမ့ၢ်ကစၢ်ယွၤအပှၤဂီၢ်မုၢ်ခဲလၢာ်ဘၣ်.

1 ကရံၣ်သူး 1:9

ကစၢ်ယွၤလၢအကိးဃီၤသုဒ်သိးသုကရ့လိာ်မုာ်လိာ်သုသး ဒီးအဖိခွါပကစၢ်ယ့ၣ်ၡူးခရံာ်န့ၣ်, ကြၢးဘၣ်တၢ်နာ်န့ၢ်အီၤလီၤ.

လံာ်သိၣ်လီၤသီလီၤတၢ် 7:9

သ့ၣ်နီၣ်ထီၣ်က့ၤလၢယွၤ, သုကစၢ်ယွၤမ့ၢ်ကစၢ်ယွၤထဲတဂၤဧိၤ, ဒီးလၢအဝဲမ့ၢ်ပှၤလၢအကလုၢ်တီန့ၣ်တက့ၢ်. အဝဲကဟံးဃာ်အတၢ်အၢၣ်လီၤအီလီၤဒီးဒုးနဲၣ်အတၢ်အဲၣ်အထူအယိာ် ဆူပှၤတဖၣ်လၢအအဲၣ်အီၤဒီးစူၢ်အတၢ်မၤလိာ်, တုၤလီၤလၢပှၤအစိၤတကထိန့ၣ်လီၤ.

၁ သ့းစၤလနံ 5:24

ပှၤလၢအကိးဃီၤသုဆူအအိၣ်တဂၤန့ၣ်ကမၤဝဲလီၤ. အဂ့ၢ်ဒ်အံၤ, အဝဲဒၣ်မ့ၢ်ပှၤလၢအကလုၢ်တီလီၤ.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.