၂ တံၤမသ့း 2:12 - Sgaw Karen Common Bible

¹² ပမ့ၢ်တဆိတ့ၢ်တူၢ်တၢ်ဘၣ်ဒီး, ပကပၢဃုာ်တၢ်ဒီးအီၤစ့ၢ်ကီးလီၤ. ပမ့ၢ်သမၢအီၤဒီး, အဝဲကသမၢပှၤစ့ၢ်ကီးလီၤ.

၂ တံၤမသ့း 2:12 Iomraidhean Croise

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်မးသဲ 10:33

ဘၣ်ဆၣ်ပှၤတဂၤလၢ်လၢ်လၢအသမၢယၤလၢပှၤကညီအမဲာ်ညါန့ၣ်, ယကသမၢစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.

လံာ်မးသဲ 26:35

စီၤပ့းတရူးစံးဆၢအီၤ, “ယမ့ၢ်ဘၣ်သံဃုာ်ဒီးနၤဒၣ်လဲာ်, ယတသမၢနၤနီတဘျီဘၣ်.” ဒီးအပျဲၢ်အဘီၣ်အဂၤတဖၣ်ခဲလၢာ်စံးတၢ်တမံၤဃီလီၤ.

လံာ်မးသဲ 26:75

တုၤနုၤတစု, စီၤပ့းတရူးသ့ၣ်နီၣ်ထီၣ်တၢ်လၢယ့ၣ်ၡူးစံးဘၣ် တ့ၢ်အီၤ, “တချုးလၢဆီဖါကီၢ်အိၣ်အိထီၣ်န့ၣ်, နကသမၢဒီးစံးလၢနတသ့ၣ်ညါယၤဘၣ်သၢဘျီလီၤ.” ဒီးအဝဲဟးထီၣ်ကွံာ်ဝဲဖဲန့ၣ် ဒီးဟီၣ်ဝဲလၢာ်သးလီၤ.

လံာ်မၢ်ကူး 10:33

အဝဲဒၣ်စံးဘၣ်အဝဲသ့ၣ်, “ကနၣ်တက့ၢ်. ခဲအံၤပကလဲၤထီၣ်ဆူဝ့ၢ်ယရူၤရှလ့ၣ်ဒီးဖဲန့ၣ်ပှၤကညီဖိခွါ အံၤ, ကဘၣ်တၢ်ဟ့ၣ်လီၤကွံာ်အီၤဆူပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အစုပူၤလီၤ. အဝဲသ့ၣ်ကစံၣ်ညီၣ်သံကွံာ်အီၤဒီးကဟ့ၣ်လီၤကွံာ်အီၤဆူပှၤ ကလုာ်ဂၤတဖၣ်အစုပူၤလီၤ.

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 12:9

မ့မ့ၢ်, ပှၤတဂၤလၢ်လၢ်လၢအသမၢယၤလၢပှၤအါဂၤအမဲာ်ညါန့ၣ်, ပှၤကညီဖိခွါကသမၢစ့ၢ်ကီးအီၤလၢကစၢ်ယွၤအကလူးတဖၣ်အမဲာ် ညါလီၤ.

လံာ်လူၤကၣ် 22:29

ဒီးဒ်ယပၢ်ဟ့ၣ်စိဟ့ၣ်ကမီၤယၤလၢယကပၢဘၣ်တၢ်အသိးန့ၣ်, ယကဟ့ၣ်သုတၢ်တမံၤဃီန့ၣ်လီၤ.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

မၤတၢ် 14:22

အဝဲသ့ၣ်ဟ့ၣ်ဆူၣ်ထီၣ်ပှၤစူၢ်က့ၤနာ်က့ၤတၢ်တဖၣ်အဂံၢ်အဘါ ဒီးဟ့ၣ်သဆၣ်ထီၣ်အခံဒ်သိးအကအိၣ်ဂၢၢ်ဆိးကျၢၤလၢ အတၢ်စူၢ်တၢ်နာ်အပူၤန့ၣ်လီၤ. အဝဲသ့ၣ်သိၣ်လီၤသီလီၤတၢ်ဒီးစံးဝဲ, “လၢပကနုာ်လီၤဆူကစၢ်ယွၤအဘီအမုၢ်အဂီၢ်န့ၣ်, ပကဘၣ်လဲၤခီဖျိတၢ်ကီတၢ်ခဲအါမးလီၤ.

ရိမ့ၤ 5:17

ခီဖျိပှၤတဂၤအတၢ်ဒဲးဘးဒီး, တၢ်သံစးထီၣ်ပၢတၢ်လၢ အဝဲအဃိန့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီး, တၢ်အဘျုးအဖှိၣ်လၢအအိၣ်ထီၣ်ဝဲခီဖျိပှၤ တဂၤလၢအမ့ၢ်ယ့ၣ်ၡူးခရံာ်အတၢ်မၤလၢအမၤတ့ၢ်ဝဲန့ၣ်, မ့ၢ်မးတၢ်လၢအဒိၣ်ဒၣ်တၢ်တက့ၢ်န့ၣ်လီၤ. ပှၤကိးဂၤဒဲးလၢအဒိးန့ၢ်ဘၣ်ကစၢ်ယွၤအဘျုး အါအါကလဲာ်ဒီးတၢ်ဟ့ၣ်ကလီလၢအမ့ၢ်တၢ်ပာ် တီပာ်လိၤန့ၣ်, ကပၢတၢ်လၢတၢ်မူအပူၤခီဖျိခရံာ်န့ၣ်လီၤ.

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

ဖံလံးပံၤ 1:28

တဘၣ်ပျံၤသုဒုၣ်သုဒါတဖၣ်တဂ့ၤ. အိၣ်ဒီးတၢ်သူၣ်ဒူသးဒူ ထီဘိ, ဒီးတၢ်အံၤကဒုးထံၣ်သ့ၣ်ညါအဝဲသ့ၣ်လၢအဝဲသ့ၣ် ကဃၣ်ကွံာ်, ဒီးသုဝဲသုကမၤနၢၤတၢ်လီၤ. အဂ့ၢ်ဒ်အံၤ, ကစၢ်ယွၤမ့ၢ်ပှၤလၢအဟ့ၣ်သုတၢ်မၤနၢၤန့ၣ်လီၤ.

၁ တံၤမသ့း 5:8

ဘၣ်ဆၣ်ဒီး, ပှၤတဂၤဂၤမ့ၢ်တအံးထွဲကွၢ်ထွဲအဘူးအတံၢ်, လီၤဆီဒၣ်တၢ်အဟံၣ်ဖိဃီဖိဒူၣ်ဖိထၢဖိဒၣ်ဝဲဘၣ်ဒီး, အဝဲသမၢဘၣ်လံတၢ်စူၢ်တၢ်နာ်ဒီးမ့ၢ်ပှၤလၢအအၢန့ၢ်ဒံး ပှၤလၢအတစူၢ်တနာ်တၢ်တဂၤန့ၣ်လီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 3:8

နမၤတၢ်မနုၤလဲၣ်န့ၣ်ယသ့ၣ်ညါယဲလီၤ, ယသ့ၣ်ညါလၢနအိၣ်ဒီးတၢ်စိကမီၤတဆံးတက့ၢ်, နပိာ်ထွဲယတၢ်သိၣ်လီၤသီလီၤ, ဒီးနသးတီတ့ၢ်နဲဒီး ယၤလီၤ. ယအိးထီၣ်ပာ်ယဲတြဲၤတဘ့ၣ်လၢနမဲာ်ညါ, လၢပှၤကးတံာ်အီၤတန့ၢ်နီတဂၤဘၣ်န့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”