၂ တံၤမသ့း 2:10 - Sgaw Karen Common Bible

¹⁰ လၢတၢ်န့ၣ်အဃိ, ယတူၢ်တၢ်ခဲလၢာ်လၢကစၢ်ယွၤအပှၤဃုထၢ တဖၣ်အဂီၢ်ဒ်သိးအဝဲသ့ၣ်စ့ၢ်ကီးကန့ၢ်ဘၣ်တၢ်အုၣ်က့ၤခီၣ်က့ၤ လၢအဟဲခီဖျိယ့ၣ်ၡူးခရံာ်ဒီးဟဲစိာ်တၢ်လၤကပီၤအထူ အယိာ်န့ၣ်လီၤ.

၂ တံၤမသ့း 2:10 Iomraidhean Croise

တၢ်ကတိၤဒိ. 8:35

ပှၤလၢအထံၣ်န့ၢ်ယၤထံၣ်န့ၢ်တၢ်မူ ဒီးယွၤကဘၣ်အသးလၢအီၤလီၤ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

လံာ်လူၤကၣ် 22:57

ဘၣ်ဆၣ်ဒီး, စီၤပ့းတရူးသမၢဝဲဒီးစံး, “ပိာ်မုၣ်ဧၢ, ယတသ့ၣ်ညါဒၣ်လဲာ်အီၤဘၣ်.”

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

လံာ်ယိၤဟၣ် 17:9

ယဘါထုကဖၣ်လၢအဝဲသ့ၣ်အဂီၢ်လီၤ. ယတဘါထု ကဖၣ်လၢဟီၣ်ခိၣ်အဂီၢ်ဘၣ်. မ့မ့ၢ်, ယဃ့ဘါထုကဖၣ်လၢပှၤလၢနဟ့ၣ်လီၤယၤတဖၣ်အဂီၢ်, မ့ၢ်လၢအဝဲသ့ၣ်မ့ၢ်နတၢ်အဃိန့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 9:23

အါန့ၢ်အန့ၣ်, အဝဲသးအိၣ်လီၣ်ဖျါထီၣ်စ့ၢ်ကီး အလၤကပီၤ ထူးတီၤလၢအဘၣ်တၢ်ဂၢ်လီၤအီၤလၢပဝဲလၢအသးကညီၤ ဘၣ်ဝဲ, ဒီးကတဲာ်ကတီၤပာ်စၢၤဝဲလၢအကဒိးန့ၢ်ဘၣ်အလၤ ကပီၤအဂီၢ်တဖၣ်အလိၤန့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 9:22

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.

၂ ကရံၣ်သူး 1:6

ပမ့ၢ်တူၢ်ဘၣ်တၢ်ဒီးမ့ၢ်ဝဲလၢတၢ်မၤစၢၤဒီးတၢ်အုၣ်က့ၤခီၣ်က့ၤသု အဂီၢ်, ပမ့ၢ်ဘၣ်တၢ်မၤစၢၤပှၤဒီးဖဲန့ၣ်, သုဝဲစ့ၢ်ကီးသုဘၣ်တၢ်မၤစၢၤသုဒီးသုဘၣ်တၢ်ဟ့ၣ်သုတၢ်ဂံၢ် တၢ်ဘါ, လၢသုကတူၢ်တၢ်ကီတၢ်ခဲတၢ်နးတၢ်ဖှီၣ်တကလုာ် ဃီလၢပဘၣ်တ့ၢ်ပဝဲန့ၣ်, လၢတၢ်သူၣ်စူၤသးစူၤအပူၤအဂီၢ်န့ၣ်လီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 4:15

တၢ်ခဲလၢာ်အံၤမ့ၢ်လၢသုဂီၢ်ဒီးဖဲကစၢ်ယွၤအဘျုးလဲၤ တုၤဃီၤဆူပှၤအအိၣ်အါထီၣ်အါထီၣ်န့ၣ်, အဝဲသ့ၣ်ကဟ့ၣ်အါထီၣ်တၢ်စံးဘျုးစံးဖှိၣ်အတၢ်ထု ကဖၣ်လၢကစၢ်ယွၤအလၤကပီၤအဂီၢ်န့ၣ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

အ့းဖ့းစူး 3:13

လၢတၢ်န့ၣ်အဃိ, ယဃ့ကညးသုဒ်သိးသုသးအသု တဟးဂီၤလၢယတူၢ်တၢ်လၢသုခၢၣ်စးအဃိန့ၣ်တဂ့ၤ. တၢ်ခဲလၢာ်မ့ၢ်ဒၣ်လၢသုတၢ်န့ၢ်ဘျုးန့ၢ်ဖှိၣ်အဂီၢ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

၁ သ့းစၤလနံ 5:9

ကစၢ်ယွၤတတိာ်ပာ်လၢပကတူၢ်ဘၣ်အဝဲအတၢ်သးထီၣ် အတၢ်စံၣ်ညီၣ်န့ၣ်ဘၣ်. မ့မ့ၢ်တိာ်ပာ်ဝဲလၢပကဒိးန့ၢ်တၢ်အုၣ်က့ၤခီၣ်က့ၤခီဖျိ ပကစၢ်ယ့ၣ်ၡူးခရံာ်,

၂ သ့းစၤလနံ 2:14

လၢတၢ်တမံၤအံၤအဂီၢ်ကစၢ်ယွၤကိးဃီၤသုခီဖျိတၢ်သးခု ကစီၣ်လၢပစံၣ်တဲၤတဲလီၤန့ၢ်သုန့ၣ်လီၤ. အဝဲဒၣ်ကိးဃီၤသုဒ်သိးသုကဒိးန့ၢ်ဃုာ်ပကစၢ်ယ့ၣ်ၡူးခရံာ် အလၤကပီၤအဂီၢ်န့ၣ်လီၤ.

၂ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဒ်ကစၢ်ယွၤအတၢ်ဘၣ် အသးအသိး, လၢတၢ်မၢလီၤအီၤလၢအကတဲဖျါတၢ်အိၣ်မူလၢအဘၣ် တၢ်စံးပာ်တ့ၢ်အီၤလၢယ့ၣ်ၡူးခရံာ်အပူၤ,

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

၂ တံၤမသ့း 2:3

ဒိးဃုာ်တၢ်နးတၢ်ဖှီၣ်ဒ်ယ့ၣ်ၡူးခရံာ်အသုးဖိလၢအဂ့ၤ တဂၤအသိးန့ၣ်တက့ၢ်.

တံတူး 1:1

လံာ်ပရၢအံၤဟဲလၢ, ကစၢ်ယွၤအခ့အပှၤဒီးယ့ၣ်ၡူးခရံာ်အပှၤ တၢ်မၢဖိစီၤပီလူးအအိၣ်လီၤ. ယဘၣ်တၢ်ဃုထၢဒီးမၢလီၤယၤဒ်သိးယကမၤစၢၤကစၢ်ယွၤ အပှၤဃုထၢဖိတဖၣ်အတၢ်စူၢ်တၢ်နာ်, ဒီးဆှၢအဝဲသ့ၣ်ဆူတၢ်မ့ၢ်တၢ်တီလၢအဘၣ်တၢ်သိၣ်လိအီၤလၢ ပတၢ်ဘူၣ်တၢ်ဘါ,

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.