၂ တံၤမသ့း 1:8 - Sgaw Karen Common Bible

⁸ လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 1:8 Iomraidhean Croise

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 19:7

ယွၤအတၢ်သိၣ်တၢ်သီလၢဝဲပှဲၤဝဲ ဒီးမၤကျၢၤထီၣ်က့ၤပသးလီၤ. ယွၤအတၢ်အုၣ်အသးန့ၣ်မ့ၢ်ဝဲတီဝဲ, ဒီးဒုးကူၣ်သ့ပှၤလၢအတမၤလိဘၣ်တၢ်ဘၣ်လီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

လံာ်ယိၤဟၣ် 15:27

ဒီးသုဝဲသ့ၣ်စ့ၢ်ကီး, သုကအုၣ်သုသးလၢယဂ့ၢ် မ့ၢ်လၢသုအိၣ်တ့ၢ်ဒီးယၤလၢတၢ်အခီၣ်ထံးလံၤလံၤ အဃိလီၤ.

လံာ်ယိၤဟၣ် 19:35

(ပှၤလၢအထံၣ်တၢ်မၤအသးအံၤတဂၤစံးကတိၤတၢ်ဘၣ်ဃး တၢ်ဂ့ၢ်အံၤ, ဒ်သိးသုဝဲစ့ၢ်ကီးသုကနာ်တၢ်အဂီၢ်န့ၣ်လီၤ. တၢ်လၢအဝဲစံးကတိၤန့ၣ်မ့ၢ်တၢ်မ့ၢ်တၢ်တီ, ဒီးအကစၢ်ဒၣ်ဝဲသ့ၣ်ညါလၢအစံးကတိၤတၢ်မ့ၢ်တၢ်တီန့ၣ်လီၤ.)

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

ရိမ့ၤ 8:36

ဒ်တၢ်ကွဲးအသးစီဆှံစံးဝဲအသိး, “ပဝဲဒၣ်အံၤ ပဘၣ်တၢ်မၤသံပှၤလၢနဃိသ့သ့တနံၤလီၤ. တၢ်ပာ်ပှၤဒ်သိလၢအကဘၣ်တၢ်မၤသံအီၤ အသိးန့ၣ်လီၤ (စံး ၄၄:၂၂).

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

1 ကရံၣ်သူး 1:6

တၢ်ကစီၣ်ဘၣ်ဃးခရံာ်အဂ့ၢ်အိၣ်သူၣ်လီၤအသးကျၢၤကျၢၤလၢ သုပူၤတုၤဒၣ်လဲာ်

၂ ကရံၣ်သူး 6:7

လၢပတၢ်ကစီၣ်ဘၣ်ဃးတၢ်မ့ၢ်တၢ်တီအပူၤ, ဒီးလၢကစၢ်ယွၤအစိကမီၤအပူၤန့ၣ်လီၤ. ပအိၣ်ဒီးတၢ်တီ တၢ်လိၤဒ်ပစုကဝဲၤ, လၢပကထီၣ်မၤနၢၤတၢ်အဂီၢ် ဒီးပကဒီတဒၢပသးအဂီၢ်ခံမံၤလၢာ်န့ၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 3:13

လၢတၢ်န့ၣ်အဃိ, ယဃ့ကညးသုဒ်သိးသုသးအသု တဟးဂီၤလၢယတူၢ်တၢ်လၢသုခၢၣ်စးအဃိန့ၣ်တဂ့ၤ. တၢ်ခဲလၢာ်မ့ၢ်ဒၣ်လၢသုတၢ်န့ၢ်ဘျုးန့ၢ်ဖှိၣ်အဂီၢ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ဖံလံးပံၤ 3:10

တၢ်လၢယအဲၣ်ဒိးန့ၣ် မ့ၢ်ဒၣ်တၢ်သ့ၣ်ညါခရံာ်ဒီးတၢ်ကလၢၢ်ဘၣ် အတၢ်ဂဲၤဆၢထၢၣ်သမူထီၣ်က့ၤအစိကမီၤ, တၢ်တူၢ်သကိးဃုာ်တၢ်နးတၢ်ဖှီၣ်ဒီးအီၤ, ဒီးကဲထီၣ်ပှၤလီၤဂာ်ဒီးအီၤလၢအတၢ်သံအပူၤ,

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ သ့းစၤလနံ 3:4

အဂ့ၢ်ဒ်အံၤ, ဖဲပအိၣ်ဒံးဒီးသုအဖၢမုၢ်န့ၣ်, ပစံးဘၣ်တ့ၢ်သုလၢပကဘၣ်တၢ်မၤအၢမၤနးပှၤ, ဒီးဒ်သုသ့ၣ်ညါသုဝဲဂ့ၤဂ့ၤအသိးတၢ်မၤအသးဒ်န့ၣ်အသိး သပှၢ်ကတၢၢ်လီၤ.

၁ တံၤမသ့း 2:6

လၢအဟ့ၣ်လီၤအသးလၢတၢ်ပှ့ၤက့ၤပှၤဟီၣ်ခိၣ်ဖိခဲလၢာ် အဂီၢ်န့ၣ်လီၤ. တၢ်အဝဲအံၤမ့ၢ်တၢ်အုၣ်အသးဘၣ်ဆၢဘၣ် ကတီၢ်လၢကစၢ်ယွၤသးအိၣ်လၢပှၤခဲလၢာ်ကတုၤလၢတၢ် အုၣ်က့ၤခီၣ်က့ၤအဂ့ၢ်န့ၣ်လီၤ.

၂ တံၤမသ့း 1:10

ဘၣ်ဆၣ်ဒီးခဲကနံၣ်အံၤတၢ်ဘျုးတၢ်ဖှိၣ်အံၤဘၣ်တၢ်လီၣ် ဖျါထီၣ်န့ၢ်ပှၤခီဖျိပပှၤအုၣ်က့ၤခီၣ်က့ၤတၢ်, ယ့ၣ်ၡူးခရံာ် အတၢ်ဟဲန့ၣ်လီၤ. အဝဲဒၣ်မၤကတၢၢ်ကွံာ်တၢ်သံအစိကမီၤ ဒီးခီဖျိတၢ်သးခုကစီၣ်န့ၣ်, လီၣ်ဖျါထီၣ်တ့ၢ်တၢ်အိၣ်မူလၢ အသံတသ့ဘၣ်န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 2:3

ဒိးဃုာ်တၢ်နးတၢ်ဖှီၣ်ဒ်ယ့ၣ်ၡူးခရံာ်အသုးဖိလၢအဂ့ၤ တဂၤအသိးန့ၣ်တက့ၢ်.

၂ တံၤမသ့း 2:8

သ့ၣ်နီၣ်ထီၣ်ယ့ၣ်ၡူးခရံာ်လၢအဘၣ်တၢ်ဒုးဂဲၤဆၢထၢၣ်က့ၤ အီၤလၢတၢ်သံ, လၢအမ့ၢ်တ့ၢ်စီၤဒၤဝံးအစၢၤအသွဲၣ်, ဒ်အဘၣ်တၢ်သိၣ်လိအီၤတၢ်သးခုကစီၣ်လၢယစံၣ်တဲၤ တဲလီၤန့ၢ်သုအပူၤအသိးန့ၣ်တက့ၢ်.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 1:2

ဒီးစီၤယိၤဟၣ်တဲဖျါထီၣ်တ့ၢ်တၢ်သ့ၣ်တဖၣ်လၢအဝဲဒၣ် ထံၣ်ဘၣ်တ့ၢ်ဝဲခဲလၢာ်န့ၣ်လီၤ. အဝဲအံၤ, မ့ၢ်အဝဲဒၣ်အတၢ်ပာ်ဖျါဘၣ်ဃးတၢ်ကစီၣ်လၢကစၢ်ယွၤအအိၣ်, ဒီးတၢ်မ့ၢ်တၢ်တီလၢယ့ၣ်ၡူးခရံာ်လီၣ်ဖျါထီၣ်အီၤန့ၣ်လီၤ.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.