၂ တံၤမသ့း 1:6 - Sgaw Karen Common Bible

⁶ လၢတၢ်ဂ့ၢ်အံၤအဃိ, ယဒုးသ့ၣ်နီၣ်ထီၣ်နၤလၢနကထိၣ် ဂဲၤထီၣ်တၢ်ဟ့ၣ်လၢကစၢ်ယွၤဟ့ၣ်လီၤတ့ၢ်နၤ, ဖဲယပာ်ယစုလၢနလိၤအခါန့ၣ်လီၤ.

၂ တံၤမသ့း 1:6 Iomraidhean Croise

လံာ်တၢ်ဟးထီၣ်ကွံာ် 35:26

အဝဲသ့ၣ်မၤစ့ၢ်ကီးလုၣ်ဖျ့လၢမဲာ်တဲးလဲးအဆူၣ်တဖၣ်လီၤ.

လံာ်တၢ်ဟးထီၣ်ကွံာ် 36:2

စီၤမိၤၡ့ကိးစီၤဘစၤလအ့လး, စီၤအၤဟလံအာ်ဒီးကယဲၢ်ပှၤသ့ ဖံးသ့မၤတၢ်ကိးဂၤလၢယွၤဟ့ၣ်လီၤအီၤတၢ်ကူၣ်တၢ်ဆးဒီးပှၤ လၢအသးအိၣ်မၤစၢၤတၢ်တဖၣ်, ဒီးစံးဘၣ်အဝဲသ့ၣ်လၢကစးထီၣ်မၤတၢ်လီၤ.

လံာ်ယၡါယၤ 43:26

မ်ပကလဲၤဆူကွီၢ်ဘျီၣ်တက့ၢ်. ဟဲစိာ်နတၢ်လိာ်ဘၢလိာ်ကွီၢ် အဂ့ၢ်တက့ၢ်. ဆှၢထီၣ်နတၢ်ဂ့ၢ်ဒ်သိးနကဘၣ်တၢ်ပာ်တီပာ်လိၤနၤအဂီၢ်တက့ၢ်.

လံာ်လူၤကၣ် 19:13

တချုးဒံးလၢအဝဲဒၣ်ဟးထီၣ်န့ၣ်, အဝဲဒၣ်ကိးအခ့အပှၤအဂၤတဆံ, ဒီးဟ့ၣ်အီၤလၢထူဘ့ၣ်ဘၣ်တဂၤတဘ့ၣ်ဒီးစံးဘၣ်အဝဲသ့ၣ်, ‘ဖဲယတအိၣ်အဆၢကတီၢ်န့ၣ်, လဲၤကူၣ်လဲၤကၤကွၢ်တၢ်လၢတၢ်အဝဲအံၤ, ဒီးသုကဒိးန့ၢ်တၢ်ဆံးအါလဲၣ်န့ၣ်မၤကွၢ်တက့ၢ်.’

မၤတၢ် 19:6

စီၤပီလူးပာ်ထီၣ်အစုလၢအဝဲသ့ၣ်အခိၣ်လိၤ, ဒီးသးစီဆှံဟဲလီၤလၢအဝဲသ့ၣ်အလိၤ, ဒီးကတိၤတၢ်လၢကျိာ်လီၤတိၢ်လီၤဆီဒီးတဲဖျါထီၣ်စ့ၢ်ကီးတၢ် ကစီၣ်ဟဲလၢကစၢ်ယွၤအအိၣ်န့ၣ်လီၤ.

မၤတၢ် 6:6

အဝဲသ့ၣ်ဆှၢထီၣ်ပှၤတဖၣ်အံၤဆူပှၤတၢ်မၢဖိတဖၣ်အမဲာ်ညါ, ဒီးပှၤတၢ်မၢဖိတဖၣ်ဃ့ထုကဖၣ်ယွၤဒီးပာ်အစုလၢပှၤတဖၣ် အံၤအခိၣ်လိၤလီၤ.

၁ သ့းစၤလနံ 5:19

သုသုတမၤလီၤပံာ်ကွံာ်ယွၤအသးတဂ့ၤ, သုသုတဆိကမိၣ်ဆံးဝံတဖၣ်အတၢ်ကစီၣ်တဂ့ၤ.

၁ တံၤမသ့း 4:14

သးအတၢ်ဟ့ၣ်လၢအအိၣ်လၢနပူၤ, လၢအဘၣ်တၢ်ဟ့ၣ်လီၤနၤဖဲဝံတဖၣ်ကတိၤတၢ်ဒီးပှၤသူၣ်က့သးပှၢ် တဖၣ်ပာ်ထီၣ်အစုလၢနလိၤအခါန့ၣ်, ပာ်ကဲဒီးသူအီၤထီဘိတက့ၢ်.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၂ တံၤမသ့း 2:14

ဒုးသ့ၣ်နီၣ်ထီၣ်က့ၤအဝဲသ့ၣ်လၢတၢ်အံၤ, ဒီးဟ့ၣ်ပလီၢ်အဝဲသ့ၣ်သပှၢ်ပှၢ်လၢကစၢ်ယွၤအမဲာ်ညါဒ်သိး အသုတဂ့ၢ်လိာ်ဘှီလိာ်အသးလၢတၢ်ကတိၤတဖၣ်အဃိတဂ့ၤ. တၢ်ဒ်သိးအံၤတမၤဂ့ၤတၢ်အမဲာ်ညါမၤဟးဂီၤပှၤလၢအဒိကနၣ် တၢ်တဖၣ်လီၤ.

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

၂ ပ့းတရူး 1:12

လၢတၢ်န့ၣ်အဃိ, သုသ့ၣ်ညါပာ်စၢၤတၢ်သ့ၣ်တဖၣ်အံၤ, ဒီးသုမ့ၢ်အိၣ်ဂၢၢ်ဆိးကျၢၤတ့ၢ်လၢတၢ်မ့ၢ်တၢ်တီလၢသုဒိး န့ၢ်ဘၣ်တ့ၢ်လံအီၤအပူၤဘၣ်ဆၣ်ဒီး, ယကဒုးသ့ၣ်နီၣ်ထီၣ်သုလၢတၢ်ဂ့ၢ်တဖၣ်အံၤထီဘိန့ၣ်လီၤ.

၂ ပ့းတရူး 3:1

တံၤသကိးသးဘိသ့ၣ်ဧၢ, အအံၤမ့ၢ်လံာ်ပရၢခံဘ့ၣ်တဘ့ၣ် လၢယကွဲးန့ၢ်သုလီၤ. လၢလံာ်ပရၢခံဘ့ၣ်လိာ်အပူၤန့ၣ်ယကျဲးစၢးထိၣ်ဂဲၤတ့ၢ်လံသုဒ်သိး သုကဆိကမိၣ်တၢ်လၢအဂ့ၤအဘၣ်ခီဖျိယဒုးသ့ၣ်နီၣ်သုတၢ်သ့ၣ် တဖၣ်အံၤန့ၣ်လီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.