၂ တံၤမသ့း 1:3 - Sgaw Karen Common Bible

³ ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

၂ တံၤမသ့း 1:3 Iomraidhean Croise

လံာ်လူၤကၣ် 2:37

ဒီးခဲကနံၣ်အံၤအဝဲဒၣ်အသးအိၣ်ဝဲဃိးဆံလွံၢ်နံၣ်လီၤ. အဝဲတဟးဖးဒီးတၢ်လုၢ်ဟံၣ်နီတစုဘၣ်. အဝဲဘူၣ်ယွၤဘါယွၤ, အိၣ်ဒီးတၢ်ဒုၣ်တၢ်အီၣ်တၢ်အီဒီးတၢ်ဃ့ဘါထုကဖၣ်တၢ်လၢ မုၢ်ဆါဆဲးလၢမုၢ်နၤလီၤ.

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

မၤတၢ် 26:4

လၢယသးစၢ်လံၤလံၤယအိၣ်မူယဲဒ်လဲၣ်န့ၣ်, ပှၤယူဒၤဖိကိးဂၤဒဲး သ့ၣ်ညါဝဲလီၤ. အဝဲသ့ၣ် သ့ၣ်ညါဝဲယတၢ်အိၣ်မူဒီကတီၢ်ညါ စးထီၣ်လၢယအိၣ်မူဖဲယထံယကီၢ်ဒၣ်ယဲဒီးလၢခံက့ၤဖဲဝ့ၢ် ယရူၤၡလ့ၣ်န့ၣ်လီၤ.

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

ရိမ့ၤ 9:1

ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

အ့းဖ့းစူး 1:16

ယတဆိတ့ၢ်တၢ်စံးထီၣ်ပတြၢၤကစၢ်ယွၤလၢသုဃိဘၣ်, ယသ့ၣ်နီၣ်ဘၣ်သုလၢယတၢ်ထုကဖၣ်အပူၤ,

၁ သ့းစၤလနံ 3:10

မုၢ်ဆါဒီးမုၢ်နၤန့ၣ်ပဃ့အီၤလၢပသးဒီဖျၢၣ်ညါ, ဒ်သိးအကပျဲပထံၣ်လိာ်ဘၣ်ပသးမဲာ်သကိးမဲာ်, ဒီးဟ့ၣ်သုတၢ်လၢသုလိၣ်ဘၣ်ဒံးလၢသုတၢ်စူၢ်တၢ်နာ်အပူၤ န့ၣ်လီၤ.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ တံၤမသ့း 5:5

မုၣ်ကမဲနီၢ်နီၢ်လၢပှၤအံးထွဲကွၢ်ထွဲအီၤတအိၣ်တဂၤန့ၣ်, ပာ်လီၤအတၢ်မုၢ်လၢ်လၢကစၢ်ယွၤအပူၤဒီးဘါထုကဖၣ် တၢ်တထံၣ်ဃီဒီးဃ့ကညးယွၤလၢကမၤစၢၤအီၤ, လၢမုၢ်ဆါဆဲးလၢမုၢ်နၤန့ၣ်လီၤ.

၂ တံၤမသ့း 1:5

ယသ့ၣ်နီၣ်ထီၣ်တၢ်စူၢ်တၢ်နာ်တံၢ်နီၢ်လၢအအိၣ် လၢနပူၤ, တၢ်စူၢ်တၢ်နာ်တကလုာ်လၢအအိၣ်တ့ၢ်လၢနဖံနီၢ် လိၤအ့ၣ်ဒီးနမိၢ်နီၢ်အူၤနံက့ၤအပူၤန့ၣ်လီၤ. ဒီးယနာ်နီၢ်နီၢ်လၢအအိၣ်စ့ၢ်ကီးလၢနပူၤန့ၣ်လီၤ.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

ဧ့ၤဘြံၤ 13:8

မဟါဒီးမဆါအံၤဒီးအစိၤစိၤအဃၣ်ဃၣ်န့ၣ်, ယ့ၣ်ၡူးခရံာ်မ့ၢ်တၢ်ဒ် လီၢ်လီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.