၂ တံၤမသ့း 1:15 - Sgaw Karen Common Bible

¹⁵ နသ့ၣ်ညါလၢပှၤကိးဂၤဒဲးလၢကီၢ်အၤစံအပူၤ, ဃုာ်ဒီးစီၤဖူက့းလူးဒီးစီၤအ့းရံမိက့းန့ၤတဖၣ်ဟး သဒၣ်ကွံာ်ယၤလံန့ၣ်လီၤ.

၂ တံၤမသ့း 1:15 Iomraidhean Croise

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:27

လၢတၢ်န့ၣ်အဃိ, တၢ်လီၤဘၣ်ယိၣ်အိၣ်လၢပတၢ်ဖံးတၢ်မၤတမံၤအံၤအမံၤကဟးဂီၤ န့ၣ်လီၤ. တကးဒံးဘၣ်, တၢ်ဘၣ်ယိၣ်အလီၢ်အိၣ်စ့ၢ်ကီးလၢကစၢ်မုၣ်နီၢ်အၢ်တ့းမံၤလၢ ပှၤခဲလၢာ်ဖဲကီၢ်အၤစံဒီးလၢဟီၣ်ခိၣ်ဒီဘ့ၣ်ဘါအီၤတဂၤအံၤ အတၢ်လုၢ်ဟံၣ်အကါတဒိၣ်လၢၤဘၣ်. ဒီး, အတၢ်မံၤဟူသၣ်ဖျါကလီၤမၢ်ကွံာ်ဝဲဒၣ်န့ၣ်လီၤ.”

မၤတၢ် 19:31

ကီၢ်အၤစံအပှၤခိၣ်ပှၤနၢ်တနီၤလၢအမ့ၢ်စီၤပီလူးအတံၤသကိးတဖၣ်, ဆှၢလီၤတၢ်ကစီၣ်ဆူအအိၣ်ဒီးဃ့ကညးအီၤဒ်သိးအသုတပာ် ဖျါထီၣ်အသးဖဲတၢ်ဒုးနဲၣ်တၢ်အဘျီၣ်တဂ့ၤန့ၣ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,

မၤတၢ် 20:16

စီၤပီလူးပာ်လီၤအသးလၢအကလဲၤခီပတာ်ကွံာ်ဝ့ၢ်အ့းဖ့း စူးဒ်သိးအဆၢကတီၢ်သုတလၢာ်ကွံာ်ဝဲဖဲကီၢ်အၤစံတဂ့ၤန့ၣ်လီၤ. အဝဲဒၣ်အဲၣ်ဒိးလဲၤတုၤဝ့ၢ်ယရူၤၡလ့ၣ်ဆိဆိ, မ့ၢ်သ့န့ၣ်, လၢဘူၣ်ယဲၢ်ဆံအနံၤအဂီၢ်လီၤ.

1 ကရံၣ်သူး 16:19

တၢ်အိၣ်ဖှိၣ်တဖၣ်လၢကီၢ်အၤစံအပူၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤအကူလၤ, နီၢ်ပြံစကံးလၤ, ဒီးတၢ်အိၣ်ဖှိၣ်လၢအထံၣ်လိာ်အိၣ်ဖှိၣ်ဖဲအဟံၣ်ပူၤန့ၣ်, ဆှၢလီၤအတၢ်ဆၢဂ့ၤဒ်ပှၤခရံာ်ဖိတဖၣ်အသိးလၢအသးဒီဖျၢၣ်ညါလီၤ.

ဖံလံးပံၤ 2:21

ပှၤအဂၤကိးဂၤဒဲးကွၢ်တၢ်ထဲလၢအနီၢ်ကစၢ်ဒၣ်ဝဲအတၢ်ဂ့ၢ်တဖၣ် အဂီၢ်ဒီးတမ့ၢ်လၢယ့ၣ်ၡူးခရံာ်အဂ့ၢ်န့ၣ်ဘၣ်.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.