၂ တံၤမသ့း 1:13 - Sgaw Karen Common Bible

¹³ ဟံးဃာ်ဂၢၢ်ကျၢၤတၢ်ကတိၤအမ့ၢ်အတီတဖၣ်လၢယသိၣ် လိတ့ၢ်နၤ, ဒ်အမ့ၢ်တၢ်ဒိတၢ်တဲာ်လၢနကပိာ်ထွဲအီၤအဂီၢ်, ဒီးအိၣ်ဂၢၢ်ဆိးကျၢၤလၢတၢ်စူၢ်တၢ်နာ်ဒီးတၢ်အဲၣ်တၢ်ကွံ လၢအမ့ၢ်ပတၢ်လၢယ့ၣ်ၡူးခရံာ်အပူၤန့ၣ်တက့ၢ်.

၂ တံၤမသ့း 1:13 Iomraidhean Croise

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

တၢ်ကတိၤဒိ. 3:21

ယဖိခွါဧၢ, ဟံးဃာ်နတၢ်ကူၣ်သ့ဒီးတၢ်ထံၣ်တၢ်လၢသးအမဲာ်တက့ၢ်. ပျဲတၢ်သ့ၣ်ညါတဖၣ်အံၤဟးဖးဒီးနၤလ့ၤတက့ၤတဂ့ၤ.

တၢ်ကတိၤဒိ. 4:13

သ့ၣ်နီၣ်တၢ်လၢနမၤလိတ့ၢ်တဖၣ်ထီဘိတက့ၢ်. နတၢ်မၤလိမၤဒိးန့ၣ်မ့ၢ်နတၢ်မူလီၤ.

တၢ်ကတိၤဒိ. 8:14

ယအိၣ်ဒီးတၢ်တိာ်ပာ်တဖၣ်ဒီးမၤကဲထီၣ်အီၤလီၤ. ယအိၣ်ဒီးတၢ်သ့ၣ်ညါနၢ်ပၢၢ်ဒီးယဂံၢ်ဆူၣ်ဘါဆူၣ်လီၤ.

ရိမ့ၤ 2:20

နမ့ၢ်ပှၤတဂၤလၢအသိၣ်က့ၤသီက့ၤပှၤဟးဂီၤဖိတဖၣ်ဒီး သရၣ်သိၣ်လိတၢ်တဂၤလၢပှၤတသ့လံာ်သ့လဲာ်တဖၣ်အဂီၢ် န့ၣ်လီၤ. နသ့ၣ်ညါလီၤတံၢ်လၢယူဒၤအတၢ်သိၣ်တၢ်သီအပူၤန့ၣ်, နအိၣ်ဒီးတၢ်သ့ၣ်ညါဒီးတၢ်မ့ၢ်တၢ်တီအလၢအပှဲၤန့ၣ်လီၤ.

ရိမ့ၤ 6:17

ဘၣ်ဆၣ်ဒီးပစံးဘျုးကစၢ်ယွၤဒိၣ်မးလီၤ. အဂ့ၢ်ဒ်လဲၣ်န့ၣ်, တဘျီသုမ့မ့ၢ်တ့ၢ်တၢ်ဒဲးဘးအကုၢ်တဖၣ်နာ်သက့, လၢသုသးဒီဖျၢၣ်ညါန့ၣ်သုဒိကနၣ်တ့ၢ်တၢ်မ့ၢ်တၢ်တီ တဖၣ်လၢအဘၣ်တၢ်ထံၣ်န့ၢ်အီၤလၢတၢ်သိၣ်လိလၢ သုဒိးန့ၢ်အီၤအပူၤန့ၣ်လံ.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 4:9

အိၣ်မူမၤထွဲတၢ်လၢသုမၤလိဒီးဒိးန့ၢ်ဘၣ်အီၤလၢယအိၣ်တၢ် လၢယကတိၤတဖၣ်မ့ၢ်ဂ့ၤ, တၢ်လၢယမၤတဖၣ်မ့ၢ်ဂ့ၤန့ၣ်တက့ၢ်. ဒီးကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်ကအိၣ်ဒီးသု လီၤ.

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

၁ သ့းစၤလနံ 5:21

တၢ်ခဲလၢာ်န့ၣ်, မ့ၢ်အတီတတီထိၣ်တဲာ်မၤကွၢ်အီၤတက့ၢ်. ဟံးဃာ်တၢ်လၢအဂ့ၤတဖၣ်,

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

၁ တံၤမသ့း 1:14

ဒီးပကစၢ်လူလီၤဂၢ်လီၤအဘျုးအဖှိၣ်အါအါကလဲာ်လၢယလိၤ, ဒီးဟ့ၣ်ယၤတၢ်စူၢ်တၢ်နာ်ဒီးတၢ်အဲၣ်တၢ်ကွံလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

၁ တံၤမသ့း 6:3

ပှၤတဂၤဂ့ၤတဂၤဂ့ၤလၢအသိၣ်လိသီလိတၢ်စူၢ်တၢ်နာ်လီၤ ဆီလၢအတလီၤပလိာ်ဒီးပကစၢ်ယ့ၣ်ၡူးခရံာ်အတၢ်ကတိၤ အမ့ၢ်အတီတဖၣ်, ဒီးတလီၤပလိာ်ဒီးပတၢ်ဘူၣ်တၢ်ဘါ အတၢ်သိၣ်လိသီလိန့ၣ်,

၂ တံၤမသ့း 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဒ်ကစၢ်ယွၤအတၢ်ဘၣ် အသးအသိး, လၢတၢ်မၢလီၤအီၤလၢအကတဲဖျါတၢ်အိၣ်မူလၢအဘၣ် တၢ်စံးပာ်တ့ၢ်အီၤလၢယ့ၣ်ၡူးခရံာ်အပူၤ,

၂ တံၤမသ့း 1:14

ခီဖျိသးစီဆှံအစိကမီၤလၢအအိၣ်မူလၢပပူၤန့ၣ်, ဟံးဃာ်တၢ်လုၢ်ဒိၣ်ပှ့ၤဒိၣ်တဖၣ်လၢအဘၣ်တၢ်ဟ့ၣ်လီၤအး လီၤတ့ၢ်လၢနစုပူၤန့ၣ်တက့ၢ်.

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

၂ တံၤမသ့း 3:14

မ့မ့ၢ်နဲဒၣ်အံၤ, လဲၤတၢ်လၢတၢ်မ့ၢ်တၢ်တီလၢတၢ်သိၣ်လိ တ့ၢ်နၤဒီးနနာ်တ့ၢ်ဂၢၢ်ဂၢၢ်ကျၢၤကျၢၤတဖၣ်အပူၤန့ၣ်တက့ၢ်. နသရၣ်တဖၣ် မ့ၢ်မတၤလဲၣ်န့ၣ်နသ့ၣ်ညါနဲ,

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

တံတူး 2:1

မ့မ့ၢ်နဲဒၣ်အံၤ, သိၣ်လိတၢ်လၢအဃူဃီၣ်လီၤပလိာ်ဒီးတၢ်သိၣ်လိသီလိ အမ့ၢ်အတီတက့ၢ်.

တံတူး 2:8

သူတၢ်ကတိၤအမ့ၢ်အတီလၢပှၤဃုတုာ်အတၢ်ကမၣ်တသ့ ဘၣ်, ဒ်သိးနဒုၣ်နဒါတဖၣ်ကဘၣ်တၢ်မၤမဲာ်ဆှးအီၤမ့ၢ်လၢ အကကတိၤအၢကတိၤသီပှၤအလီၢ်တအိၣ်နီတမံၤဘၣ်အဃိ န့ၣ်တက့ၢ်.

ဧ့ၤဘြံၤ 10:23

မ်ပဟံးဃာ်ပတၢ်မုၢ်လၢ်လၢပအၢၣ်လီၤအီလီၤ, ပူၤဖျဲးဒီး တၢ်သးဒ့ဒီတက့ၢ်. အဂ့ၢ်ဒ်အံၤ, ပှၤလၢအစံးပာ်တၢ်တဂၤမ့ၢ်ပှၤလၢအကလုၢ်တီဝဲလီၤ.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ဧ့ၤဘြံၤ 4:14

ဒ်ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ယ့ၣ်ၡူးကစၢ်ယွၤ အဖိခွါတဂၤလၢအလဲၤခီဖျိတ့ၢ်မူခိၣ်, ယွၤအိၣ်တၢ်အလီၢ် အသိးန့ၣ်, မ်ပကဟံးဃာ်ဂၢၢ်ဂၢၢ်ကျၢၤကျၢၤပတၢ်စူၢ်တၢ်နာ် တက့ၢ်.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

လံာ်လီၣ်ဖျါ 2:25

မ့မ့ၢ်သုကဘၣ်ဟံးဃာ်တၢ်လၢအအိၣ်ဒီးသုန့ၣ်ကျၢၤကျၢၤ, တုၤလၢယဟဲတစုလီၤ.

လံာ်လီၣ်ဖျါ 3:11

တယံာ်ဘၣ်န့ၣ်ယကဟဲယဲလီၤ. ဟံးဃာ်ဂၢၢ်ကျၢၤတၢ်လၢအအိၣ် ဒီးနၤ, ဒ်သိးပှၤသုတဂုာ်န့ၢ်နတၢ်မၤနၢၤအခိၣ်ဖးတဂ့ၤန့ၣ်တက့ၢ်.

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.