၂ သ့းစၤလနံ 3:9 - Sgaw Karen Common Bible

⁹ ပမၤဒ်သိးအံၤန့ၣ်, တမ့ၢ်လၢပတအိၣ်ဒီးတၢ်ခွဲးတၢ်ယာ်လၢ ပကဃ့သုတၢ်လုၢ်အီၣ်ပှၤအဃိဘၣ်. မ့ၢ်ဒ်သိးအကကဲထီၣ်တၢ်အဒိအတဲာ်လၢသုကပိာ်ထွဲအီၤ အဂီၢ်တခီန့ၣ်လီၤ.

၂ သ့းစၤလနံ 3:9 Iomraidhean Croise

လံာ်မးသဲ 10:10

လၢသုတၢ်လဲၤအဂီၢ်န့ၣ်, တဘၣ်စိာ်ထၢၣ်မ့ၢ်ဂ့ၤ, ဆ့ကၤအဂၤတဘ့ၣ်မ့ၢ်ဂ့ၤ, ခီၣ်ဖံးအဂၤတစူၣ်မ့ၢ်ဂ့ၤ, နီၣ်ထိးအဂၤတဘိမ့ၢ်ဂ့ၤန့ၣ်တဂ့ၤ. ပှၤမၤတၢ်ဖိန့ၣ်ကြၢးဘၣ်တၢ်ဟ့ၣ်အီၤလၢတၢ်လၢအလိၣ်ဘၣ်ဝဲတဖၣ် န့ၣ်လီၤ.

လံာ်ယိၤဟၣ် 13:15

ယပာ်လီၤန့ၢ်သုတၢ်အဒိအတဲာ်အံၤ, ဒ်သိးသုကမၤတၢ်ဒ်ယမၤတ့ၢ်သုအသိးန့ၣ်လီၤ.

1 ကရံၣ်သူး 4:16

လၢတၢ်န့ၣ်အဃိယဃ့ကညးသုလၢသုကကွၢ်လိယၤလီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

၁ သ့းစၤလနံ 2:6

ပတဂုာ်ကျဲးစၢးဒိးန့ၢ်တၢ်စံးထီၣ်ပတြၢၤလၢသုအိၣ်မ့ၢ်ဂ့ၤ, လၢပှၤဂၤအအိၣ်မ့ၢ်ဂ့ၤန့ၣ်ဘၣ်.

၂ သ့းစၤလနံ 3:7

သုနီၢ်ကစၢ်ဒၣ်သုဝဲသုသ့ၣ်ညါဂ့ၤဂ့ၤဘၣ်ဘၣ်လၢသုကြၢး ကွၢ်လိမၤဒိးပှၤန့ၣ်လီၤ. ဖဲပအိၣ်ဒီးသုအဆၢကတီၢ်န့ၣ် ပတအိၣ်ကၢၣ်အိၣ်ကျူဘၣ်.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.