၂ သ့းစၤလနံ 3:8 - Sgaw Karen Common Bible

⁸ ပတတူၢ်လိာ်စ့ၢ်ကီးပှၤတဂၤဂၤအတၢ်လုၢ်အီၣ်ကလီပှၤ ဘၣ်. မ့မ့ၢ်ပဖံးတၢ်မၤတၢ်လၢမုၢ်ဆါဒီးလၢမုၢ်နၤဒ်သိး ပသုတကဲထီၣ်တၢ်ဝံတၢ်ယိးလၢသုဝဲနီတဂၤအဂီၢ် တဂ့ၤန့ၣ်လီၤ.

၂ သ့းစၤလနံ 3:8 Iomraidhean Croise

လံာ်စီၤပၤခံဘ့ၣ်တဘ့ၣ် 6:2

ဟ့ၣ်ပှၤအခွဲးလၢပကလဲၤဆူထံကျိယၢ်ဒ့ၣ်ဒီးကူာ်လီၤသ့ၣ်တနီၤ ဒ်သိးပသူၣ်ထီၣ်တၢ်လီၢ်လၢပကအိၣ်ဆိးအဂီၢ်ကသ့န့ၣ်တက့ၢ်. စီၤအလံၤၡါစံးဆၢဝဲဒၣ်, “ဂ့ၤလံ. လဲၤတက့ၢ်.”

လံာ်စီၤနဃ့မယၤ 5:18

ကိးမုၢ်နံၤဒဲးတၢ်လၢအကတဲာ်ကတီၤအသးလၢယဂီၢ်မ့ၢ်ဂီၤဖံးတ ဒု, သိဃုဒုလၢအဂ့ၤကတၢၢ်, ဒီးဆီတဖၣ်, ဒီးဆံဆဲၣ်သီတဘျီကိးစုဒဲးန့ၣ်ယဘၣ်တၢ်ဟ့ၣ်ယၤစပံးထံ အသီန့ၣ်လီၤ. ဘၣ်ဆၣ်ယသ့ၣ်ညါလၢပှၤဂီၢ်မုၢ်ဘၣ်ဝံတၢ်ယိးတၢ်ဃၢ ဝဲဒီးလၢတၢ်န့ၣ်အဃိယတဃ့တၢ်လၢပဒိၣ်ဖးဒိၣ်ကြၢးဒိးန့ၢ်ဘၣ် ဝဲန့ၣ်ဘၣ်.

တၢ်ကတိၤဒိ. 31:27

အဝဲအတၢ်မၤအါထီဘိဒီးကွၢ်ထွဲအဟံၣ်ဖိဃီဖိအတၢ်လိၣ်တဖၣ် န့ၣ်လီၤ.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

မၤတၢ် 18:3

ဒီးအိၣ်ဝဲဆိးဝဲဒီးမၤသကိးတၢ်ဒီးအဝဲသ့ၣ်, မ့ၢ်လၢအဝဲဒၣ်လုၢ်အီၣ်အသးသမူခီဖျိအဆးဒဲဒ်အဝဲသ့ၣ် အသိးအဃိလီၤ.

မၤတၢ် 20:34

သုနီၢ်ကစၢ်ဒၣ်သုဝဲသုသ့ၣ်ညါလၢယဖံးတၢ်မၤတၢ်လၢယစု ဒၣ်ယဲ, ဒီးမၤန့ၢ်တၢ်ခဲလၢာ်လၢယတံၤသကိးဒီးယၤပန့ၢ်ဘၣ် အလီၢ်အိၣ်တဖၣ်လီၤ.

1 ကရံၣ်သူး 4:12

ပလီၤဘှံးလီၤတီၤလၢပဖံးတၢ်မၤတၢ်ဆူၣ်အဃိလီၤ. ဖဲပဘၣ်တၢ်ဆိၣ်အၢပှၤန့ၣ်, ပဆိၣ်ဂ့ၤတၢ်, ဖဲပဘၣ်တၢ်မၤအၢမၤနးပှၤန့ၣ်, ပအိၣ်ဒီးတၢ်ဝံသးစူၤ,

1 ကရံၣ်သူး 9:4

မ့ၢ်ယတအိၣ်ဒီးတၢ်အခွဲးအယာ်လၢတၢ်ကဟ့ၣ်ယၤတၢ်အီၣ် တၢ်အီလၢယတၢ်ဖံးတၢ်မၤအဂီၢ်န့ၣ်ဘၣ်ဧါ.

၂ ကရံၣ်သူး 11:27

ယဘၣ်ဖံးဘၣ်မၤတ့ၢ်တၢ်ကိၢ်ကိၢ်ဂီၤဂီၤ, လီၤဘှံးလီၤ တီၤ, အါစုအါဘျီတၢ်မံတၢ်ဂဲၤလီၤမၢ်ကွံာ်လၢယဂီၢ်, တၢ်သၣ်ဝံၤယသးဒီးတၢ်သူတ့ၢ်ယသးလၢထံအါစု အါဘျီယတအီၣ်ဘၣ်အီဘၣ်လၢအီၣ်လၢအီ, ယတဒိးန့ၢ်ဘၣ်တၢ်အိၣ်ကဒုအလီၢ်ဒီးတၢ်ကူတၢ်ကၤလၢလၢ ပှဲၤပှဲၤဘၣ်လီၤ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ သ့းစၤလနံ 4:11

ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.

၂ သ့းစၤလနံ 3:12

လၢကစၢ်ယ့ၣ်ၡူးခရံာ်အမံၤအပူၤ, ပမၤလိာ်ဒီးဟ့ၣ်ပလီၢ်ပှၤသ့ၣ် တဖၣ်အံၤဒ်သိးအကအိၣ်မူတၢ်အိၣ်မူလၢအဘၣ်ဘျီးဘၣ်ဒါဒီး တၢ်မၤတၢ်လၢအကလုၢ်အီၣ်အသးသမူဒၣ်ဝဲအဂီၢ်န့ၣ်လီၤ.