၂ သ့းစၤလနံ 3:16 - Sgaw Karen Common Bible

¹⁶ မ်ကစၢ်အနီၢ်ကစၢ်ဒၣ်ဝဲလၢအဒုးအိၣ်ထီၣ်တၢ်ဃူတၢ်ဖိးလၢ ပဂီၢ်န့ၣ်ဟ့ၣ်သုတၢ်ဃူတၢ်ဖိးကိးဆၢကိးကတီၢ်, လၢကျဲကိးဘိဒဲးအပူၤတက့ၢ်. မ်ကစၢ်အိၣ်ဒီးသုဝဲကိးဂၤဒဲးတက့ၢ်.

၂ သ့းစၤလနံ 3:16 Iomraidhean Croise

စံးထီၣ်ပတြၢၤ 29:11

ယွၤဟ့ၣ်ဂံၢ်ဟ့ၣ်ဘါအပှၤဂီၢ်မုၢ်, ယွၤဆိၣ်ဂ့ၤအပှၤဂီၢ်မုၢ်လၢ တၢ်ဃူတၢ်ဖိးန့ၣ်လီၤ.

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 72:3

မ်ကစၢၢ်ကလိကဟဲစိာ်တၢ်ဘီၣ်တၢ်ညီ လၢပှၤဂီၢ်မုၢ်အဂီၢ်, ဒီးတၢ်လူၢ်တဖၣ်ဟဲစိာ် တၢ်တီတၢ်လိၤအတၤသၣ်န့ၣ်တက့ၢ်.

စံးထီၣ်ပတြၢၤ 72:7

လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

လံာ်ယၡါယၤ 26:12

ယွၤဧၢ, နကဟ့ၣ်ပှၤတၢ်ဘီၣ်ထီၣ်ညီထီၣ်လီၤ. တၢ်ခဲလၢာ်လၢပမၤန့ၢ်န့ၣ်မ့ၢ်ဒၣ် တၢ်လၢနမၤဘၣ်ပှၤဒ်ပမၤတၢ်အသိးလီၤ.

လံာ်ယၡါယၤ 45:7

ယတ့လီၤတၢ်ကပီၤဒီးတၢ်ခံးခံမံၤလိာ်လီၤ. ယဟဲစိာ်တၢ်ဆိၣ်ဂ့ၤဒီးတၢ်တတၢးတနါခံမံၤလိာ်လီၤ. ယၤ, ယွၤန့ၣ်, မၤတၢ်သ့ၣ်တဖၣ်အံၤခဲလၢာ်လီၤ.

လံာ်ယၡါယၤ 54:10

ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ, မ့မ့ၢ်ယတၢ်အဲၣ်သုတကတၢၢ်နီတစုဘၣ်. ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.” ယွၤလၢအအဲၣ်သုစံးဝဲဒ်န့ၣ်လီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်ဃးကဲ 2:9

တၢ်လုၢ်ဟံၣ်အသီန့ၣ်ကဃံဒိၣ်လၤဒိၣ်န့ၢ်ဒံးအလီၢ်လံၤတဖျၢၣ်, ဒီးဖဲန့ၣ်, ယကဟ့ၣ်ယပှၤဂီၢ်မုၢ်လၢတၢ်ဘီၣ်တၢ်ညီဒီးတၢ်ဃူ တၢ်ဖိးလီၤ.” ယွၤသ့တၢ်လၢာ်ကစၢ်ကတိၤတ့ၢ်တၢ်လံ.

လံာ်စကၤရယၤ 6:13

အဝဲမ့ၢ်ပှၤတဂၤလၢကဘှီထီၣ်တၢ်လုၢ်ဟံၣ်န့ၣ်, ဒီးဒိးန့ၢ်တၢ်လၤကပီၤဒ်အကြၢးဒီးစီၤပၤတဂၤအသိး, ဒီးအဝဲကပၢအပှၤဂီၢ်မုၢ်န့ၣ်လီၤ. ပှၤလုၢ်တၢ်အခိၣ်တဂၤကဆၢထၢၣ်ဖဲအလီၢ်ပစိာ်ကပၤ, ဒီးအဝဲသ့ၣ်ကမၤသကိးတၢ်လၢတၢ်ဃူတၢ်ဖိးဒီးတၢ် ဘၣ်လိာ်ဖိးဒ့အပူၤလီၤ.

လံာ်တၢ်ဂံၢ် 6:26

မ်ယွၤကွၢ်ဃီၤနၤလၢတၢ်ဘၣ်သူၣ်ဘၣ်သးဒီးဟ့ၣ်နၤ တၢ်ဃူတၢ်ဖိးတက့ၢ်.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

ရိမ့ၤ 15:33

မ်ကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံး, အိၣ်ဒီးသုခဲလၢာ်တက့ၢ်. အၤမ့ၣ်.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

1 ကရံၣ်သူး 14:33

အဂ့ၢ်ဒ်အံၤ, ကစၢ်ယွၤတဘၣ်အသးလၢပကအိၣ်ဒီးတၢ်တၢထီၣ် တၢလီၤဘၣ်. မ့ၢ်အဘၣ်အသးလၢပကအိၣ်လၢတၢ်ဃူတၢ်ဖိးဒီးတၢ်မုာ်တၢ်ခုၣ် အပူၤလီၤ. ဒ်လၢယွၤအပှၤဂီၢ်မုၢ်အတၢ်အိၣ်ဖှိၣ်ခဲလၢာ်အပူၤအသိးန့ၣ်,

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

အ့းဖ့းစူး 6:23

မ်ပပၢ်ကစၢ်ယွၤ, ဒီးကစၢ်ယ့ၣ်ၡူးခရံာ်ဟ့ၣ်လီၤပှၤစူၢ်က့ၤနာ် က့ၤတၢ်ဖိခဲလၢာ်လၢတၢ်ဃူတၢ်ဖိး, တၢ်အဲၣ်တၢ်ကွံဃုာ်ဒီးတၢ်စူၢ်တၢ်နာ်န့ၣ်တက့ၢ်.

၁ သ့းစၤလနံ 3:11

မ်ပကစၢ်ယွၤဒီးပပၢ်အနီၢ်ကစၢ်ဒၣ်ဝဲ, ဒီးပကစၢ်ယ့ၣ်ၡူးန့ၣ်ကတဲာ်ကတီၤကျဲလၢပဂီၢ်, ဒ်သိးပကဟဲဆူသုအိၣ်အဂီၢ်န့ၣ်တက့ၢ်.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၂ သ့းစၤလနံ 3:18

မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုကိးဂၤဒဲး တက့ၢ်.

၂ တံၤမသ့း 4:22

မ်ကစၢ်အိၣ်ဒီးနသးတက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

ဖံၤလ့မိၣ် 1:25

ကစၢ်ယ့ၣ်ၡူးခရံာ်အဘျုးအဖှိၣ်မ်အအိၣ်ဒီးသုခဲလၢာ်တက့ၢ်.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:2

စီၤအၤဘြၤဟၣ်ဟ့ၣ်လီၤအီၤကယဲၢ်တၢ်လၢအဒိးန့ၢ်ဝဲ အပူတဆံတပူလီၤ. (အမံၤအဆိကတၢၢ်မၤလကံစဒ့း အခီပညီမ့ၢ်ဝဲ “တၢ်တီတၢ်လိၤအစီၤပၤ” လီၤ. အဝဲမ့ၢ်စ့ၢ်ကီးၡၤလ့ၣ်အစီၤပၤအခီပညီ “တၢ်ဃူတၢ်ဖိး အစီၤပၤ” န့ၣ်လီၤ.)

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:13

အဝဲမ့ၢ်တိာ်သူၣ်ပာ်သးလၢကမၤဆါနၤဒီး, ယမ့ၢ်တဒုးသ့ၣ်ညါနၤလၢတၢ်ဂ့ၢ်အံၤဒီးမၤပူၤဖျဲးနၤန့ၣ်, မ်ယွၤတီၢ်သံကွံာ်ယၤတက့ၢ်. မ်ယွၤအိၣ်ဒီးနၤဒ်အအိၣ်တ့ၢ် လံဒီးယပၢ်အသိးန့ၣ်တက့ၢ်.