၂ သ့းစၤလနံ 3:13 - Sgaw Karen Common Bible

¹³ မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုသုတလီၤဘှံးလၢသုမၤတၢ်အဂ့ၤ အဃိတဂ့ၤ.

၂ သ့းစၤလနံ 3:13 Iomraidhean Croise

စံးထီၣ်ပတြၢၤ 27:13

ယနာ်လၢယကအိၣ်မူထံၣ်ဘၣ်ယွၤအတၢ်ဂ့ၤတၢ်ဝါလၢပှၤ အမူတဖၣ်အကီၢ်အပူၤန့ၣ်လီၤ.

လံာ်စဖါနယၤ 3:16

တၢ်ဆၢကတီၢ်သုးဘူးအသးဖဲအဝဲသ့ၣ်ကစံးဘၣ်ဝ့ၢ်ယရူၤၡလ့ၣ်, “ပျံၤတၢ်တဂ့ၤ, ဝ့ၢ်စံယိၣ်ဧၢ, ပျဲနစုတဖၣ်လီၤစၢ်လီၤဘျ့တဂ့ၤ.

လံာ်မၤလကံ 1:13

သုစံး, ‘တၢ်ဘှံးပသးလၢတၢ်တဖၣ်အံၤအဃိဒိၣ်မးလဲၣ်,’ ဒီးသုတပာ်ကဲဘၣ်ယၤဘၣ်. သုဟဲစိာ်ဆၣ်ဖိကီၢ်ဖိလၢသုဟုၣ် န့ၢ်အီၤမ့ၢ်ဂ့ၤ, ဘၣ်ဆူးဘၣ်ဆါမ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ ဆူယအိၣ်လီၤ. မ့ၢ်သုဆိကမိၣ်လၢယကတူၢ်လိာ်တၢ်ဒ်န့ၣ် အသိးလၢသုအိၣ်ဧါ.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

1 ကရံၣ်သူး 15:28

ဘၣ်ဆၣ်ဒီး, ဖဲတၢ်ခဲလၢာ်ခဲဆ့ဘၣ်တၢ်ပာ်လံအီၤလၢခရံာ် အတၢ်ပၢအဖီလာ်န့ၣ်, တုၤနုၤတစု အဝဲအနီၢ်ကစၢ်ဒၣ်ဝဲ, ဖိခွါ, န့ၣ်ကပာ်လီၤအသးလၢကစၢ်ယွၤအဖီလာ်, ကစၢ်ယွၤလၢအပာ်တ့ၢ်လံတၢ်ခဲလၢာ်လၢအဝဲဒၣ်အဖီလာ်, ဒီးကစၢ်ယွၤကပၢတၢ်လၢာ်လၢာ်ဆ့ဆ့လၢတၢ်ခဲလၢာ် အဖီခိၣ်လီၤ.

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

လံာ်သိၣ်လီၤသီလီၤတၢ် 20:8

သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၂ သ့းစၤလနံ 3:15

ဘၣ်ဆၣ်ဒီး တဘၣ်ပာ်သူၣ်ပာ်သးလၢအဖီခိၣ်ဒ်ဒုၣ်ဒါတဂၤ အသိးတဂ့ၤ. မ့မ့ၢ်ဟ့ၣ်ပလီၢ်ပဒီအီၤဒ်ဒီပုၢ်ဝဲၢ်တဂၤအသိးန့ၣ် တက့ၢ်.

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.

ဧ့ၤဘြံၤ 12:5

မ့ၢ်သုသးပ့ၤနီၣ်တၢ်ကတိၤဟ့ၣ်ဂံၢ်ဟ့ၣ်ဘါလၢကစၢ်ယွၤ ကတိၤတၢ်ဒီးသုဒ်အဖိတဖၣ်အသိးန့ၣ်လံဧါ. စံးဝဲ, “ယဖိဧၢ, သုတပာ်ကစၢ်အတၢ်သိၣ်တၢ်သီလၢ တၢ်ကလီကလီတဂ့ၤ. တုၤအသိၣ်ဃီၣ်နၤဒီးတဘၣ်သးဟးဂီၤတဂ့ၤ.

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.