၂ သ့းစၤလနံ 3:12 - Sgaw Karen Common Bible

¹² လၢကစၢ်ယ့ၣ်ၡူးခရံာ်အမံၤအပူၤ, ပမၤလိာ်ဒီးဟ့ၣ်ပလီၢ်ပှၤသ့ၣ် တဖၣ်အံၤဒ်သိးအကအိၣ်မူတၢ်အိၣ်မူလၢအဘၣ်ဘျီးဘၣ်ဒါဒီး တၢ်မၤတၢ်လၢအကလုၢ်အီၣ်အသးသမူဒၣ်ဝဲအဂီၢ်န့ၣ်လီၤ.

၂ သ့းစၤလနံ 3:12 Iomraidhean Croise

တၢ်ကတိၤဒိ. 17:1

တၢ်အီၣ်ကိၣ်အဃ့တမီလၢအတၢ်ဃူတၢ်ဖိးအပူၤန့ၣ်ဂ့ၤန့ၢ်တၢ်အီၣ် အမူးဖးဒိၣ်လၢဟံၣ်လၢအပှဲၤဒီးတၢ်ကီတၢ်ခဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:6

ဘၣ်သ့ၣ်သ့ၣ်ကမ့ၢ်ဒ်န့ၣ်လီၤ. ဘၣ်ဆၣ်တၢ်အိၣ်ဒီးတၢ်တဆံးတက့ၢ်ဃုာ်ဒီးသးအတၢ်ဃူတၢ်ဖိးန့ၣ်, ဂ့ၤဒိၣ်န့ၢ်ဒံးတၢ်ဖံးအါမၤအါတထံၣ်ဃီလၢစုခံခီလၢာ်ဒီး တၢ်ကျဲးစၢးဖီၣ်ကလံၤတက့ၢ်န့ၣ်လီၤ.

လံာ်လူၤကၣ် 11:3

ဟ့ၣ်ပှၤတနံၤဘၣ်တနံၤအတၢ်အီၣ်လၢ ပလိၣ်ဘၣ်အီၤန့ၣ်တက့ၢ်.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၁ သ့းစၤလနံ 4:11

ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.

၂ သ့းစၤလနံ 3:8

ပတတူၢ်လိာ်စ့ၢ်ကီးပှၤတဂၤဂၤအတၢ်လုၢ်အီၣ်ကလီပှၤ ဘၣ်. မ့မ့ၢ်ပဖံးတၢ်မၤတၢ်လၢမုၢ်ဆါဒီးလၢမုၢ်နၤဒ်သိး ပသုတကဲထီၣ်တၢ်ဝံတၢ်ယိးလၢသုဝဲနီတဂၤအဂီၢ် တဂ့ၤန့ၣ်လီၤ.

၁ တံၤမသ့း 2:2

လၢစီၤပၤတဖၣ်အဂီၢ်ဒီးပဒိၣ်ပပှၢ်ခဲလၢာ်အဂီၢ်, ဒ်သိးပကအိၣ်မူဘၣ်ခုၣ်ခုၣ်မုာ်မုာ်လၢတၢ်ယူးယီၣ် ကစၢ်ယွၤဒီးလၢတၢ်လီၤယူးယီၣ်ပာ်ကဲလၢကျဲကိးဘိ ဒဲးအပူၤအဂီၢ်န့ၣ်တက့ၢ်.