၂ သ့းစၤလနံ 2:7 - Sgaw Karen Common Bible

⁷ ခဲကနံၣ်အံၤ ဒၣ်လဲာ်, တၢ်အၢတၢ်သီခူသူၣ်န့ၣ်မၤတ့ၢ်လံတၢ်လံ. ဘၣ်ဆၣ်ဒီး တချုးဒံးဘၣ်လၢပှၤတဂၤလၢ အတြီမၤတံာ်တာ်တၢ်တဂၤဘၣ်တၢ်သုးကွံာ်အီၤဒံးဘၣ်န့ၣ်, တၢ်န့ၣ်တမၤဒံးအသးဘၣ်.

၂ သ့းစၤလနံ 2:7 Iomraidhean Croise

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

၂ သ့းစၤလနံ 2:6

မ့ၢ်သနာ်က့ဒ်န့ၣ်ဒီး, အိၣ်ဝဲဒၣ်တမံၤလၢ အတြီဃာ်အီၤဒ်သိးအသုတမၤဒံးအသးခဲအံၤတဂၤန့ၣ်လီၤ. ဒီးသုသ့ၣ်ညါတၢ်န့ၣ်မ့ၢ်တၢ်မနုၤလဲၣ်န့ၣ်လီၤ. အန့ၣ်ဒီးတုၤတၢ်ဆၢကတီၢ်ဘၣ်ဝဲန့ၣ်တၢ် အၢတၢ်သီတဂၤန့ၣ်ကဟဲအိၣ်ဖျါထီၣ်ဝဲလီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 4:3

ဘၣ်ဆၣ်ဒီး, ပှၤတဂၤဂၤလၢအသမၢတၢ်အံၤဘၣ်ဃးဒီးယ့ၣ်ၡူး န့ၣ်, တအိၣ်ဒီးယွၤအသးဘၣ်. သးအဝဲအံၤဟဲလၢခရံာ်အဒုၣ်အဒါအအိၣ်လီၤ. သုနၢ်ဟူတ့ၢ်လၢအကဟဲဝဲ, ဒီးခဲအံၤအိၣ်လၢဟီၣ်ခိၣ်ချၢလံန့ၣ်လီၤ.

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်

လံာ်လီၣ်ဖျါ 17:7

ကလူးန့ၣ်စံးဘၣ်ယၤ, “ဘၣ်မနုၤအဃိနကမၢကမၣ်လဲၣ်. ယကတဲဘၣ်နၤတၢ်အခီပညီခူသူၣ်ဘၣ်ဃးပိာ်မုၣ်, ဒီးဘၣ်ဃးတၢ်ဒူတၢ်ဃိၤလၢအစိာ်အီၤ, တၢ်ဒူတၢ်ဃိၤလၢအအိၣ်ဒီးခိၣ်နွံဖျၢၣ်ဒီးနၢၤအဘိ တဆံန့ၣ်လီၤ.