၂ သ့းစၤလနံ 2:3 - Sgaw Karen Common Bible

³ သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

၂ သ့းစၤလနံ 2:3 Iomraidhean Croise

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 8:25

မ့ၢ်ပှၤလၢအသးက့ၣ်ကူသတးဒီးကမၤနၢၤတၢ်လၢအတၢ်ကူၣ် လီကူၣ်ဝ့ၤအပူၤန့ၣ်လီၤ. ကပာ်ထီၣ်ထီအသးလၢအကစၢ်ဒၣ်ဝဲ အဃိဒီးမၤဟးဂီၤပှၤအါဂၤလၢအသွံၣ်ခုၣ်ခုၣ်အပူၤန့ၣ်လီၤ. အဝဲကတၤဒၣ်လဲာ်စီၤပၤအဒိၣ်ကတၢၢ်လၢစီၤပၤခဲလၢာ် အဖီခိၣ်န့ၣ်ဘၣ်ဆၣ်ဒီးတၢ်စိကမီၤလၢအတသူဘၣ်ပှၤ ကညီအစုဘၣ်န့ၣ်ကမၤဟးဂီၤကွံာ်အီၤန့ၣ်လီၤ.

လံာ်ယိၤဟၣ် 17:12

ဖဲယအိၣ်ဒံးဒီးအဝဲသ့ၣ်န့ၣ်, ယအံးကွၢ်ကဟုကယာ်က့ၤအီၤလၢနမံၤအစိကမီၤအပူၤ, မံၤလၢနဟ့ၣ်လီၤယၤန့ၣ်လီၤ. ပှၤလၢနဟ့ၣ်လီၤယၤတဖၣ်န့ၣ်, ယကဟုကယာ်အီၤဒီးအဝဲသ့ၣ်တလီၤမၢ်နီတဂၤဘၣ်. လီၤမၢ်ကွံာ်ဒၣ်ထဲပှၤလၢအကဘၣ်လီၤမၢ်ဒၣ်တၢ်တဂၤ, ဒ်သိးတၢ်ကွဲးအသးကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 4:3

ဘၣ်ဆၣ်ဒီး, ပှၤတဂၤဂၤလၢအသမၢတၢ်အံၤဘၣ်ဃးဒီးယ့ၣ်ၡူး န့ၣ်, တအိၣ်ဒီးယွၤအသးဘၣ်. သးအဝဲအံၤဟဲလၢခရံာ်အဒုၣ်အဒါအအိၣ်လီၤ. သုနၢ်ဟူတ့ၢ်လၢအကဟဲဝဲ, ဒီးခဲအံၤအိၣ်လၢဟီၣ်ခိၣ်ချၢလံန့ၣ်လီၤ.

လံာ်လီၣ်ဖျါ 17:11

ဒီးတၢ်ဒူတၢ်ဃိၤလၢအအိၣ်မူတ့ၢ်လံဝဲတဘျီ, ဘၣ်ဆၣ်တအိၣ် မူလၢၤဝဲန့ၣ်, အနီၢ်ကစၢ်ဒၣ်ဝဲမ့ၢ်စီၤပၤဃိးဂၤတဂၤလၢ အမ့ၢ်စီၤပၤနွံဂၤအကျါတဂၤ, ဒီးဟးထီၣ်ကွံာ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်န့ၣ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.