၂ သ့းစၤလနံ 2:2 - Sgaw Karen Common Bible

² သုတပျဲပှၤမၤသဘံၣ်ဘုၣ်ဒီးမၤတံာ်တာ်သုတၢ်ဆိကမိၣ်ညီ ကဒၣ်ဘၣ်ဃးကစၢ်အမုၢ်နံၤဟဲတုၤအိၣ်လံအဂ့ၢ်, ခီဖျိတၢ်ကတိၤလၢဝံအကျိာ်မ့ၢ်ဂ့ၤ, တၢ်စံၣ်တဲၤတဲလီၤမ့ၢ်ဂ့ၤ, လံာ်ပရၢလၢပှၤစံးလၢအဟဲလၢပအိၣ်မ့ၢ်ဂ့ၤန့ၣ်တဂ့ၤ.

၂ သ့းစၤလနံ 2:2 Iomraidhean Croise

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 7:2

ဖဲတၢ်ကစီၣ်ဟဲတုၤဆူကီၢ်ယူဒၤအစီၤပၤအအိၣ်လၢကီၢ်စူၤရံ အသုးမုၢ်သံၣ်ဘိတဖၣ်အိၣ်တ့ၢ်လံလၢအံၣ်စရ့လးအကီၢ်ပူၤန့ၣ်, အဝဲဒီးအပှၤဂီၢ်မုၢ်တဖၣ်ပျံၤတၢ်ဒိၣ်မးတုၤဒၣ်လဲာ်အဝဲသ့ၣ် ကနိးကစုာ်ဝဲဒ်သ့ၣ်တဖၣ်ဟူးဝးလၢကလံၤအူတၢ်အဃိအသိးလီၤ.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မၢ်ကူး 13:7

ဒီးတုၤသုနၢ်ဟူဘၣ်တၢ်ဒုးတၢ်ယၤသီၣ်ထီၣ်သဲထီၣ်ဖဲတၢ်လီၢ် ဘူးဒီးသု, ဒီးသုမ့ၢ်န့ၢ်ဘၣ်တၢ်ကစီၣ်လၢတၢ်ဒုးတၢ်ယၤအိၣ်ထီၣ် စ့ၢ်ကီးလၢအယံၤန့ၣ်, သုတသူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်တမ့ၢ်ဒံးတၢ်အစိၤကတၢၢ်ဘၣ်.

လံာ်လူၤကၣ် 21:19

အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.

လံာ်လူၤကၣ် 21:9

ဖဲသုနၢ်ဟူဘၣ်တၢ်ဒုးတၢ်ယၤဒီးတၢ်ပူထီၣ်လီထီၣ်အကစီၣ်န့ၣ်, တဘၣ်ပျံၤတၢ်ဖုးတၢ်တဂ့ၤ, တၢ်သ့ၣ်တဖၣ်အံၤခဲလၢာ်ကဘၣ်မၤဆိ အသးလီၤ. ဘၣ်ဆၣ်ဒီးအဝဲန့ၣ်အခီပညီတမ့ၢ်လၢတၢ်အကတၢၢ် ဘူးထီၣ်လံန့ၣ်ဘၣ်.”

လံာ်ယိၤဟၣ် 14:1

ယ့ၣ်ၡူးစံးဘၣ်အဝဲသ့ၣ်, “တဘၣ်သူၣ်ကိၢ်သးဂီၤဒီးသးဘၣ် တံာ်တာ်တဂ့ၤ. စူၢ်က့ၤနာ်က့ၤကစၢ်ယွၤဒီးစူၢ်က့ၤနာ်က့ၤ ယၤစ့ၢ်ကီးတက့ၢ်.

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

1 ကရံၣ်သူး 14:32

တၢ်ဟ့ၣ်ဘၣ်ဃးတၢ်ကတိၤလၢဝံအကျိာ်န့ၣ်, ကြၢးဘၣ်တၢ်ပၢၤဃာ်အီၤလၢပှၤကတိၤတၢ်န့ၣ်လီၤ.

1 ကရံၣ်သူး 7:26

ပမ့ၢ်ကွၢ်ပဝဲဒ်အဘၣ်ထွဲဒီးတၢ်ကီတၢ်ခဲလၢဆၢကတီၢ်နၣ်ရံၣ် အဝဲအံၤအသိးန့ၣ်, ယဆိကမိၣ်, ကဂ့ၤတက့ၢ်လၢပှၤတဂၤကအိၣ်ဒ်အအိၣ်ဝဲအသိးန့ၣ်လီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

၁ သ့းစၤလနံ 3:3

ဒ်သိးသုသုတပာ်တီၢ်ကွံာ်သုတၢ်စူၢ်တၢ်နာ်ခရံာ်, လၢသုတူၢ်ဘၣ်တၢ်မၤအၢမၤနးသုဒ်သိးအံၤအဃိနီတဂၤတဂ့ၤ အဂီၢ်န့ၣ်လီၤ. သုနီၢ်ကစၢ်ဒၣ်သုဝဲသုသ့ၣ်ညါလၢကစၢ်ယွၤအတၢ်ဘၣ် အသးလၢပဂီၢ်အိၣ်ဃုာ်ဒီးတၢ်မၤအၢမၤနးဒ်အံၤအသိး တဖၣ်လီၤ.

၁ သ့းစၤလနံ 4:15

တၢ်လၢပစံးဘၣ်တဲဘၣ်သုအံၤန့ၣ်, မ့ၢ်ဝဲတၢ်တမံၤဃီလၢ ကစၢ်သိၣ်လိဝဲန့ၣ်လီၤ. ပဝဲလၢအအိၣ်မူဒံးဖဲကစၢ်ဟဲအဆၢ ကတီၢ်တဖၣ်န့ၣ်, ပတလဲၤဆိလၢပှၤသံတ့ၢ်တဖၣ်အမဲာ်ညါန့ၣ်ဘၣ်.

၁ သ့းစၤလနံ 5:2

အဂ့ၢ်ဒ်အံၤ, ကစၢ်အမုၢ်တနံၤကဟဲဝဲဒၣ်သတူၢ်ကလာ်ဒ် တၢ်ဘျၣ်ဟဲဝဲလၢမုၢ်နၤခီအသိးန့ၣ်, သုနီၢ်ကစၢ်ဒၣ်သုဝဲ သုသ့ၣ်ညါဂ့ၤဂ့ၤလီၤ.

၂ သ့းစၤလနံ 2:15

လၢတၢ်န့ၣ်အဃိပဒီပုၢ်ဝဲၢ်သ့ၣ်ဧၢ, ဆၢထၢၣ်ကျၢၤကျၢၤ ဒီးဟံးဃာ်တၢ်မ့ၢ်တၢ်တီသ့ၣ်တဖၣ်လၢပသိၣ်လီၤသီလီၤ တ့ၢ်သုလၢပတၢ်စံၣ်တဲၤတဲလီၤအပူၤ, ဒီးလၢပလံာ်ပရၢအပူၤစ့ၢ်ကီးန့ၣ်တက့ၢ်.

၂ သ့းစၤလနံ 3:17

လၢယစုလီၢ်ဒၣ်ယဲ, ယကွဲးတၢ်ကတိၤတဖၣ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, ယဆဲးလီၤ ယမံၤဒ်သိးအံၤ, လၢတၢ်ပရၢကိးဘ့ၣ်ဒဲးအကတၢၢ်န့ၣ်လီၤ. ယကွဲးလံာ်လၢကျဲဒ်အံၤလီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.