၂ သ့းစၤလနံ 1:9 - Sgaw Karen Common Bible

⁹ အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

၂ သ့းစၤလနံ 1:9 Iomraidhean Croise

လံာ်တၢ်ကဲထီၣ်အခီၣ်ထံး 3:8

မုၢ်ဟါခီအဝဲန့ၣ်အဝဲသ့ၣ်နၢ်ဟူဝဲယွၤ, ကစၢ်ယွၤဟးလၢတၤသၣ်လီၢ်အပူၤ ဒီးအဝဲသ့ၣ်ပာ်တဒၢအသးလၢသ့ၣ်အကျါန့ၣ်လီၤ.

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်စီၤယိၤဘး 21:14

ပှၤတတီတလိၤစံးဘၣ်ကစၢ်ယွၤ, ဟးထီၣ်ကွံာ်လၢပအိၣ်တက့ၢ်. တၢ်သ့ၣ်ညါနကျဲဧိၤကပူၤဧိၤန့ၣ်တဘၣ်ဘၣ်ပသးဘၣ်.

လံာ်စီၤယိၤဘး 22:17

အဝဲသ့ၣ်မ့ၢ်ပှၤလၢအညိကွံာ်ကစၢ်ယွၤဒီးနာ်ဝဲဒၣ်လၢယွၤသ့ တၢ်လၢာ်ကစၢ်မၤအီၤတသ့နီတမံၤဘၣ်န့ၣ်လီၤ.

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 51:11

ညိကွံာ်ယၤလၢနမဲာ်ညါတဂ့ၤ, ဒီးဟံးထီၣ်ကွံာ်နသးစီဆှံလၢယၤတဂ့ၤ.

လံာ်ယၡါယၤ 1:28

မ့မ့ၢ်, ပှၤလၢအမၤတၢ်ဒဲးဘးဒီးပူထီၣ်ထီဒါအီၤန့ၣ်, ကမၤလီၤသဘှံးဝဲကိးဂၤဒဲးလီၤ. အဝဲကမၤသံပှၤကိးဂၤဒဲး လၢအညိကွံာ်အီၤန့ၣ်လီၤ.

လံာ်ယၡါယၤ 2:10

အဝဲသ့ၣ်ကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ် အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢးဃ့ၢ်ပူၤဖျဲးကွံာ် အသးလၢယွၤအတၢ်သးဒိၣ်ထီၣ်ဒီးလၢတၢ်အိၣ်ခူသူၣ်လၢယွၤ အစိကမီၤဒီးအလၤကပီၤအဂီၢ်န့ၣ်လီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 2:21

ဖဲယွၤဟဲဝဲလၢကမၤဟူးဟီၣ်ခိၣ်အဂီၢ်န့ၣ်, ပှၤဂီၢ်မုၢ်ကအိၣ်ခူသူၣ်လၢ တၢ်ပူၤတဖၣ်ဒီးလၢၢ်ကအိပူၤတဖၣ်လၢလၢၢ်ကစၢၢ်တဖၣ် အလိၤလၢတၢ်ကျဲးစၢးဃ့ၢ်ပူၤဖျဲးကွံာ်လၢယွၤအတၢ်သး ဒိၣ်ထီၣ်ဒီးအိၣ်ခူသူၣ်ဝဲလၢအဝဲအစိကမီၤဒီးအလၤကပီၤလီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 66:24

“ဖဲအဝဲသ့ၣ်ဟးထီၣ်အဖၢမုၢ်န့ၣ်, အဝဲသ့ၣ်ကထံၣ်ဘၣ်ပှၤတဖၣ် လၢအပူထီၣ်တၢ်ထီဒါတ့ၢ်ယၤအစိၣ်န့ၣ်လီၤ. လၢၣ်တဖၣ်လၢအအီၣ်အဝဲ သ့ၣ်န့ၣ်တသံနီတစုဘၣ်, ဒီးမ့ၣ်အူလၢအအီၣ်အဝဲ သ့ၣ်န့ၣ်တၢ်တမၤလီၤပံာ်ကွံာ်အီၤနီတစုဘၣ်. တၢ်ထံၣ်ဘၣ် တၢ်တဖၣ်အံၤကမ့ၢ်တၢ်လီၤသးဘၣ်အၢလၢပှၤဟီၣ်ခိၣ်ဖိ ခဲလၢာ်အဂီၢ်န့ၣ်လီၤ.”

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 22:13

တုၤနုၤတစုစီၤပၤစံးဘၣ်အခ့အပှၤတဖၣ်ဒီးစံး, ‘စၢအစုစၢအခီၣ်ဒီးတ့ၢ်လီၤကွံာ်အီၤဆူတၢ်ချၢ ဆူတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ်ဒီးကအ့ၣ်စဃံးအမဲလီၤ.’ ”

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မးသဲ 7:23

ဒီးယကစံးဘၣ်အဝဲသ့ၣ်, ‘ယတသ့ၣ်ညါသုနီတစုဘၣ်. ပှၤမၤတၢ်အၢတၢ်သီသ့ၣ်ဧၢ, ဟးဖးဒီးယၤတက့ၢ်.’

လံာ်လူၤကၣ် 13:27

ဘၣ်ဆၣ်ဒီးအဝဲဒၣ်ကစံးကဒီးဝဲ, ‘သုဟဲဖဲလဲၣ်န့ၣ်ယတသ့ၣ်ညါဘၣ်. သုဝဲကိးဂၤလၢအမၤတၢ်အၢတၢ်သီသ့ၣ်ဧၢ, ဟးထီၣ်ကွံာ်လၢယအိၣ်တက့ၢ်.’

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

၂ ပ့းတရူး 2:17

ပှၤသ့ၣ်တဖၣ်အံၤလီၤဂာ်ဒီးထံမူထီၣ်ပၢၤလၢထံတအိၣ် လၢၤဘၣ်, တၢ်အၢၣ်တဖၣ်လၢကလံၤမုၢ်အူဒီးဒံကွံာ်ဝဲ အသိး, ဒီးကစၢ်ယွၤကတဲာ်ကတီၤတၢ်လီၢ်လၢအဝဲသ့ၣ် အဂီၢ်လၢတၢ်ခံးယိာ်ကတၢၢ်အပူၤန့ၣ်လီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.

လံာ်လီၣ်ဖျါ 20:14

တၢ်န့ၣ်ဝံၤအလီၢ်ခံ, တၢ်သံဒီးပျုၤပူၤဘၣ်တၢ်တ့ၢ်လီၤကွံာ် အီၤဆူနိၣ်မ့ၣ်အူအပူၤလီၤ. (နိၣ်မ့ၣ်အူအံၤမ့ၢ်ဝဲတၢ်သံခံစု တစုလီၤ.)

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.