၂ သ့းစၤလနံ 1:10 - Sgaw Karen Common Bible

¹⁰ တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၂ သ့းစၤလနံ 1:10 Iomraidhean Croise

စံးထီၣ်ပတြၢၤ 68:35

ကစၢ်ယွၤဧၢ, နမ့ၢ်တၢ်လီၤပျံၤအလီၢ်လၢ နလီၢ်စီဆှံအပူၤလီၤ. အံၣ်စရ့လးကစၢ်ယွၤ, မ့ၢ်ပှၤလၢ အဟ့ၣ်အပှၤဂီၢ်မုၢ်လၢတၢ်စိတၢ်ကမီၤဒီး တၢ်ဂံၢ်တၢ်ဘါန့ၣ်လီၤ. စံးထီၣ်ပတြၢၤကစၢ်ယွၤတက့ၢ်.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 49:3

အဝဲစံးဘၣ်ယၤ, “နမ့ၢ်ယခ့ယပှၤကီၢ်အံၣ်စရ့လးလီၤ. လၢနၤအဃိဒီး, ပှၤဂီၢ်မုၢ်ကစံးထီၣ်ပတြၢၤယၤလီၤ.”

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်မၤလကံ 3:17

ယွၤသ့တၢ်လၢာ်စံးဝဲ, “အဝဲသ့ၣ်ကမ့ၢ်ယပှၤဂီၢ်မုၢ်” န့ၣ်လီၤ. ဒီးမုၢ်တနံၤလၢယပာ်ဖှိၣ်ယတၢ်လုၢ်ဒိၣ်ပှ့ၤဒိၣ်န့ၣ်အဝဲသ့ၣ်ကကဲ ထီၣ်တၢ်လုၢ်ဒိၣ်ပှ့ၤဒိၣ်လၢယဂီၢ်လီၤ. ယကအိၣ်ဒီးတၢ်သးကညီၤအဝဲသ့ၣ်, ဒ်ပၢ်သးကညီၤအဖိခွါလၢအမၤအတၢ်အသိးန့ၣ်လီၤ.

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 24:36

ဘၣ်ဆၣ်ဒီး, မုၢ်နံၤဒီးနၣ်ရံၣ်အဝဲန့ၣ်ကတုၤအခါဖဲလဲၣ်န့ၣ်, ပှၤတသ့ၣ်ညါနီတဂၤဘၣ်. ကလူးလၢမူခိၣ်တဖၣ်မ့ၢ်ဂ့ၤ, ဖိခွါမ့ၢ်ဂ့ၤတသ့ၣ်ညါဝဲဘၣ်. ပှၤသ့ၣ်ညါတၢ်အံၤမ့ၢ်ထဲ ပၢ်တဂၤဧိၤလီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မးသဲ 7:22

ဖဲယွၤစံၣ်ညီၣ်တၢ်အမုၢ်တနံၤတုၤဝဲန့ၣ်ပှၤအါဂၤကစံးဘၣ်ယၤ, ‘ကစၢ်ဧၢ, ကစၢ်ဧၢ, လၢနမံၤန့ၣ်ပစံၣ်တဲၤတဲလီၤကစၢ်ယွၤအတၢ်ကစီၣ်, လၢနမံၤန့ၣ်ပဟီထီၣ်ကွံာ်တၢ်နါအါဒုဒီးမၤတၢ်လီၤလးအါမံၤလီၤ.’

လံာ်လူၤကၣ် 10:12

ယစံးဘၣ်တဲဘၣ်သု, ဖဲမုၢ်စံၣ်ညီၣ်အနံၤန့ၣ်, ကစၢ်ယွၤကပာ်ဖျါထီၣ်တၢ်သးကညီၤလၢ ဝ့ၢ်စဒိၣ်အဖီခိၣ်အါန့ၢ်ဒံးဝ့ၢ်တဖျၢၣ်န့ၣ်တက့ၢ်လီၤ.

လံာ်ယိၤဟၣ် 11:4

ဖဲယ့ၣ်ၡူးနၢ်ဟူတၢ်ကစီၣ်အံၤန့ၣ်အဝဲဒၣ်စံး, “တၢ်ဆူးတၢ်ဆါအံၤတမ့ၢ်တၢ်ဆါလၢအကဆှၢအီၤဆူတၢ်သံ န့ၣ်ဘၣ်. မ့မ့ၢ်လၢကစၢ်ယွၤအလၤကပီၤအဂီၢ်, ဒီးခီဖျိတၢ်အံၤန့ၣ်, ကစၢ်ယွၤအဖိခွါအလၤကပီၤကအိၣ်ဖျါထီၣ်ဝဲန့ၣ်လီၤ.”

လံာ်ယိၤဟၣ် 17:10

တၢ်လၢအအိၣ်ဒီးယၤခဲလၢာ်မ့ၢ်နတၢ်, ဒီးတၢ်လၢအအိၣ်ဒီး နၤခဲလၢာ်မ့ၢ်ယတၢ်ဒီးခီဖျိအဝဲသ့ၣ်န့ၣ်, ယလၤကပီၤအိၣ်ဖျါ ထီၣ်ဝဲလီၤ.

1 ကရံၣ်သူး 1:6

တၢ်ကစီၣ်ဘၣ်ဃးခရံာ်အဂ့ၢ်အိၣ်သူၣ်လီၤအသးကျၢၤကျၢၤလၢ သုပူၤတုၤဒၣ်လဲာ်

1 ကရံၣ်သူး 3:13

ဒီးပှၤတဂၤဘၣ်တဂၤအတၢ်ဖံးတၢ်မၤဂ့ၤဆံးအါဆံးအါန့ၣ်, ပှၤကထံၣ်ဘၣ်ဝဲဖဲမုၢ်တနံၤလၢခရံာ်လီၣ်ဖျါထီၣ်အီၤန့ၣ်လီၤ. အဂ့ၢ်ဒ်အံၤ, ဖဲနံၤအဝဲန့ၣ်, မ့ၣ်အူကလီၣ်ဖျါထီၣ်ပှၤကိးဂၤဒဲးအတၢ်ဖံးတၢ်မၤလီၤ. မ့ၣ်အူကမၤကွၢ်အီၤဒီးပာ်ဖျါထီၣ်အဂ့ၤဝဲနီၢ်နီၢ်ဆံးအါလဲၣ်န့ၣ်လီၤ.

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:14

သးစီဆှံမ့ၢ်တၢ်လၢအအုၣ်အသးဘၣ်ဃးဒီးတၢ်လၢ ကစၢ်ယွၤကဟ့ၣ်သါအပှၤဂီၢ်မုၢ်တဖၣ်တုၤလီၤလၢပဒိး န့ၢ်ဘၣ်အီၤလၢလၢပှဲၤပှဲၤတစုန့ၣ်လီၤ. မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 1:6

မ်ပစံးထီၣ်ပတြၢၤယွၤလၢအဘျုးအဖှိၣ်လၢအအိၣ်ဒီးအလၤ ကပီၤ, လၢအဟ့ၣ်လီၤကလီန့ၢ်ပှၤခီဖျိအဖိခွါသးဘိအဃိ န့ၣ်တက့ၢ်.

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၁ သ့းစၤလနံ 2:1

ပဒီပုၢ်ဝဲၢ်သ့ၣ်ဧၢ, သုနီၢ်ကစၢ်ဒၣ်သုဝဲသုသ့ၣ်ညါလၢ ပတၢ်လဲၤအိၣ်သကိးသုအိၣ်ဒီးအဘျုးအဖှိၣ်ကစီဒီန့ၣ်လီၤ.

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၂ သ့းစၤလနံ 1:12

လၢကျဲဒ်အံၤအပူၤန့ၣ် ပကစၢ်ယ့ၣ်ၡူးအမံၤကဒိးန့ၢ်တၢ်လၤ ကပီၤလၢသုအိၣ်ဒီးသုကဒိးန့ၢ်တၢ်လၤကပီၤလၢအဝဲဒၣ် အအိၣ်, ခီဖျိပကစၢ်ယွၤဒီးကစၢ်ယ့ၣ်ၡူးခရံာ်အဘျုးအဖှိၣ်န့ၣ်လီၤ.

၂ သ့းစၤလနံ 2:13

ဒီပုၢ်ဝဲၢ်လၢကစၢ်အဲၣ်အီၤသ့ၣ်ဧၢ, ပဘၣ်စံးဘျုးကစၢ်ယွၤကိးဆၢကတီၢ်ဒဲးလၢသုဃိလီၤ. အဂ့ၢ်ဒ်အံၤကစၢ်ယွၤဃုထၢထီၣ်သုလၢအခီၣ်ထံးလံၤလံၤ လၢသုကဒိးန့ၢ်တၢ်အုၣ်က့ၤခီၣ်က့ၤခီဖျိယွၤအသးအစိ အကမီၤဒ်သိးသုကကဲထီၣ်အပှၤစီဆှံတကလုာ်ခီဖျိ သုတၢ်စူၢ်တၢ်နာ်တၢ်မ့ၢ်တၢ်တီအဃိန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:18

မ်ကစၢ်ပျဲအဒိးန့ၢ်ဘၣ်အတၢ်သူၣ်ကညီၤသးကညီၤ လၢမုၢ်နံၤခံကတၢၢ်န့ၣ်တက့ၢ်. အဝဲမၤတ့ၢ်တၢ်လၢယဂီၢ်ဖဲဝ့ၢ်အ့းဖ့းစူးအပူၤထဲလဲၣ်န့ၣ်, နသ့ၣ်ညါဂ့ၤဂ့ၤကစီဒီန့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.