လံာ်စီၤၡမူၤအ့လးခံဘ့ၣ်တဘ့ၣ် 9:7 - Sgaw Karen Common Bible

⁷ စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:7 Iomraidhean Croise

လံာ်တၢ်ကဲထီၣ်အခီၣ်ထံး 43:18

မ့ၢ်လၢအဝဲသ့ၣ်ဘၣ်တၢ်က့ၤကိးဆူဟံၣ်န့ၣ်အဃိ, အဝဲသ့ၣ်ပျံၤတၢ်ဒီးဆိကမိၣ်ထီၣ်ဝဲ, “ပဘၣ်တၢ်ဟဲကိးပှၤဖဲ အံၤမ့ၢ်ဒၣ်လၢစ့လၢအဘၣ်တၢ်ဟ့ၣ်ကဒါက့ၤပှၤလၢပထၢၣ်တဖၣ်အပူၤ အခီၣ်ထံးတဘျီအဃိလီၤ. အဝဲသ့ၣ်ကမၤဒၢၣ်ပှၤသတူၢ်ကလာ်, ဟံးန့ၢ်ပကသ့ၣ်ယီၤတဖၣ်, ဒီးဒုးကဲထီၣ်ပှၤလၢအကုၢ်တဖၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 43:23

တၢ်ခ့တၢ်ပှၤစံးဘၣ်အီၤ, “ဘၣ်ယိၣ်တၢ်တဂ့ၤ, ပျံၤတၢ်တဂ့ၤ. သုကစၢ်ယွၤ, သုပၢ်အကစၢ်ယွၤကတ့ၢ်နုာ်က့ၤစ့လၢသုထၢၣ်တဖၣ် အပူၤလၢသုဂီၢ်န့ၣ်လီၤ. ယဒိးန့ၢ်ဘၣ်သုတၢ်ဟ့ၣ်ကဒါက့ၤလံ.” ဒီးဟဲက့ၤကိးစီၤစူၤမ့းအိၣ်ဆူအဝဲသ့ၣ်အအိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:8

ယဟ့ၣ်လီၤနၤလၢအဝဲအဘီအမုၢ်ဒီးအမါတဖၣ်လီၤ. ယဒုးကဲထီၣ်နၤစီၤပၤလၢကီၢ်အံၣ်စရ့လးဒီးကီၢ်ယူဒၤအဖီခိၣ်လီၤ. တၢ်အံၤမ့ၢ်တလၢဒံးဝဲဘၣ်ဒီးယကဟ့ၣ်အါထီၣ်ဒံးနၤခံစးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:28

ကယဲၢ်ယပၢ်အဒူၣ်ဖိထၢဖိခဲလၢာ်ကြၢးလၢ အဘၣ်တၢ်မၤသံကွံာ်အီၤလၢနဲဒၣ်တၢ်ဒိၣ်ကစၢ်စီၤပၤဘၣ်ဆၣ်ဒီး, နဟ့ၣ်လံယၤတၢ်ခွဲးတၢ်ယာ်လၢယကအီၣ်တၢ်လၢနစီၢ်နီၤခိၣ်လီၤ. တကြၢးလၢၤလၢယကဃ့အါထီၣ်တၢ်ကွၢ်မဲာ်လၢနဲဒၣ် တၢ်ဒိၣ်ကစၢ်စီၤပၤအအိၣ်နီတမံၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:29

စီၤပၤစံးဆၢဝဲဒၣ်, “နဃ့အါထီၣ်တၢ်အလီၢ်တအိၣ်နီတမံၤလၢၤဘၣ်. ယပာ်လီၤတ့ၢ်ယသးလၢနၤဒီးစီၤစံဘၤကနီၤဖးဟံးန့ၢ်သကိးစီၤ စီလူးအတၢ်စုလီၢ်ခီၣ်ခိၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:33

စီၤပၤစံးဘၣ်အီၤ, “ဟဲဃုာ်ဒီးယၤဆူဝ့ၢ်ယရူၤၡလ့ၣ်ဒီး ယကအံးထွဲကွၢ်ထွဲက့ၤနၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:1

ဘၣ်မုၢ်တနံၤန့ၣ်စီၤဒၤဝံးသံကွၢ်ဝဲ, “လၢစီၤစီလူးအပှၤဟံၣ်ဖိ ဃီဖိအကျါန့ၣ်မ့ၢ်ပှၤအိၣ်လီၤတဲာ်တ့ၢ်ဒံးတဂၤဂၤဧါ. မ့ၢ်အိၣ်ဒီး, ယသးအိၣ်ဒုးနဲၣ်ယတၢ်သးကညီၤဘၣ်အီၤလၢစီၤယိနၤ သၣ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:10

နဲဒၣ်, နဖိခွါတဖၣ်, ဒီးနကုၢ်နပှၤတဖၣ်ကထူဟီၣ်ခိၣ်ကဝီၤန့ၣ် လၢနကစၢ်စီၤစီလူးအဟံၣ်ဖိဃီဖိအဂီၢ်ဒီးဟဲစိာ်နုာ် တၢ်ကူးက့ၤအတၤသူတၤသၣ်တဖၣ်လၢကဟ့ၣ်အဝဲသ့ၣ်တၢ်အီၣ်တၢ်အီ အဂီၢ်န့ၣ်လီၤ. မ့မ့ၢ်စီၤမဖံဘိၤၡ့းအနီၢ်ကစၢ်ဒၣ်ဝဲန့ၣ်, ကမ့ၢ်ပှၤသမှံၤတဂၤလၢယတၢ်အီၣ်တၢ်အီအစီၢ်နီၤခိၣ်တဘိယူၢ်ဃီလီၤ.” (စီၤစံဘၤအိၣ်ဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 9:11

စီၤစံဘၤစံးဆၢဝဲဒၣ်, “ယကမၤတၢ်ကိးမံၤဒဲးဒ်နဲဒၣ်ကစၢ်စီၤပၤဖးဒိၣ်ဟ့ၣ်လီၤအကလုၢ်အသိးန့ၣ်လီၤ.” လၢတၢ်န့ၣ်အဃိ, စီၤမဖံဘိၤၡ့းအီၣ်တၢ်လၢစီၤပၤအတၢ်အီၣ်စီၢ်နီၤခိၣ်, ဒ်စီၤပၤအဖိခွါတဖၣ်အကျါတဂၤအသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:13

မၤသးဒ်န့ၣ်ဒီး, စီၤမဖံဘိၤၡ့းလၢအခီၣ်ဟးဂီၤခံခီလိာ်န့ၣ်, အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤ ဒီးအီၣ်အတၢ်အီၣ်ကိးဘျီဒဲးလၢစီၤပၤအစီၢ်နီၤခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:3

စီၤပၤသံကွၢ်အီၤ, “မ့ၢ်ပှၤအိၣ်လီၤတဲာ်ဒံးဝဲတဂၤဂၤလၢ စီၤစီလူးအဟံၣ်ဖိဃီဖိအကျါလၢယဒုးနဲၣ်အီၤယတၢ်သူၣ်တီသး ရၤဒီးတၢ်သူၣ်ကညီၤသးကညီၤကသ့ဝဲဒ်ယအၢၣ်လီၤတ့ၢ်ကစၢ်ယွၤလၢ ယကမၤအီၤအသိးန့ၣ်ဧါ.” စီၤစံဘၤစံးဆၢဝဲဒၣ်, “ပှၤအိၣ်ဒံးဝဲတဂၤလၢစီၤယိနၤသၣ် အဖိခွါတဖၣ်အကျါန့ၣ်လီၤ. အဝဲဒၣ်အခီၣ်ဟးဂီၤလီၤ.”

လံာ်စီၤပၤအခီၣ်ထံးတဘ့ၣ် 2:7

ဘၣ်ဆၣ်ဒီးဒုးနဲၣ်တၢ်သူၣ်ကညီၤသးကညီၤဆူစီၤဘၢ်စံးလဲ အဖိခွါတဖၣ်လၢအအိၣ်လၢဝ့ၢ်ကံးလဧးဒီးအံးထွဲကွၢ်ထွဲအဝဲ သ့ၣ်, မ့ၢ်လၢအဝဲသ့ၣ်မ့ၢ်ပှၤသူၣ်ကညီၤသးကညီၤယၤဖဲယဘၣ်ဃ့ၢ်ပူၤ ဖျဲးကွံာ်ယသးလၢနဒီပုၢ်ဝဲၢ်ခွါစီၤအးဘၡါလိၣ်အအိၣ်အကတီၢ် အဃိန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 25:29

လၢတၢ်န့ၣ်အဃိစီၤယဟိၤယါခံၣ်ဒိးန့ၢ်ဘၣ်တၢ်ပျဲလၢကလဲ လိာ်ကွံာ်ဝဲပှၤဃိာ်ဖိအကူအသိးတဖၣ်, ဒီးကအီၣ်ဃုာ်တၢ်လၢစီၤ ပၤအစီၢ်နီၤခိၣ်လၢအသးသမူအိၣ်တ့ၢ်ဒံးတစိၤဒၣ်အီၤန့ၣ်လီၤ.

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်ယံးရမံယၤ 52:33

လၢတၢ်န့ၣ်အဃိ, စီၤယဟိၤယါခံၣ်န့ၢ်ဘၣ် တၢ်ပျဲလၢကလဲလိာ်ကွံာ်အဃိာ်အကူအသိး တဖၣ်ဒီးကအီၣ်သကီးတၢ်လၢ စီၤပၤအစီၢ်နီၤခိၣ်လၢ အဝဲအသးသမူလၢ အအိၣ်လီၤတဲာ်အပူၤန့ၣ်လီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:15

ဒုးနဲၣ်နတၢ်သးအိၣ်တၢ်ပာ်ကဲဒီးနတၢ်သူၣ်တီသးလိၤတမံၤဃီ ဆူယဟံၣ်ဖိဃီဖိအအိၣ်တဘိယူၢ်ဃီတက့ၢ်. ဒီးဖဲယွၤမၤဟးဂီၤကွံာ်ကယဲၢ်နဒုၣ်နဒါလၢလၢပှဲၤပှဲၤန့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 22:23

အိၣ်ဒီးယၤဒီးဘၣ်ယိာ်ဘၣ်ဘီတၢ်တဂ့ၤ. စီၤစီလူးအဲၣ်ဒိးမၤသံယၤဒီးနၤ, ပဝဲခံဂၤလိာ်လီၤ. ဘၣ်ဆၣ်ဒီးနကပူၤဖျဲးဃုာ်ဒီးယၤလီၤ.”