လံာ်စီၤၡမူၤအ့လးခံဘ့ၣ်တဘ့ၣ် 9:3 - Sgaw Karen Common Bible

³ စီၤပၤသံကွၢ်အီၤ, “မ့ၢ်ပှၤအိၣ်လီၤတဲာ်ဒံးဝဲတဂၤဂၤလၢ စီၤစီလူးအဟံၣ်ဖိဃီဖိအကျါလၢယဒုးနဲၣ်အီၤယတၢ်သူၣ်တီသး ရၤဒီးတၢ်သူၣ်ကညီၤသးကညီၤကသ့ဝဲဒ်ယအၢၣ်လီၤတ့ၢ်ကစၢ်ယွၤလၢ ယကမၤအီၤအသိးန့ၣ်ဧါ.” စီၤစံဘၤစံးဆၢဝဲဒၣ်, “ပှၤအိၣ်ဒံးဝဲတဂၤလၢစီၤယိနၤသၣ် အဖိခွါတဖၣ်အကျါန့ၣ်လီၤ. အဝဲဒၣ်အခီၣ်ဟးဂီၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:26

အဝဲစံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဒ်နသ့ၣ်ညါနဲအသိးယမ့ၢ်ပှၤလၢအခီၣ်ဟးဂီၤလီၤ. ယတဲဘၣ်တ့ၢ်ယခ့ယပှၤလၢကဂီၤကၢ်ထီၣ်န့ၢ်ယၤယကသ့ၣ်ယီၤ ဒ်သိးယလဲၤတၢ်ဒီးနၤကသ့အဂီၢ်လီၤ. ဘၣ်ဆၣ်ဒီးအဝဲဒၣ်လီန့ၢ်ယၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:27

အဝဲတဲတၢ်တတီတလိၤဘၣ်ဃးယဂ့ၢ်လၢနဲဒၣ်တၢ်ဒိၣ်ကစၢ်စီၤပၤအမဲာ်ညါလီၤ. ဘၣ်ဆၣ်ဒီးနလီၤဂာ်မးဒ်ကစၢ်ယွၤအကလူးအသိး, အဃိဒီးမၤနဲဒ်နဆိကမိၣ်ဘၣ်ဝဲတီဝဲန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 4:4

စီၤစီလူးအစၢၤအသွဲၣ်အဂၤတဂၤမ့ၢ်ဝဲ စီၤယိနၤသၣ်အဖိခွါ စီၤမဖံဘိၡ့းလၢအသးအိၣ်ဝဲယဲၢ်နံၣ်, ဖဲစီၤစီလူးဒီးစီၤယိနၤသၣ်ဘၣ်တၢ်မၤသံအီၤအခါန့ၣ်လီၤ. ဖဲတၢ်ကစီၣ်လၢအဝဲသ့ၣ်သံအဂ့ၢ်ဟဲတုၤဝဲဆူဝ့ၢ်ယံးစရ့လးန့ၣ်, ပှၤပိာ်မုၣ်လၢအအံးထွဲကွၢ်ထွဲအီၤစိာ်ထီၣ်အီၤဒီးထွးထီၣ်ဃ့ၢ်ဝဲ, ဘၣ်ဆၣ်မ့ၢ်လၢအမၤအသးချ့ဒံးချ့ဒူးကဲာ်ဆိးအဃိ, ဖိသၣ်န့ၣ်လီၤတဲာ်ဒီးအခီၣ်ဟးဂီၤကွံာ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:13

မၤသးဒ်န့ၣ်ဒီး, စီၤမဖံဘိၤၡ့းလၢအခီၣ်ဟးဂီၤခံခီလိာ်န့ၣ်, အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤ ဒီးအီၣ်အတၢ်အီၣ်ကိးဘျီဒဲးလၢစီၤပၤအစီၢ်နီၤခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:7

စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်လူၤကၣ် 6:36

အိၣ်ဒီးတၢ်သးကညီၤ, ဒ်သုပၢ်သးကညီၤတၢ်အသိးတက့ၢ်.

လံာ်သိၣ်လီၤသီလီၤတၢ် 10:15

မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.