လံာ်စီၤၡမူၤအ့လးခံဘ့ၣ်တဘ့ၣ် 9:11 - Sgaw Karen Common Bible

¹¹ စီၤစံဘၤစံးဆၢဝဲဒၣ်, “ယကမၤတၢ်ကိးမံၤဒဲးဒ်နဲဒၣ်ကစၢ်စီၤပၤဖးဒိၣ်ဟ့ၣ်လီၤအကလုၢ်အသိးန့ၣ်လီၤ.” လၢတၢ်န့ၣ်အဃိ, စီၤမဖံဘိၤၡ့းအီၣ်တၢ်လၢစီၤပၤအတၢ်အီၣ်စီၢ်နီၤခိၣ်, ဒ်စီၤပၤအဖိခွါတဖၣ်အကျါတဂၤအသိးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:15

အဝဲသ့ၣ်စံးဆၢဝဲဒၣ်, “မ့ၢ်လီၤ. နဲဒၣ်, တၢ်ဒိၣ်ကစၢ်စီၤပၤဧၢ, ပအိၣ်ကတဲာ်ကတီၤပသးလၢပကမၤကယဲၢ်တၢ်လၢ နစံးနဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:17

ပှၤအဂၤတကထိလၢပှၤဘံၣ်ယၤမံၣ်အဒူၣ်ဟဲဃုာ်ဒီးအီၤစ့ၢ်ကီးလီၤ. ဒီးစီၤစီလူးအပှၤဟံၣ်ဖိဃီဖိအခ့အပှၤစီၤစံဘၤဟဲဃုာ်စ့ၢ်ကီး ဝဲဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ, ဒီးအဝဲသ့ၣ်ဟဲတုၤဝဲဖဲထံကျိယၢ်ဒ့ၣ်, တချုးလၢစီၤပၤဟဲတုၤဒံးဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:24

ဒီးစီၤစီလူးအလံၤခွါစီၤမဖံဘိၤၡ့း ဟဲလီၤဝဲဒ်သိးကသဂၢၢ်စီၤပၤန့ၣ်လီၤ. အဝဲတသ့ဘၣ်အခီၣ်, တတံာ်ဃူဘၣ်အခၣ်ဆူၣ်ဒီးတဆှူၣ်ဘၣ်အကူအသိးတဖၣ် စးထီၣ်လၢစီၤပၤဟးထီၣ်လၢဝ့ၢ်ယရူၤၡလ့ၣ်အမုၢ်တနံၤန့ၣ် တုၤအဟဲက့ၤတုၤအိၣ်ဒီးတၢ်မၤနၢၤတစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:26

အဝဲစံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဒ်နသ့ၣ်ညါနဲအသိးယမ့ၢ်ပှၤလၢအခီၣ်ဟးဂီၤလီၤ. ယတဲဘၣ်တ့ၢ်ယခ့ယပှၤလၢကဂီၤကၢ်ထီၣ်န့ၢ်ယၤယကသ့ၣ်ယီၤ ဒ်သိးယလဲၤတၢ်ဒီးနၤကသ့အဂီၢ်လီၤ. ဘၣ်ဆၣ်ဒီးအဝဲဒၣ်လီန့ၢ်ယၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:10

နဲဒၣ်, နဖိခွါတဖၣ်, ဒီးနကုၢ်နပှၤတဖၣ်ကထူဟီၣ်ခိၣ်ကဝီၤန့ၣ် လၢနကစၢ်စီၤစီလူးအဟံၣ်ဖိဃီဖိအဂီၢ်ဒီးဟဲစိာ်နုာ် တၢ်ကူးက့ၤအတၤသူတၤသၣ်တဖၣ်လၢကဟ့ၣ်အဝဲသ့ၣ်တၢ်အီၣ်တၢ်အီ အဂီၢ်န့ၣ်လီၤ. မ့မ့ၢ်စီၤမဖံဘိၤၡ့းအနီၢ်ကစၢ်ဒၣ်ဝဲန့ၣ်, ကမ့ၢ်ပှၤသမှံၤတဂၤလၢယတၢ်အီၣ်တၢ်အီအစီၢ်နီၤခိၣ်တဘိယူၢ်ဃီလီၤ.” (စီၤစံဘၤအိၣ်ဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 9:12

စီၤမဖံဘိၤၡ့းအိၣ်ဒီးအဖိခွါသးစၢ်တဂၤလၢအမံၤမ့ၢ်ဝဲ စီၤမံၤကါန့ၣ်လီၤ. ကယဲၢ်စီၤစံဘၤအဒူၣ်ဖိထၢဖိခဲလၢာ်ကဲထီၣ်စီၤမဖံဘိၤၡ့း အခ့အပှၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:13

မၤသးဒ်န့ၣ်ဒီး, စီၤမဖံဘိၤၡ့းလၢအခီၣ်ဟးဂီၤခံခီလိာ်န့ၣ်, အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤ ဒီးအီၣ်အတၢ်အီၣ်ကိးဘျီဒဲးလၢစီၤပၤအစီၢ်နီၤခိၣ်န့ၣ်လီၤ.