လံာ်စီၤၡမူၤအ့လးခံဘ့ၣ်တဘ့ၣ် 9:10 - Sgaw Karen Common Bible

¹⁰ နဲဒၣ်, နဖိခွါတဖၣ်, ဒီးနကုၢ်နပှၤတဖၣ်ကထူဟီၣ်ခိၣ်ကဝီၤန့ၣ် လၢနကစၢ်စီၤစီလူးအဟံၣ်ဖိဃီဖိအဂီၢ်ဒီးဟဲစိာ်နုာ် တၢ်ကူးက့ၤအတၤသူတၤသၣ်တဖၣ်လၢကဟ့ၣ်အဝဲသ့ၣ်တၢ်အီၣ်တၢ်အီ အဂီၢ်န့ၣ်လီၤ. မ့မ့ၢ်စီၤမဖံဘိၤၡ့းအနီၢ်ကစၢ်ဒၣ်ဝဲန့ၣ်, ကမ့ၢ်ပှၤသမှံၤတဂၤလၢယတၢ်အီၣ်တၢ်အီအစီၢ်နီၤခိၣ်တဘိယူၢ်ဃီလီၤ.” (စီၤစံဘၤအိၣ်ဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 9:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:3

စီၤပၤသံကွၢ်အီၤ, “နကစၢ်စီၤစီလူးအလံၤခွါစီၤမဖံဘိၤၡ့းအိၣ်ဖဲလဲၣ်.” စီၤစံဘၤစံးဆၢအီၤ, “အဝဲအိၣ်ဒံးဒၣ်လၢဝ့ၢ်ယရူၤၡလ့ၣ်အပူၤမ့ၢ်လၢအဝဲနာ်ဝဲလၢ, ခဲအံၤပှၤအံၣ်စရ့လးဖိတဖၣ်န့ၣ်ကဟ့ၣ်ကဒါက့ၤအီၤအဖု စီၤစီလူးအဘီအမုၢ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:18

အဝဲသ့ၣ်ခီဂာ်ဃီၤထံကျိယၢ်ဒ့ၣ်ဒ်သိးကကွၢ်ထွဲဒီးဆှၢဃီၤ စီၤပၤဒီးအပှၤတဖုန့ၣ်, ဒီးကမၤန့ၢ်ကယဲၢ်တၢ်တမံၤလၢ်လၢ်လၢစီၤပၤလိၣ်ဘၣ်ဝဲအဂီၢ်န့ၣ်လီၤ. ဖဲစီၤပၤကတဲာ်ကတီၤအသးလၢကခီဂာ်ထံကျိန့ၣ်, စီၤၡံမံၤထိၣ်လီၤပှီၤအသးလၢအမဲာ်ညါ,

လံာ်စီၤၡမူၤအ့လးခံဘ့ၣ်တဘ့ၣ် 19:28

ကယဲၢ်ယပၢ်အဒူၣ်ဖိထၢဖိခဲလၢာ်ကြၢးလၢ အဘၣ်တၢ်မၤသံကွံာ်အီၤလၢနဲဒၣ်တၢ်ဒိၣ်ကစၢ်စီၤပၤဘၣ်ဆၣ်ဒီး, နဟ့ၣ်လံယၤတၢ်ခွဲးတၢ်ယာ်လၢယကအီၣ်တၢ်လၢနစီၢ်နီၤခိၣ်လီၤ. တကြၢးလၢၤလၢယကဃ့အါထီၣ်တၢ်ကွၢ်မဲာ်လၢနဲဒၣ် တၢ်ဒိၣ်ကစၢ်စီၤပၤအအိၣ်နီတမံၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:7

စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:7

ဘၣ်ဆၣ်ဒီးဒုးနဲၣ်တၢ်သူၣ်ကညီၤသးကညီၤဆူစီၤဘၢ်စံးလဲ အဖိခွါတဖၣ်လၢအအိၣ်လၢဝ့ၢ်ကံးလဧးဒီးအံးထွဲကွၢ်ထွဲအဝဲ သ့ၣ်, မ့ၢ်လၢအဝဲသ့ၣ်မ့ၢ်ပှၤသူၣ်ကညီၤသးကညီၤယၤဖဲယဘၣ်ဃ့ၢ်ပူၤ ဖျဲးကွံာ်ယသးလၢနဒီပုၢ်ဝဲၢ်ခွါစီၤအးဘၡါလိၣ်အအိၣ်အကတီၢ် အဃိန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 25:29

လၢတၢ်န့ၣ်အဃိစီၤယဟိၤယါခံၣ်ဒိးန့ၢ်ဘၣ်တၢ်ပျဲလၢကလဲ လိာ်ကွံာ်ဝဲပှၤဃိာ်ဖိအကူအသိးတဖၣ်, ဒီးကအီၣ်ဃုာ်တၢ်လၢစီၤ ပၤအစီၢ်နီၤခိၣ်လၢအသးသမူအိၣ်တ့ၢ်ဒံးတစိၤဒၣ်အီၤန့ၣ်လီၤ.

လံာ်ယံးရမံယၤ 52:34

တနံၤဘၣ်တနံၤဖဲ အဝဲအိၣ်မူဒံးဝဲန့ၣ်, အဝဲဘၣ်တၢ်ဟ့ၣ် အီၤလၢ တၢ်ဟ့ၣ်ဘၣ်ဆၢဘၣ်ကတီၢ်တဖၣ်ဒ် အဝဲအတၢ်လိၣ်ဘၣ်အိၣ်ဝဲ အသိးန့ၣ်လီၤ.

လံာ်လူၤကၣ် 14:15

ဖဲပှၤလၢအဆ့ၣ်နီၤဖဲစီၢ်နီၤခိၣ်အကျါတဂၤနၢ်ဟူတၢ်ကတိၤ အဝဲအံၤန့ၣ်, အဝဲဒၣ်စံးဘၣ်ယ့ၣ်ၡူး, “ပှၤလၢအကဆ့ၣ်နီၤအီၣ်တၢ် ဖဲစီၢ်နီၤခိၣ်လၢကစၢ်ယွၤအဘီအမုၢ်အပူၤတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်.”