လံာ်စီၤၡမူၤအ့လးခံဘ့ၣ်တဘ့ၣ် 9:1 - Sgaw Karen Common Bible

¹ ဘၣ်မုၢ်တနံၤန့ၣ်စီၤဒၤဝံးသံကွၢ်ဝဲ, “လၢစီၤစီလူးအပှၤဟံၣ်ဖိ ဃီဖိအကျါန့ၣ်မ့ၢ်ပှၤအိၣ်လီၤတဲာ်တ့ၢ်ဒံးတဂၤဂၤဧါ. မ့ၢ်အိၣ်ဒီး, ယသးအိၣ်ဒုးနဲၣ်ယတၢ်သးကညီၤဘၣ်အီၤလၢစီၤယိနၤ သၣ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:26

ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်. နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:7

စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:7

ဘၣ်ဆၣ်ဒီးဒုးနဲၣ်တၢ်သူၣ်ကညီၤသးကညီၤဆူစီၤဘၢ်စံးလဲ အဖိခွါတဖၣ်လၢအအိၣ်လၢဝ့ၢ်ကံးလဧးဒီးအံးထွဲကွၢ်ထွဲအဝဲ သ့ၣ်, မ့ၢ်လၢအဝဲသ့ၣ်မ့ၢ်ပှၤသူၣ်ကညီၤသးကညီၤယၤဖဲယဘၣ်ဃ့ၢ်ပူၤ ဖျဲးကွံာ်ယသးလၢနဒီပုၢ်ဝဲၢ်ခွါစီၤအးဘၡါလိၣ်အအိၣ်အကတီၢ် အဃိန့ၣ်တက့ၢ်.

တၢ်ကတိၤဒိ. 27:10

သးပ့ၤနီၣ်နတံၤသကိးတဖၣ်ဒီးနပၢ်အတံၤသကိးတဖၣ်တဂ့ၤ. နမ့ၢ်အိၣ်လၢတၢ်ကိၢ်တၢ်ဂီၤအပူၤဒီးဃ့နဒီပုၢ်ဝဲၢ်အတၢ်မၤစၢၤ တဂ့ၤ. ပှၤလၢနဃၢၤလၢအအိၣ်ဘူးဒီးနၤတဂၤမၤစၢၤနၤက သ့အါန့ၢ်ဒံးနဒီပုၢ်ဝဲၢ်လၢအအိၣ်ယံၤတဂၤတက့ၢ်န့ၣ်လီၤ.

လံာ်မးသဲ 10:42

နာ်ယၤတက့ၢ်. ပှၤလၢအဟ့ၣ်အီပှၤအဆံးကတၢၢ်လၢသုကျါတဂၤ လၢအမ့ၢ်ယပျဲၢ်ယဘီၣ်အဃိလၢထံခုၣ်ထဲတလီခီဒၣ်လဲာ်န့ၣ်, ကန့ၢ်ဘၣ်တၢ်ဘျုးလၢယွၤအအိၣ်သပှၢ်ကတၢၢ်လီၤ.”

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မၢ်ကူး 9:41

ယစံးဘၣ်သုတီတီ, ပှၤတဂၤလၢ်လၢ်လၢအဟ့ၣ်အီသုလၢထံတလီခီ လၢသုဘၣ်ဃးဒီးယၤအဃိန့ၣ်, ကန့ၢ်ဘၣ်အဘျုးသပှၢ်ကတၢၢ်လီၤ.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 20:42

အန့ၣ်ဝံၤဒီးစီၤယိနၤသၣ်စံးဘၣ်စီၤဒၤဝံး, “ကစၢ်ယွၤအိၣ်ဒီးနၤလီၤ. ယွၤကမၤလီၤတံၢ်ဝဲလၢနၤဒီးယၤ, ဒီးနစၢၤနသွဲၣ်ဒီး, ယစၢၤယသွဲၣ်တဖၣ်ကဟံးဃာ်အတၢ်အၢၣ်လီၤစီ ဆှံလၢပမၤတ့ၢ်အီၤယၢ်ခီယၢ်ခီန့ၣ်လီၤ.” အန့ၣ်ဝံၤဒီးစီၤဒၤဝံးဟးထီၣ်ဝဲဒီး စီၤယိနၤသၣ်က့ၤကဒါက့ၤဆူဝ့ၢ်ပူၤန့ၣ်လီၤ.