လံာ်စီၤၡမူၤအ့လးခံဘ့ၣ်တဘ့ၣ် 8:6 - Sgaw Karen Common Bible

⁶ အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:19

ဖဲစီၤပၤတဖၣ်လၢအအိၣ်လၢစီၤဟးဒးဧ့စ့ၢ်အတၢ်ပၢတၢ်ပြးအဖီ လာ်ထံၣ်သ့ၣ်ညါဝဲလၢအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤအံၣ် စရ့လးဖိတဖၣ်လံဒီး, အဝဲသ့ၣ်မၤတၢ်ဃူတၢ်ဖိးဒီးပှၤအံၣ်စရ့လးဖိတဖၣ်ဒီးကဲထီၣ် ပှၤတဖၣ်လၢအံၣ်စရ့လးပၢဘၣ်အီၤန့ၣ်လီၤ. ဒီးပှၤစူၤရံဖိတဖၣ်ပျံၤတၢ်လၢကမၤစၢၤပှၤဧၣ်မိၣ်ဖိတဖၣ် အဂီၢ်ဆူညါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:14

အကတီၢ်ဖဲန့ၣ်, စီၤဒၤဝံးအိၣ်ဝဲလၢတိာ်ခၢၣ်သနၢၣ်တဖျၢၣ်အပူၤ ဒီးပှၤဖလ့ၡသးဖိတဖုမၤန့ၢ်ကွံာ်ဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:18

ခဲကနံၣ်အံၤမ့ၢ်တၢ်အခွဲးအယာ်လၢသုဂီၢ်လီၤ. သ့ၣ်နီၣ်ထီၣ်လၢယွၤစံးတ့ၢ်ဝဲ, “ယကသူယခ့ယပှၤစီၤဒၤဝံးဒ် သိးကအုၣ်က့ၤခီၣ်က့ၤယပှၤဂီၢ်မုၢ်အံၣ်စရ့လးလၢပှၤဖလ့ ၡသးဖိတဖၣ်အစုပူၤဒီးလၢကယဲၢ်အဒုၣ်အဒါအဂၤခဲလၢာ်အစုပူၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:10

အဝဲအဂံၢ်အဘါဆူၣ်ထီၣ်အါထီၣ်တဘိယူၢ်ဃီန့ၣ်လီၤ. အဂ့ၢ်ဒ်အံၤ, ယွၤ, သ့တၢ်လၢာ်ကစၢ်ယွၤအိၣ်ဒီးအီၤအဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:9

ယအိၣ်တ့ၢ်ဒီးနၤဖဲနလဲၤတၢ်တပူၤလၢ်လၢ်ဒီးယမၤနၢၤတ့ၢ်ကယဲၢ် နဒုၣ်နဒါခဲလၢာ်ဖဲနလဲၤထီၣ်ဒုးတၢ်န့ၣ်လီၤ. ယကဒုးမံၤဟူသၣ်ဖျါနၤထဲသိးခိၣ်နၢ်အဒိၣ်ကတၢၢ်တဖၣ် လၢဟီၣ်ခိၣ်ချၢန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:7

စီၤဒၤဝံးဂုာ်န့ၢ်ကတီၤထူတဖၣ်လၢစီၤဟးဒးဧ့စ့ၢ်အသုးခိၣ် သုးနၢ်တဖၣ်စိာ်ဝဲဒီးဟဲက့ၤစိာ်ဝဲဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:1

ကီၢ်အံၣ်စရ့လးအစီၤပၤအၤဃာ်သံဝံၤအလီၢ်ခံန့ၣ်, ကီၢ်မိၤအးပူထီၣ်ထီဒါကီၢ်အံၣ်စရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:28

ကယဲၢ်တၢ်အဂၤလၢစီၤယၤရၤဘၣ်ခံဂၤတဂၤမၤတ့ၢ်ဝဲ, အဝဲအတၢ်ဒုးတၢ်ယၤတဖၣ်လၢအအိၣ်ဒီးတၢ်ဒူတၢ်ဃိၤ, ဒီးအဝဲမၤန့ၢ်ကဒါက့ၤဝ့ၢ်ဒၤမ့ၤစ့းဒီးဝ့ၢ်ဃမါသးတဖၣ်လၢ ကီၢ်အံၣ်စရ့လးအဂီၢ်, တၢ်ခဲလၢာ်န့ၣ်ဘၣ်တၢ်ကွဲးနီၣ်အီၤလၢကီၢ်အံၣ်စရ့လးအစီၤပၤ တဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:7

လၢတၢ်န့ၣ်အဃိယွၤအိၣ်ဒီးအီၤ, ဒီးကယဲၢ်တၢ်လၢအဝဲ မၤတ့ၢ်ဝဲခဲလၢာ်န့ၣ်ကဲထီၣ်လိၣ်ထီၣ်ဝဲဒၣ်န့ၣ်လီၤ. အဝဲပူထီၣ်တၢ်ထီဒါကီၢ်အၤၡူၢ်အစီၤပၤဖးဒိၣ်ဒီးဂ့ၢ်လိာ်လၢ ကဟ့ၣ်လီၤအသးလၢအဝဲအစုပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:4

ကီၢ်မိၤအးအစီၤပၤမ့ၡၤဘုၣ်ဝဲသိ, ဒီးကိးနံၣ်ဒဲးဟ့ၣ်ဝဲ သိဖိအဒုတကလီၢ်ဒီးသိအဒုတကလီၢ်အဆူၣ်ဆူကီၢ်အံၣ်စရ့လး အစီၤပၤအအိၣ်, ဒ်တၢ်ခိတၢ်သွဲအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:13

အဝဲသူၣ်ထီၣ်ဝဲသုးမုၢ်သူၣ်ဒဲအလီၢ်တဖၣ်လၢကီၢ်အဒိၣ်ဒီ တကီၢ်ညါဒီးပှၤဂီၢ်မုၢ်အိၣ်ဖဲန့ၣ်ကဲထီၣ်ပှၤတဖၣ်လၢစီၤပၤဒၤဝံး ပၢဘၣ်အီၤန့ၣ်လီၤ. ယွၤဟ့ၣ်စီၤဒၤဝံးလၢတၢ်မၤနၢၤလၢတၢ်လီၢ်ကိးပူၤဒဲးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:2

အဝဲပာ်လီၤအပှၤသုးဖိတဖၣ်လၢကီၢ်ယူဒၤအဝ့ၢ်လၢအအိၣ်ဒီးတိာ် ဧိၤတာ်ဧိၤတဖၣ်အပူၤ, လၢကီၢ်ယူဒၤအဒီခိၣ်အလီၢ်အကျဲတဖၣ်, ဒီးလၢဝ့ၢ်တဖၣ်လၢစီၤအၤစါမၤန့ၢ်တ့ၢ်ဝဲလၢကီၢ်အ့ဖရဲၣ် အလီၢ်ကဝီၤတဖၣ်အပူၤန့ၣ်လီၤ.

စံးထီၣ်ပတြၢၤ 140:7

ယယွၤ, ပၢဘၣ်တၢ်ခဲလၢာ်, ယတၢ်အုၣ်က့ၤခီၣ်က့ၤကစၢ်ဧၢ, နကဟုကယာ်တ့ၢ်လံယၤလၢ တၢ်ဒုးသုးအပူၤန့ၣ်လီၤ.

စံးထီၣ်ပတြၢၤ 60:10

မ့ၢ်နညိကွံာ်ပှၤနီၢ်နီၢ်လံဧါ. မ့ၢ်နတလဲၤထီၣ်ဒုးတၢ်ဒီး ပသုးမုၢ်တဖၣ်ဘၣ်ဧါ.

တၢ်ကတိၤဒိ. 21:31

နကတဲာ်ကတီၤကသ့ၣ်တဖၣ်လၢတၢ်ဒုးသုးအဂီၢ်သ့လီၤ. ဘၣ်ဆၣ်ဒီးပှၤလၢအဟ့ၣ်တၢ်မၤနၢၤန့ၣ်မ့ၢ်ဒၣ်ယွၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:3

စီၤယိနၤသၣ်မၤသံကွံာ်ပှၤဖလ့ၡသးဖိအသုးခိၣ်ဖးဒိၣ်လၢဝ့ၢ်က့ဘၤ, ဒီးကယဲၢ်ပှၤဖလ့ၡသးဖိကိးဂၤနၢ်ဟူတၢ်ဂ့ၢ်န့ၣ်လီၤ. အန့ၣ်ဝံၤဒီးစီၤစီလူးဆှၢလီၤပှၤစိာ်တၢ်ကစီၣ်ဒ်သိးကကိး ဖှိၣ်ပှၤဧ့ၤဘြံၤဖိဆူတၢ်ဒုးတၢ်ယၤခီဖျိတၢ်အူထီၣ်ကွဲၤတဖျၢၣ် သကုၤကီၢ်ဒီဘ့ၣ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:1

ဘၣ်တနံၤန့ၣ်, စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤလၢ အစိာ်အစုကဝဲၤတဖၣ်န့ၣ်, “မ်ပကလဲၤခီသကိးဆူပှၤဖလ့ၡသးဖိ တဖၣ်အသူၣ်ဒဲလီၢ်တက့ၢ်.” ဘၣ်ဆၣ်ဒီးစီၤယိနသၣ်တတဲဘၣ်တ့ၢ်အပၢ်စီၤစီလူး,

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”