လံာ်စီၤၡမူၤအ့လးခံဘ့ၣ်တဘ့ၣ် 8:2 - Sgaw Karen Common Bible

² အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:31

ဒီးမၢဝ့ၢ်အပှၤဂီၢ်မုၢ်တဖၣ်မၤတၢ်လၢထးဘူးသ့ၣ်တဖၣ်, ထးကြၢ်တဖၣ်, ဒီးထးကွါတဖၣ်ဒီးမၢဆူၣ်အဝဲသ့ၣ်လၢကမၤတၢ်ဖဲ တၢ်မၤဒၢးခီတဖၣ်အလီၢ်န့ၣ်လီၤ. ကယဲၢ်ဝ့ၢ်အဂၤတဖၣ်အပှၤဂီၢ်မုၢ်လၢကီၢ်ဧၣ်မိၣ်အပူၤန့ၣ်အဝဲမၢစ့ၢ်ကီးဝဲတမံၤဃီဒ်န့ၣ်လီၤ. အန့ၣ်ဝံၤဒီးအပှၤတဖၣ်ဟဲက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:21

စီၤၡလိၤမိၤအဘီအမုၢ်တုၤဝဲဆူကယဲၢ်ပှၤကလုာ်, လၢအအိၣ်လၢထံကျိဖရၤသးအကီၢ်ဒီးတုၤဆူကီၢ်အဲၤကူပတူး အကီၢ်ဆၢန့ၣ်လီၤ. ဒီးအဝဲသ့ၣ်ဟ့ၣ်အီၤတၢ်ခိတၢ်သွဲတဖၣ်ဒီးအိၣ်လၢအဝဲအတၢ်ပၢ အဖီလာ်တစိၤဒၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:1

ကီၢ်အံၣ်စရ့လးအစီၤပၤအၤဃာ်သံဝံၤအလီၢ်ခံန့ၣ်, ကီၢ်မိၤအးပူထီၣ်ထီဒါကီၢ်အံၣ်စရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:3

ကီၢ်အၤၡူၢ်အစီၤပၤဖးဒိၣ်ၡၤလမၤန့စ့ၢ်ဒုးတၢ်ထီဒါအီၤန့ၣ် လီၤ. စီၤဟိၤၡ့ဟ့ၣ်လီၤအသးဆူစီၤၡၤလမၤန့စ့ၢ်အစုပူၤ, ဒီးဟ့ၣ်အီၤတၢ်ခိတၢ်သွဲကိးနံၣ်ဒဲးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:2

အဝဲမၤနၢၤကွံာ်စ့ၢ်ကီးပှၤမိၤအးဖိတဖၣ်လၢအကဲထီၣ်ပှၤတဖၣ် လၢအပၢဘၣ်ဝဲ, ဒီးအဝဲသ့ၣ်ဘၣ်ဟ့ၣ်အီၤတၢ်ခိတၢ်သွဲတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:8

ပှၤဧၣ်မိၣ်ဖိတဖၣ်ဟ့ၣ်စီၤဧူးစံယါလၢတၢ်ယူးယီၣ်အတၢ်ဟ့ၣ်ဒီး အဝဲအစိအကမီၤဒိၣ်ထီၣ်ဝဲအါမး, တုၤအတၢ်မံၤဟူသၣ်ဖျါအကစီၣ်ရၤလီၤအသးတုၤလၢကီၢ်အဲၤကူ ပတူးဒၣ်လဲာ်န့ၣ်လီၤ.

စံးထီၣ်ပတြၢၤ 108:9

မိၤအးမ့ၢ်ယသ့စီတၢ်အသရာ်တဖျၢၣ်, ယကွံာ်ယခီၣ်ဖံးလၢယကကိးထီၣ်တၢ်မၤနၢၤလၢ အဒိၣ်အဖီခိၣ် ဒ်တၢ်ပနီၣ်တမံၤလၢ ယမၤနၢၤအီၤအသိးန့ၣ်လီၤ. ယကကိးထီၣ်လၢ တၢ်မၤနၢၤအပူၤလၢ ဖလ့ၡသးအဖီခိၣ်လီၤ.

စံးထီၣ်ပတြၢၤ 18:45

အဝဲသ့ၣ်အသးလီၤစၢ်လီၤဘဲကွံာ် ဒီးဟဲထီၣ်လၢအတိာ်တဖၣ်အပူၤ အိၣ်ဒီးတၢ်ကနိးကစုာ်န့ၣ်လီၤ.

စံးထီၣ်ပတြၢၤ 60:10

မ့ၢ်နညိကွံာ်ပှၤနီၢ်နီၢ်လံဧါ. မ့ၢ်နတလဲၤထီၣ်ဒုးတၢ်ဒီး ပသုးမုၢ်တဖၣ်ဘၣ်ဧါ.

စံးထီၣ်ပတြၢၤ 60:8

မိၤအးမ့ၢ်ယသ့စီတၢ်အသရာ်တဖျၢၣ်, ယကွံာ်တ့ၢ်ယခီၣ်ဖံးလၢအဒိၣ်အဖီခိၣ် ယကကိးထီၣ်တၢ်မၤနၢၤလၢ ဖလ့ၡသးအဖီခိၣ်လီၤ.”

စံးထီၣ်ပတြၢၤ 83:6

ပှၤဂီၢ်မုၢ်တဖၣ်လၢအဘၣ်ဃးဒီးကီၢ်အဒိၣ်ဒီး ပှၤယံးၡမၤဧ့လးဖိ, ပှၤမိၤအးဖိဒီးပှၤဟၤကၢ်ဖိ,

လံာ်ယၡါယၤ 36:16

ဒိကနၣ်စီၤပၤဃံးစကံယၤတဂ့ၤ. ကီၢ်အၤၡူၢ်အစီၤပၤဖးဒိၣ် ဟ့ၣ်လီၤအကလုၢ်လၢသုကဟဲထီၣ်လၢဝ့ၢ်အပူၤဒီးဟ့ၣ်လီၤသုသး န့ၣ်လီၤ. သုဝဲခဲလၢာ်တၢ်ကပျဲသုအီၣ်စပံးသၣ်တဖၣ်လၢသုစပံးလီၢ်ဒၣ်ဝဲ ဒီးချၢၣ်ဒၢသၣ်တဖၣ်လၢသုချၢၣ်ဒၢအထူၣ်ဒၣ်ဝဲ, ဒီးသုကအီထံလၢသုထံပူၤဒၣ်ဝဲတဖၣ်,

လံာ်တၢ်ဂံၢ် 24:17

ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:47

ဖဲစီၤစီလူးကဲထီၣ်ကီၢ်အံၣ်စရ့လးအစီၤပၤဝံၤအလီၢ်ခံန့ၣ်, အဝဲဒုးကယဲၢ်အဒုၣ်အဒါခဲလၢာ်လၢတၢ်လီၢ်ကိးပူၤဒဲး, လၢအမ့ၢ်ပှၤဂီၢ်မုၢ်လၢကီၢ်မိၤအး, ကီၣ်ဧၣ်မိၣ်, ဒီးကီၢ်အဒိၣ်, ဒီးစီၤပၤတဖၣ်လၢဝ့ၢ်စိဘၤ, ဒီးပှၤဖလ့ၡသးဖိ တဖၣ်န့ၣ်လီၤ. ဖဲအဒုးတၢ်တပူၤလၢ်လၢ်န့ၣ်မၤနၢၤတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:3

စီၤဒၤဝံးဟးထီၣ်ဆူညါစးထီၣ်ဖဲန့ၣ်တုၤလၢဝ့ၢ်မံးစပၤလၢ ကီၢ်မိၤအးအပူၤဒီးစံးဘၣ်ကီၢ်မိၤအးအစီၤပၤ, “ဝံသးစူၤပျဲယမိၢ်ယပၢ်ဟဲအိၣ်ဒီးနၤတုၤလၢယထံၣ်တၢ်လၢကစၢ် ယွၤကမၤဝဲလၢယဂီၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 22:4

လၢတၢ်န့ၣ်အဃိ, စီၤဒၤဝံးပာ်တ့ၢ်အမိၢ်အပၢ်ဒီးကီၢ်မိၤအး အစီၤပၤဒီးအဝဲသ့ၣ်အိၣ်ဖဲန့ၣ်ဖဲလၢစီၤဒၤဝံးအိၣ်ခူသူၣ် လၢလ့ကအိအပူၤအဆၢကတီၢ်တဖၣ်အခါန့ၣ်လီၤ.