လံာ်စီၤၡမူၤအ့လးခံဘ့ၣ်တဘ့ၣ် 8:10 - Sgaw Karen Common Bible

¹⁰ လၢတၢ်န့ၣ်အဃိ, အဝဲဆှၢလီၤအဖိခွါစီၤယိၤရၣ်လၢကလဲၤဆၢဂ့ၤဆၢဝါစီၤပၤ စီၤဒၤဝံးအဂီၢ်ဒီးလဲၤဒုးနဲၣ်အတၢ်သးခုဃုာ်ဒီးအီၤလၢအတၢ် မၤနၢၤစီၤဟးဒးဧ့စ့ၢ်အဃိန့ၣ်လီၤ. အဝဲမ့ၢ်ပှၤလၢစီၤပၤတိဧံၤဒုးတၢ်ထီဒါအီၤအါဘျီန့ၣ်လီၤ. စီၤယိၤရၣ်လဲၤစိာ်န့ၢ်စီၤဒၤဝံးလၢတၢ်ဟ့ၣ်ကနၢၤတဖၣ်လၢအဘၣ် တၢ်မၤအီၤလၢထူ, စ့ဒီးတိၢ်ဘီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:10 Iomraidhean Croise

လံာ်တၢ်ကဲထီၣ်အခီၣ်ထံး 43:27

အဝဲသံကွၢ်တၢ်ဘၣ်ဃးဒီးအဝဲသ့ၣ်အတၢ်အိၣ်ဆူၣ်အိၣ်ချ့ အဂ့ၢ်ဝံၤဒီးစံးဝဲ, “သုတဲဘၣ်တ့ၢ်ယၤဘၣ်ဃးသုပၢ်သးပှၢ် အဂ့ၢ်လီၤ. အဝဲအိၣ်မၤသးဒ်လဲၣ်. မ့ၢ်အအိၣ်မူဒံးဒီးအိၣ်ဆူၣ်အိၣ်ချ့ ကစီဒီဧါ.”

လံာ်စီၤၡမူၤအ့လးခံဘ့ၣ်တဘ့ၣ် 8:11

စီၤပၤဒၤဝံးပာ်စီဆှံတၢ်တဖၣ်န့ၣ်ဒ်သိးတၢ်ကသူအီၤလၢတၢ် ဘူၣ်တၢ်ဘါအပူၤ, ဃုာ်ဒီးထူဒီးစ့လၢအဝဲဟဲက့ၤစိာ်ဝဲလၢထံကီၢ်တဖၣ်လၢအဝဲ မၤနၢၤတ့ၢ်လံဝဲ,

လံာ်စီၤၡမူၤအ့လးခံဘ့ၣ်တဘ့ၣ် 8:9

စီၤပၤတိဧံၤလၢဝ့ၢ်ဃမါသးနၢ်ဟူဘၣ်လၢစီၤဒၤဝံးမၤနၢၤ ကွံာ်ကယဲၢ်စီၤဟးဒးဧ့စ့ၢ်အသုးမုၢ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:47

လၢတၢ်န့ၣ်အမဲာ်ညါ, ကွီၢ်အပဒိၣ်ပပှၢ်တဖၣ်လဲၤနုာ်ဒ်သိးကဟ့ၣ်ထီၣ် တၢ်ယူးယီၣ်ဆူတၢ်ဒိၣ်ကစၢ်စီၤပၤဒၤဝံးဒီးစံးဝဲ, မ်နကစၢ်ယွၤဒုးမၤမံၤဟူသၣ်ဖျါစီၤၡလိၤမိၤအါန့ၢ်ဒံးနၤ ဒၣ်လဲာ်, တက့ၢ်န့ၣ်လီၤ. အန့ၣ်တစု, စီၤပၤဒၤဝံးသကူးလီၤအသးဒီးဘူၣ် ထီၣ်ဘါထီၣ်တၢ်လၢအလီၢ်မံအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:10

လၢတၢ်န့ၣ်အဃိအဝဲဆှၢလီၤအဖိခွါစီၤဟဒိရၣ်လၢကလဲၤဆၢဂ့ၤ ဆၢဝါဒီးကတိၤဒိၣ်စီၤပၤဒၤဝံးလၢအတၢ်မၤနၢၤကွံာ်စီၤဟး ဒၢ်ဧ့စ့ၢ်အဃိန့ၣ်လီၤ. စီၤပၤတိဧူၤဒုးတ့ၢ်စီၤဟးဒၢ်ဧ့စ့ၢ်အါဘျီန့ၣ်လီၤ. စီၤဟဒိရၣ်ဟဲစိာ်န့ၢ်စီၤပၤဒၤဝံးလၢတၢ်ဟ့ၣ်ကနၢၤတဖၣ်လၢ အဘၣ်တၢ်မၤအီၤလၢထူစ့ဒီးတိၢ်ဘီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:23

ပှၤဂီၢ်မုၢ်အါမးဟဲဆူဝ့ၢ်ယရူၤရှလ့ၣ်, ဟဲစိာ်ဃုာ်ဒီးတၢ်လုၢ် တဖၣ်ဆူယွၤဒီးတၢ်ဟ့ၣ်တဖၣ်ဆူစီၤဃံးစကံယၤအအိၣ်တုၤဒၣ်လဲာ်, စးထီၣ်ဖဲန့ၣ်, ပှၤကလုာ်ခဲလၢာ်ပာ်လၤပာ်ကပီၤစီၤဃံးစကံယၤ န့ၣ်လီၤ.

စံးထီၣ်ပတြၢၤ 129:8

ပှၤလၢအလဲၤခီဂာ်တၢ်လၢကျဲတဖၣ်တစံးဝဲနီတဂၤလၢ, “မ်ယွၤကဆိၣ်ဂ့ၤသုတက့ၢ်, ပဆိၣ်ဂ့ၤသုလၢယွၤအမံၤလီၤ.” န့ၣ်ဘၣ်.

လံာ်ယၡါယၤ 39:1

ဖဲအဆၢကတီၢ်ဝဲန့ၣ်, ကီၢ်ဘၤဘူၤလိၣ်အစီၤပၤဘၤလဒၣ်အဖိခွါ စီၤမရိဒးဘၤလဒၣ်နၢ်ဟူတ့ၢ်ဝဲလၢစီၤပၤဃံးစကံယၤဘၣ်န့ၢ် တၢ်ဆူးတၢ်ဆါအဃိဆှၢလီၤန့ၢ်အီၤလံာ်ပရၢတဘ့ၣ်ဒီးတၢ်ဟ့ၣ် တမံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:10

ဒီးဖဲအလုၢ်တၢ်ဝံၤသီသီန့ၣ်စီၤၡမူၤအ့လးဟဲတုၤဝဲလီၤ. စီၤစီလူးလဲၤထီၣ်ဒ်သိးကသဂၢၢ်အီၤဒီးတူၢ်လိာ်မုာ်အီၤလီၤ.