လံာ်စီၤၡမူၤအ့လးခံဘ့ၣ်တဘ့ၣ် 8:1 - Sgaw Karen Common Bible

¹ လၢခံတယံာ်ဘၣ်န့ၣ်, စီၤပၤစီၤဒၤဝံးလဲၤဒုးကဒီး ပှၤဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်, ဒီးမၤကတၢၢ်ကွံာ်အဝဲသ့ၣ်အတၢ်ပၢၤဃးကီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်စီၤၡမူၤအ့လးခံဘ့ၣ်တဘ့ၣ် 2:24

ဒီးစီၤယိၤအာ်ဒီးစီၤအဘံၡဲၤလူၤထွဲစီၤအဘံန့ၢ်ဒီးဖဲ မုၢ်လီၤနုာ်အကတီၢ်န့ၣ်အဝဲသ့ၣ်ဟဲတုၤဝဲဖဲတၢ်လူၢ်ခိၣ်အၤမၤ လၢအအိၣ်ဝဲဖဲဝ့ၢ်ကံၤဃးအမုၢ်ထီၣ်, ဝ့ၢ်လၢအအိၣ်ဖဲကျဲလဲၤဆူပှၢ်မုၢ်ကနၢကံးဘိၣ်အလိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:44

နအုၣ်က့ၤခီၣ်က့ၤယၤလၢယပှၤဂီၢ်မုၢ်လၢအပူထီၣ် ထီဒါယၤတဖၣ်အစုပူၤ, ဒီးဟံးဃာ်ဂၢၢ်ကျၢၤယတၢ်ပၢလၢပှၤကလုာ်တဖၣ် အဖီခိၣ်န့ၣ်လီၤ. ပှၤဂီၢ်မုၢ်လၢယတသ့ၣ်ညါတ့ၢ်အီၤတဖၣ်ခဲအံၤကဲထီၣ်ပှၤလၢယပၢ ဘၣ်အီၤတဖၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:17

ပှၤဖလ့ၡသးဖိတဖၣ်ဘၣ်တၢ်တဲဘၣ်အီၤလၢစီၤဒၤဝံး ဘၣ်တၢ်ဒုးကဲထီၣ်အီၤလၢကီၢ်အံၣ်စရ့လးအစီၤပၤအဃိ, အဝဲသ့ၣ်အသုးမုၢ် ဟးထီၣ်ဒ်သိးကဟဲဃုဖီၣ်စီၤဒၤဝံးအဂီၢ်န့ၣ်လီၤ. ဖဲစီၤဒၤဝံးနၢ်ဟူဘၣ်တၢ်ဂ့ၢ်အံၤန့ၣ်, အဝဲလဲၤဆူတၢ်လီၢ်တပူၤဖဲတၢ်မၤခၢၣ်သနၢၣ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:25

စီၤဒၤဝံးမၤတ့ၢ်ဒ်ယွၤမၤလိာ်တ့ၢ်အီၤအသိးအဃိ, အဝဲနီၣ်ကဒါကွံာ်ပှၤဖလ့ၡသးဖိတဖၣ်လၢကျဲဒီဘိစးထီၣ်လၢ ဝ့ၢ်က့ဘၤတုၤဆူဝ့ၢ်က့စၢ်သ့ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:9

ယအိၣ်တ့ၢ်ဒီးနၤဖဲနလဲၤတၢ်တပူၤလၢ်လၢ်ဒီးယမၤနၢၤတ့ၢ်ကယဲၢ် နဒုၣ်နဒါခဲလၢာ်ဖဲနလဲၤထီၣ်ဒုးတၢ်န့ၣ်လီၤ. ယကဒုးမံၤဟူသၣ်ဖျါနၤထဲသိးခိၣ်နၢ်အဒိၣ်ကတၢၢ်တဖၣ် လၢဟီၣ်ခိၣ်ချၢန့ၣ်လီၤ.

စံးထီၣ်ပတြၢၤ 18:43

နမၤပူၤဖျဲးယၤလၢပှၤဂီၢ်မုၢ်လၢအပူထီၣ်တၢ်, ဒီးဒုးကဲထီၣ်ယၤပှၤပၢတၢ် လၢပှၤကလုာ်တဖၣ်အဖီခိၣ် ဒီးပှၤဂီၢ်မုၢ်လၢယတသ့ၣ်ညါတ့ၢ်ဘၣ်အီၤန့ၣ် မၤယတၢ်လီၤ.

စံးထီၣ်ပတြၢၤ 60:2

နမၤဆှဲးဆှိးတ့ၢ်လံဟီၣ်ခိၣ်, နမၤသ့ၣ်ဖးလံအီၤလံ. ဘှီက့ၤအတၢ်သ့ၣ်ဖးအလီၢ်န့ၣ်တက့ၢ်. အဂ့ၢ်ဒ်အံၤ, ဟူးဝးဝဲလီၤ.

စံးထီၣ်ပတြၢၤ 60:8

မိၤအးမ့ၢ်ယသ့စီတၢ်အသရာ်တဖျၢၣ်, ယကွံာ်တ့ၢ်ယခီၣ်ဖံးလၢအဒိၣ်အဖီခိၣ် ယကကိးထီၣ်တၢ်မၤနၢၤလၢ ဖလ့ၡသးအဖီခိၣ်လီၤ.”

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:13

မၤသးဒ်န့ၣ်ဒီး, ပှၤဖလ့ၡသးဖိတဖၣ်ဘၣ်တၢ်မၤနၢၤကွံာ်အီၤဒီး ယွၤတြီဃာ်အဝဲသ့ၣ်လၢတၢ်နုာ်လီၤဒုးကီၢ်အံၣ်စရ့လးအလီၢ် ကဝီၤန့ၣ်တစိၤဒၣ်စီၤၡမူအ့လးအိၣ်မူဝဲအဖၢမုၢ်န့ၣ်လီၤ.