လံာ်စီၤၡမူၤအ့လးခံဘ့ၣ်တဘ့ၣ် 7:8 - Sgaw Karen Common Bible

⁸ လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:7

စီၤနၤသၣ်စံးဘၣ်စီၤဒၤဝံး, “နမ့ၢ်ပှၤအဝဲန့ၣ်လီၤ. ဒီးတၢ်အံၤ, မ့ၢ်တၢ်လၢယွၤ, ကီၢ်အံၣ်စရ့လးအကစၢ်ယွၤစံးဝဲဒၣ်လီၤ. ယဒုးကဲထီၣ်နၤကီၢ်အံၣ်စရ့လးအစီၤပၤဒီးမၤပူၤဖျဲးနၤလၢ စီၤစီလူးအစုပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:13

ပိာ်မုၣ်န့ၣ်စံးဘၣ်အီၤ, “ဘၣ်မနုၤအဃိနကူၣ်ထီၣ်တၢ်ကမၣ်ဒ်န့ၣ်တမံၤ ထီဒါကစၢ်ယွၤအပှၤဂီၢ်မုၢ်န့ၣ်လဲၣ်. နတပျဲဘၣ်နဖိခွါဒၣ်နဲလၢကဟဲက့ၤကဒါက့ၤလၢတၢ်ဃ့ၢ်ပူၤဖျဲးအသးအလီၢ်ဘၣ်. လၢတၢ်န့ၣ်အဃိ, နမ့ၢ်ပှၤစံၣ်ညီၣ်လီၤနသးခီဖျိတၢ်လၢနစံးတ့ၢ်အီၤခဲအံၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:1

စီၤယံးၡဲအဖိခွါစီၤဒၤဝံးမ့ၢ်တ့ၢ်ပှၤတဂၤလၢကစၢ်ယွၤပာ်ထီၣ်ထီအီၤ, ပှၤတဂၤလၢစီၤယၤကိာ်အကစၢ်ယွၤဃုထၢတ့ၢ်အီၤလၢကကဲထီၣ်စီၤပၤ, ဒီးပှၤတဂၤလၢအထုးထီၣ်တၢ်သးဝံၣ်အမုာ်တဖၣ်လၢကီၢ်အံၣ်စရ့လးအဂီၢ်လီၤ. တၢ်လၢလံာ်အံၤတဖၣ်အံၤမ့ၢ်စီၤဒၤဝံးအတၢ်ကတိၤလၢခံကတၢၢ်တဖၣ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:17

စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:21

စီၤဒၤဝံးစံးဆၢဝဲဒၣ်, “ယဂဲၤကလံာ်ဒ်သိးယကမၤလၤကပီၤယွၤ, ပှၤလၢအဃုထၢထီၣ်ယၤလၢနပၢ်ဒီးအဟံၣ်ဖိ ဃီဖိအလီၢ်, ဒ်သိးကဒုးကဲထီၣ်ယၤအပှၤဂီၢ်မုၢ်အခိၣ်အနၢ်တဂၤ န့ၣ်လီၤ. ဒီးယကဂဲၤကလံာ်ဒံးဆူညါလၢတၢ်မၤလၤကပီၤယွၤအဂီၢ်,

လံာ်စီၤပၤအခီၣ်ထံးတဘ့ၣ် 3:6

စီၤၡလိၤမိၤစံးဆၢဝဲ, “ထီဘိနပာ်ဖျါထီၣ်နတၢ်အဲၣ်ဒိၣ်ဒိၣ် ကလဲာ်လၢနခ့နပှၤယပၢ်စီၤဒၤဝံးအဂီၢ်ဒီးအဝဲမ့ၢ်တ့ၢ်ပှၤအ ဂ့ၤ, ပှၤအသးတီဒီးပှၤလၢအတီဝဲလိၤဝဲလၢအတၢ်ဘၣ်ထွဲဒီးနၤအပူၤ န့ၣ်လီၤ. ဒီးနပာ်ဖျါထွဲဒံးနတၢ်အဲၣ်လၢအဒိၣ်ဝဲဒီးတလီၤတူာ်ဘၣ်ခီ ဖျိနဟ့ၣ်အီၤဖိခွါတဂၤလၢမုၢ်မဆါတနံၤအံၤလၢအပၢတၢ်လၢ အလီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:16

စးထီၣ်လၢယဒုးဟးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူး အပူၤန့ၣ်, လၢကီၢ်အံၣ်စရ့လးအပူၤယတဃုထၢဘၣ်ဝ့ၢ်နီတဖျၢၣ်ဒ်သိးတၢ်လုၢ် ဟံၣ်တဖျၢၣ်ကဘၣ်တၢ်ဘှီထီၣ်အီၤလၢတၢ်ကဘူၣ်ထီၣ်ဘါထီၣ်ယွၤအဂီၢ် န့ၣ်ဘၣ်. ဘၣ်ဆၣ်ယဃုထၢထီၣ်နၤ, စီၤဒၤဝံးလၢကပၢယပှၤဂီၢ်မုၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:7

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံးလၢ, ယၤ, သ့တၢ်လၢာ်ကစၢ်ယွၤစံးဘၣ်အီၤလၢယကိးထီၣ်အီၤလၢတၢ်ကွၢ်ထွဲ သိလၢပျီတဖၣ်အပူၤဒီးဒုးကဲထီၣ်အီၤလၢပှၤပၢဘၣ်ယပှၤဂီၢ် မုၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:17

စီၤဒၤဝံးဘါထုကဖၣ်တၢ်ဒီးစံးဝဲ, “ကစၢ်ယွၤဧၢ, ယမ့ၢ်ပှၤတဂၤလၢအမၤကမၣ်တ့ၢ်တၢ်န့ၣ်လီၤ. ယမ့ၢ်ပှၤတဂၤလၢအဟ့ၣ်လီၤတ့ၢ်အကလုၢ်လၢတၢ်ကထၢဒီးကွဲးနီၣ်ပှၤ ကညီအနီၣ်ဂံၢ်န့ၣ်လီၤ. ပှၤဂီၢ်မုၢ်အံၤမ့ၢ်ဒၣ်သိတဖုလီၤ. အဝဲသ့ၣ်မၤကမၣ်တ့ၢ်တၢ်မနုၤလဲၣ်. ယွၤ, ယကစၢ်ဧၢ, စံၣ်ညီၣ်ယၤဒီးယပှၤဟံၣ်ဖိဃီဖိတဖၣ်န့ၣ်တက့ၢ်. ဒီးပျဲပူၤဖျဲးနပှၤဂီၢ်မုၢ်အံၤတက့ၢ်.”

လံာ်ဧၤမိၣ် 7:15

ဘၣ်ဆၣ်ဒီးယွၤဟံးထီၣ်တ့ၢ်ယၤဖဲယမၤပှၤကွၢ်သိအတၢ်မၤ, ဒီးမၤလိာ်တ့ၢ်ယၤလၢယကဟဲဒီးကတိၤတၢ်လၢဝံကျိာ်ဆူ အပှၤဂီၢ်မုၢ်လၢကီၢ်အံၣ်စရ့လးန့ၣ်လီၤ.

မၤတၢ် 7:46

အဝဲဒၣ်ဒိးန့ၢ်ကစၢ်ယွၤအတၢ်ဘၣ်သူၣ်ဘၣ်သးသတးဒီး, ဃ့ဝဲလၢကစၢ်ယွၤကပျဲအဝဲဒၣ်ဘှီထီၣ်န့ၢ်တၢ်အိၣ်တၢ်ဆိး အလီၢ်တဖျၢၣ်လၢကစၢ်ယွၤလၢစီၤယၤကိာ်ဘါဝဲတဂၤန့ၣ် အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:16

“ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”