လံာ်စီၤၡမူၤအ့လးခံဘ့ၣ်တဘ့ၣ် 7:6 - Sgaw Karen Common Bible

⁶ စးထီၣ်မုၢ်တနံၤလၢယမၤပူၤဖျဲးတ့ၢ်ကီၢ်အံၣ်စရ့လးအပှၤဂီၢ် မုၢ်လၢကီၢ်အဲၤကူပတူးအပူၤတုၤခဲကနံၣ်တစုန့ၣ်ယလဲၤဝ့ၤဝီၤ တၢ်ဒီးအိၣ်ဆိးလၢဒဲတဖျၢၣ်အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:11

စီၤအူၤရံယၤစံးဆၢဝဲဒၣ်, “ကီၢ်အံၣ်စရ့လးဒီးကီၢ်ယူဒၤအသုးဖိတဖၣ်အိၣ်ယံၤဝဲလၢတၢ်ဒုးပျီအပူၤ, ဒီးယွၤအတၢ်အၢၣ်လီၤအီလီၤအတလါစီဆှံအိၣ်ဒီးအဝဲသ့ၣ်လီၤ. ယသုးခိၣ်ကျၢၢ်စီၤယိၤအာ်ဒီးအသုးခိၣ်သုးနၢ်တဖၣ်သူၣ်အဒဲလၢ တၢ်ပျီပူၤန့ၣ်လီၤ. ယကက့ၤဆူဟံၣ်ဒီးအီၣ်တၢ်အီတၢ်ဒီးမံဃုာ်ဒီးယမါကသ့ဒ်လဲၣ်. ယဆိၣ်လီၤယသးလၢတၢ်စီတၢ်ဆှံအပူၤလၢယမၤတၢ်ဒ်န့ၣ်တမံၤတသ့နီတစဲးဘၣ်.”

လံာ်စီၤပၤအခီၣ်ထံးတဘ့ၣ် 8:16

စးထီၣ်လၢယဒုးဟးထီၣ်ကွံာ်ယပှၤဂီၢ်မုၢ်လၢကီၢ်အဲၤကူပတူး အပူၤန့ၣ်, လၢကီၢ်အံၣ်စရ့လးအပူၤယတဃုထၢဘၣ်ဝ့ၢ်နီတဖျၢၣ်ဒ်သိးတၢ်လုၢ် ဟံၣ်တဖျၢၣ်ကဘၣ်တၢ်ဘှီထီၣ်အီၤလၢတၢ်ကဘူၣ်ထီၣ်ဘါထီၣ်ယွၤအဂီၢ် န့ၣ်ဘၣ်. ဘၣ်ဆၣ်ယဃုထၢထီၣ်နၤ, စီၤဒၤဝံးလၢကပၢယပှၤဂီၢ်မုၢ်န့ၣ်လီၤ.”

မၤတၢ် 7:44

ဖဲပမိၢ်ပၢ်ဖံဖုလၢပျၢၤတဖၣ်အိၣ်ဝဲလၢပှၢ်မုၢ်ကနၢအကတီၢ်န့ၣ်, အဝဲသ့ၣ်အိၣ်ဒီးတၢ်အုၣ်အသးအဒဲတဖျၢၣ်လီၤ. ဒဲအံၤဘၣ်တၢ်တ့တ့ၢ်အီၤဒ်ကစၢ်ယွၤစံးဘၣ်စီၤမိၤၡ့အသိး ဒီးဒ်အဒိလၢယွၤဒုးနဲၣ်တ့ၢ်စီၤမိၤၡ့အသိးန့ၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

လံာ်သိၣ်လီၤသီလီၤတၢ် 23:14

မၤကဆှဲကဆှီသုသူၣ်ဒဲအလီၢ်ဒ်တၢ်ဘူၣ်တၢ်ဘါအိၣ်ဝဲအလုၢ်အလၢ်အသိး, မ့ၢ်လၢယွၤသုကစၢ်ယွၤအိၣ်လၢသုသူၣ်ဒဲအလီၢ်, ဒ်သိးကဒီဒၣ်အိၣ်ပှိၤသုဒီးဟ့ၣ်လီၤသုတၢ်မၤနၢၤလၢ သုဒုၣ်သုဒါအဖီခိၣ်အဃိန့ၣ်တက့ၢ်. မၤတၢ်လၢအတကြၢးတဘၣ်တဃံတလၤနီတမံၤလၢယွၤကဃၣ်ဒူၣ်ချၢကွံာ် အသးလၢသုအဂီၢ်န့ၣ်တဂ့ၤ.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:27

ကစၢ်ယွၤအတၢ်အၢၣ်လီၤအီၤလီၤအတလါအိၣ်ဖဲဘ့ၤသ့လး လၢမုၢ်နံၤတဖၣ်န့ၣ်အပူၤဒီးစီၤအၤဟရိၣ်အလံၤ, စီၤအလၤဧစၢ်အဖိခွါစီၤဖံနဃၤကဲခိၣ်ကဲနၢ်ကွၢ်ထွဲအီၤလီၤ.