လံာ်စီၤၡမူၤအ့လးခံဘ့ၣ်တဘ့ၣ် 7:29 - Sgaw Karen Common Bible

²⁹ ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုဘၣ်ဒံးလၢ နတၢ်ကွၢ်မဲာ်အပူၤန့ၣ်လီၤ. နဲဒၣ်, ယွၤပၢဘၣ်တၢ်ခဲလၢာ်ကစၢ်ဧၢ, နအၢၣ်လီၤအီလီၤတ့ၢ်တၢ်အံၤဒီးနတၢ်ဆိၣ်ဂ့ၤကအိၣ်ကဆိးလၢယစၢၤ ယသွဲၣ်တဖၣ်အဖီခိၣ်လီၤထူလီၤယိာ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:51

ကစၢ်ယွၤဟ့ၣ်တၢ်မၤနၢၤဖးဒိၣ်ဆူအစီၤပၤအအိၣ်, အဝဲဒုးနဲၣ်အတၢ်အဲၣ်ဂၢၢ်ကျၢၤဆူပှၤတဂၤလၢအဃုထၢတ့ၢ်ဝဲဒၣ်, ဆူစီၤဒၤဝံးဒီးအဝဲအစၢၤအသွဲၣ်ထီဘိတပယူာ်ဃီ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:1

လၢခံတယံာ်ဘၣ်န့ၣ်, စီၤပၤစီၤဒၤဝံးလဲၤဒုးကဒီး ပှၤဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်, ဒီးမၤကတၢၢ်ကွံာ်အဝဲသ့ၣ်အတၢ်ပၢၤဃးကီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:27

ယဃ့နၤလၢနကဆိၣ်ဂ့ၤယစၢၤယသွဲၣ်တဖၣ်, ဒ်သိးအဝဲသ့ၣ်ကသးခုထွဲဘၣ်လၢနတၢ်ကွၢ်မဲာ်အပူၤန့ၣ်လီၤ. နၤ, ယွၤဧၢ, နဆိၣ်ဂ့ၤတ့ၢ်အဝဲသ့ၣ်ဒီးနတၢ်ဆိၣ်ဂ့ၤကအိၣ်ဒီး အဝဲသ့ၣ်လီၤစိၤလီၤထီန့ၣ်လီၤ.”

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.