လံာ်စီၤၡမူၤအ့လးခံဘ့ၣ်တဘ့ၣ် 7:24 - Sgaw Karen Common Bible

²⁴ နဒုးကဲထီၣ်တ့ၢ်အံၣ်စရ့လးလၢနပှၤဂီၢ်မုၢ်ဒၣ်နဲလီၤထူလီၤယိာ်, ဒီးနဲဒၣ်ယွၤဧၢ, နကဲထီၣ်အဝဲသ့ၣ်အကစၢ်ယွၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:24 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:25

ဒီးခဲအံၤ, ကစၢ်ယွၤဧၢ, မၤလၢထီၣ်ပှဲၤထီၣ်တၢ်အၢၣ်လီၤအီ လီၤလၢနမၤတ့ၢ်ဘၣ်ဃးယၤဒီးယစၢၤယသွဲၣ်တဖၣ်အဂ့ၢ်တဘိယူာ်ဃီ ဒီးမၤတၢ်လၢနစံးတ့ၢ်လၢနကမၤအီၤတဖၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 17:22

နဒုးကဲထီၣ်တ့ၢ်အံၣ်စရ့လးလၢနပှၤဂီၢ်မုၢ်ဒၣ်နဲလီၤထူလီၤ ယိာ်, ဒီးနၤ, ယွၤဧၢ, နကဲထီၣ်အဝဲသ့ၣ်အကစၢ်ယွၤန့ၣ်လီၤ.

စံးထီၣ်ပတြၢၤ 48:14

ကစၢ်ယွၤအံၤမ့ၢ်ပကစၢ်ယွၤအစိၤစိၤအဃၣ်ဃၣ်, ဒီးကဆှၢပှၤလၢဆၢကတီၢ်လၢကဟဲန့ၣ်လီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:38

အန့ၣ်ဝံၤဒီး အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ် အကစၢ်ယွၤန့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်ယိၤဟၣ် 1:12

ဘၣ်ဆၣ်ဒီးပှၤတနီၤန့ၣ်တူၢ်လိာ်အီၤဒီးနာ်အီၤသတးဒီး အဝဲဒၣ်ဒုးကဲထီၣ်အီၤလၢကစၢ်ယွၤအဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 26:18

မုၢ်မဆါတနံၤအံၤယွၤတူၢ်လိာ်သုဒ်အပှၤဂီၢ်မုၢ်ဒၣ်ဝဲအသိး, ဒ်အဝဲအၢၣ်လီၤတ့ၢ်တၢ်ဒီးသုအသိးန့ၣ်လီၤ. ဒီးအဝဲမၤလိာ်သုလၢသုကစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 27:9

အန့ၣ်ဝံၤဒီး, စီၤမိၤၡ့ဃုာ်ဒီးပှၤလ့ၤဝံဖိပှၤလုၢ်တၢ်အခိၣ် တဖၣ်စံးဘၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်, “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပာ်သူၣ်ပာ်သးစီၣ်ဝဲၤ ကဲၤဒီးဒိကနၣ်ယၤလီၤတံၢ်လီၤဆဲးတက့ၢ်. တနံၤအံၤသုကဲထီၣ်လံယွၤ, သုကစၢ်ယွၤအပှၤဂီၢ်မုၢ်လံ,

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).