လံာ်စီၤၡမူၤအ့လးခံဘ့ၣ်တဘ့ၣ် 7:2 - Sgaw Karen Common Bible

² တုၤနုၤတစုစီၤပၤစံးဘၣ်ဝံနၤသၣ်, “ယအိၣ်ဆိးဖဲအံၤလၢ ဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢသ့ၣ်ဆှိအ့ရ့းအပူၤလီၤ. မ့မ့ၢ်ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ် အီၤလၢဒဲတဖျၢၣ်အပူၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:11

စီၤအူၤရံယၤစံးဆၢဝဲဒၣ်, “ကီၢ်အံၣ်စရ့လးဒီးကီၢ်ယူဒၤအသုးဖိတဖၣ်အိၣ်ယံၤဝဲလၢတၢ်ဒုးပျီအပူၤ, ဒီးယွၤအတၢ်အၢၣ်လီၤအီလီၤအတလါစီဆှံအိၣ်ဒီးအဝဲသ့ၣ်လီၤ. ယသုးခိၣ်ကျၢၢ်စီၤယိၤအာ်ဒီးအသုးခိၣ်သုးနၢ်တဖၣ်သူၣ်အဒဲလၢ တၢ်ပျီပူၤန့ၣ်လီၤ. ယကက့ၤဆူဟံၣ်ဒီးအီၣ်တၢ်အီတၢ်ဒီးမံဃုာ်ဒီးယမါကသ့ဒ်လဲၣ်. ယဆိၣ်လီၤယသးလၢတၢ်စီတၢ်ဆှံအပူၤလၢယမၤတၢ်ဒ်န့ၣ်တမံၤတသ့နီတစဲးဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 12:1

ယွၤဆှၢလီၤဝံစီၤနၤသၣ်ဆူစီၤဒၤဝံးအအိၣ်လီၤ. စီၤနၤသၣ်လဲၤဆူအအိၣ်ဒီးစံးဘၣ်အီၤ, “ပှၤအိၣ်ဝဲခံဂၤလၢအအိၣ်ဆိးလၢဝ့ၢ်တဝ့ၢ်ဃီအပူၤလီၤ. တဂၤန့ၣ်ထူးတီၤဒီးတဂၤန့ၣ်ဖှီၣ်ဝဲယာ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:11

ဝ့ၢ်ထါယၢၣ်အစီၤပၤစီၤဃံရၣ်ဆှၢလီၤတၢ်မၤကူၣ်မၤကၤအခၢၣ်စး တဖုဆူစီၤဒၤဝံးအအိၣ်လီၤ. အဝဲဆှၢလီၤန့ၢ်အီၤလၢသ့ၣ်ဆှိးအ့ရ့းအကျီၣ်တဖၣ်ဃုာ်ဒီး ပှၤစုသ့ဖိတဖၣ်လၢအမၤတၢ်လၢသ့ၣ်သ့ဒီးပှၤလၢအမၤတၢ်လၢလၢၢ်သ့တဖၣ် ဒ်သိးကဘှီထီၣ်စီၤပၤအနီတဖျၢၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:17

အဝဲသ့ၣ်ဟဲစိာ်ဃီၤတလါစီဆှံန့ၣ်ဒီးပာ်ထီၣ်အီၤလၢအလီၢ်ဖဲ ယွၤအဒဲစီဆှံပူၤ, တၢ်လီၢ်ဖဲစီၤဒၤဝံးမၤပာ်န့ၢ်အလီၢ်န့ၣ်လီၤ. အန့ၣ်ဝံၤဒီးအဝဲလုၢ်ထီၣ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဃူမၤဖိးတဖၣ်ဆူယွၤအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:17

စီၤနၤသၣ်တဲဘၣ်စီၤဒၤဝံး, ကယဲၢ်တၢ်ကိးမံၤဒဲးလၢကစၢ်ယွၤ လီၣ်ဖျါထီၣ်န့ၢ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:22

ဖဲစီၤနၤသၣ်ဟဲတုၤဃီၤဆူနီပူၤန့ၣ်နီၢ်ဘၤသၡ့ဘၤစံးကတိၤ ဒံးတၢ်အဖၢမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်စီၤပၤအခီၣ်ထံးတဘ့ၣ် 8:17

ဒီးစီၤၡလိၤမိၤစံးကဒီးဝဲဆူညါ, “ယပၢ်စီၤဒၤဝံးကူၣ် ကျဲၤဝဲလၢကသူၣ်ထီၣ်တၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ် ယွၤ, အံၣ်စရ့လးအကစၢ်ယွၤအဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 14:1

ထါယၢၣ်အစီၤပၤဃံရၣ်ဆှၢလီၤပှၤကူၣ်တၢ်ကၤတၢ်တဖုဆူစီၤဒၤ ဝံးအအိၣ်, ဒီးဟ့ၣ်လီၤအီၤလၢသ့ၣ်ဆှိအ့ရ့းအကျီၣ်တဖၣ်ဃုာ်ဒီးပှၤမၤတၢ် လၢလၢၢ်သ့ၣ်တဖၣ်, ဒီးပှၤမၤတၢ်လၢသ့ၣ်သ့တဖၣ်လၢကသူၣ်ထီၣ်နီတဖျၢၣ်အဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:1

အဝဲသ့ၣ်လဲၤစိာ်တၢ်အၢၣ်လီၤအီလီၤအတလါစီဆှံဆူဒဲလၢစီၤ ဒၤဝံးကတဲာ်ကတီၤတ့ၢ်ဝဲဒီးပာ်ဝဲလၢအပူၤန့ၣ်လီၤ. ဒီးအဝဲသ့ၣ်လုၢ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤ ဖိးတဖၣ်ဆူကစၢ်ယွၤအအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:7

စီၤဒၤဝံးစံးဘၣ်အီၤ, “ယဖိခွါဧၢ, ယအဲၣ်ဒိးသူၣ်ထီၣ်တ့ၢ် တၢ်လုၢ်ဟံၣ်တဖၣ်လၢတၢ်မၤလၤကပီၤယွၤ, ယကစၢ်ယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:29

တၢ်စံၣ်စိၤတဲစိၤဘၣ်ဃးဒီးစီၤပၤစီၤဒၤဝံးစးထီၣ်လၢအခီၣ် ထံးတုၤလၢအကတၢၢ်န့ၣ်ဘၣ်တၢ်ကွဲးနီၣ်တ့ၢ်အီၤလၢဝံသၢဂၤလၢ အမ့ၢ်, ဝံၡမူၤအ့လး, ဝံနၤသၣ်ဒီးဝံကးတဖၣ်အတၢ်ကွဲးနီၣ်ကွဲးဃါ တဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:4

ဘၣ်ဆၣ်ဒီးယွၤအတၢ်အၢၣ်လီၤအီလီၤအတလါစီဆှံအိၣ်လံလၢဝ့ၢ် ယရူၤရှလ့ၣ်အပူၤ, ဒီးဘၣ်တၢ်ပာ်အီၤလၢဒဲတဖျၢၣ်အပူၤ, ဒဲလၢစီၤပၤဒၤဝံးသူၣ် ထီၣ်တ့ၢ်ဝဲဖဲအဝဲဟဲက့ၤစိာ်က့ၤတလါစီဆှံန့ၣ်လၢဝ့ၢ်ကံး ရယးယဧၢရံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:25

စီၤပၤမၤထွဲတၢ်သိၣ်လိနဲၣ်ယုၤတဖၣ်လၢယွၤဟ့ၣ်လီၤတ့ၢ်စီၤ ပၤဒၤဝံးခီဖျိစီၤပၤအဝံစီၤကးဒီးဝံနၤသၣ်တဖၣ်န့ၣ်လီၤ. အဝဲပာ်လီၤပှၤလ့ၤဝံဖိတဖၣ်လၢယွၤအတၢ်လုၢ်ဟံၣ်အပူၤအိၣ်ဒီး သီတူၢ်တဖၣ်ဒီးစှၢၢ်စှံးတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 9:29

တၢ်စံၣ်စိၤတဲစိၤအိၣ်လီၤတဲာ်ဘၣ်ထွဲဒီးစီၤၡလိၤမိၤစးထီၣ် လၢအခီၣ်ထံးဒီးတုၤလၢအကတၢၢ်န့ၣ်ဘၣ်တၢ်ကွဲးနီၣ်ကွဲးဃါအီၤ တၢ်စံၣ်စိၤတဲစိၤအလံာ်လၢအဘၣ်တၢ်ကွဲးအီၤလၢဝံနၤသၣ်အပူၤ, ဒီးလၢစီၤအဃံယၤလၢဝ့ၢ်ၡံလိၤ, အလံာ်ဝံအတၢ်စံးပာ်အပူၤ, ဒီးလၢဝံယံးဒိၤအတၢ်ထံၣ်လၢညါခီအလံာ်ဘၣ်ထွဲဒီးအံၣ်စရ့ လးအစီၤပၤယၤရၤဘၣ်အတၢ်ပၢအဂ့ၢ်အပူၤန့ၣ်လီၤ.

စံးထီၣ်ပတြၢၤ 132:2

ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

စံးထီၣ်ပတြၢၤ 132:5

တချုးဒံးဘၣ်လၢ ယမၤန့ၢ်ပာ်စၢၤ တၢ်လီၢ်တတီၤလၢ ယွၤအဂီၢ်, ဟံၣ်တဖျၢၣ်လၢ စီၤယၤကိာ်အကစၢ်ယွၤလၢ အဂံၢ်ဆူၣ်ဘါဆူၣ်အဂီၢ်န့ၣ်ဘၣ်.”

လံာ်တၢ်ဟးထီၣ်ကွံာ် 40:21

အန့ၣ်ဝံၤဒီးအဝဲဒၢနုာ်တလါစီဆှံန့ၣ်ဆူဒဲစီဆှံအပူၤဒီး ဘျးလီၤယၣ်ဘျးသဒၢတၢ်လၢအကမၤသဒၢအီၤန့ၣ်လီၤ. လၢကျဲဒ်အံၤန့ၣ်အဝဲဘျးသဒၢတၢ်အၢၣ်လီၤအီလီၤအတလါစီဆှံဒ် ယွၤမၤလိာ်တ့ၢ်ဝဲအသိးန့ၣ်လီၤ.

လံာ်ဃးကဲ 1:4

“ယပှၤဂီၢ်မုၢ်သ့ၣ်ဧၢ, ဘၣ်မနုၤသုအိၣ်ဆိးလၢဟံၣ်တဖၣ်လၢတၢ်ဘှီအီၤဂ့ၤဂ့ၤအပူၤ, ဖဲယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤအခါန့ၣ်လဲၣ်.

လံာ်ယိၤဟၣ် 2:17

အပျဲၢ်အဘီၣ်တဖၣ်သ့ၣ်နီၣ်ထီၣ်ယွၤအကလုၢ်ကထါ လၢအစံးဝဲ, “ကစၢ်ယွၤဧၢ, ယတၢ်သးဆူၣ်လၢနဟံၣ် အဂီၢ်န့ၣ်, အီၣ်ဂီၤကွံာ်လံယၤလံ” (စံး. ၆၉:၉).

မၤတၢ် 7:46

အဝဲဒၣ်ဒိးန့ၢ်ကစၢ်ယွၤအတၢ်ဘၣ်သူၣ်ဘၣ်သးသတးဒီး, ဃ့ဝဲလၢကစၢ်ယွၤကပျဲအဝဲဒၣ်ဘှီထီၣ်န့ၢ်တၢ်အိၣ်တၢ်ဆိး အလီၢ်တဖျၢၣ်လၢကစၢ်ယွၤလၢစီၤယၤကိာ်ဘါဝဲတဂၤန့ၣ် အဂီၢ်လီၤ.