လံာ်စီၤၡမူၤအ့လးခံဘ့ၣ်တဘ့ၣ် 7:18 - Sgaw Karen Common Bible

¹⁸ တုၤနုၤတစု, စီၤပၤစီၤဒၤဝံးလဲၤနုာ်ဆူယွၤအဒဲစီဆှံလၢ ယွၤအိၣ်ဝဲဆိးဝဲအပူၤ, ဆ့ၣ်နီၤဝဲဒီးဘါထုကဖၣ်ဝဲ, “ယွၤ, ပၢဘၣ်တၢ်ခဲလၢာ်ကစၢ်ဧၢ, ယၤမ့ၢ်ဂ့ၤ, ယပှၤဟံၣ်ဖိဃီဖိမ့ၢ်ဂ့ၤ, တကြၢးဘၣ်ဒီးတၢ်လၢနမၤတ့ၢ်အီၤလၢယဂီၢ်န့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 7:18 Iomraidhean Croise

လံာ်တၢ်ကဲထီၣ်အခီၣ်ထံး 32:10

ယၤ, နခ့နပှၤတကၢကီၣ်ဘၣ်ဒီးကယဲၢ်နတၢ်သးကညီၤဒီးနတၢ်တီတၢ် လိၤလၢနဒုးနဲၣ်တ့ၢ်ယၤန့ၣ်ဘၣ်. ယခီဂာ်ထံကျိယၢ်ဒ့ၣ်ထဲစုယၢ်ခီဒီးအိၣ်ဒၣ်ထဲနီၣ်ထိးဘိတ ဘိ ဧိၤန့ၣ်လီၤ. ဒီးခဲကနံၣ်အံၤ, ယဟဲက့ၤကဒါက့ၤဃုာ်ဒီးပှၤခံ ဖုအံၤန့ၣ်လီၤ.

လံာ်တၢ်ကဲထီၣ်အခီၣ်ထံး 32:11

ယဃ့ထုကဖၣ်လၢနကအုၣ်က့ၤခီၣ်က့ၤယၤလၢယဝဲၢ်စီၤဧ့ၡီၤအစု ပူၤလီၤ. ယပျံၤတၢ်, ယပျံၤလၢအဝဲကဟဲဒုးပှၤဒီးမၤဟးဂီၤကွံာ်ပှၤတုၤ ဒၣ်လဲာ်ဖိသၣ်ဒီးပှၤပိာ်မုၣ်တဖၣ်ခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:17

စီၤနၤသၣ်တဲဘၣ်စီၤဒၤဝံး, ကယဲၢ်တၢ်ကိးမံၤဒဲးလၢကစၢ်ယွၤ လီၣ်ဖျါထီၣ်န့ၢ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:16

တုၤနုၤတစုစီၤပၤစီၤဒၤဝံးလဲၤနုာ်ဆူဒဲစီဆှံလၢယွၤ အိၣ်ဝဲအပူၤ, ဆ့ၣ်နီၤဝဲဒီးဘါထုကဖၣ်တၢ်, “ယွၤ, ကစၢ်ယွၤဧၢ, ယၤမ့ၢ်ဂ့ၤ, ယပှၤဟံၣ်ဖိဃီဖိမ့ၢ်ဂ့ၤပတကြၢးဘၣ်ဒီးတၢ်လၢနမၤဘၣ်တ့ၢ်ပှၤန့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:14

အန့ၣ်ဒၣ်လဲာ်, ယပှၤဂီၢ်မုၢ်ဒီးယၤပဟ့ၣ်နၤတၢ်တသ့နီၢ်နီၢ်နီ တမံၤဘၣ်. အဂ့ၢ်ဒ်အံၤ, တၢ်ခဲလၢာ်န့ၣ်မ့ၢ်တၢ်ဟ့ၣ်ဟဲလၢနၤဒီးပဟ့ၣ်ဆၢ က့ၤနၤတၢ်လၢအမ့ၢ်တ့ၢ်နတၢ်တဖၣ်န့ၣ်လီၤ.

စံးထီၣ်ပတြၢၤ 8:4

ပှၤကညီလၢနကသ့ၣ်နီၣ်ထီၣ်က့ၤအီၤ, ဒီးပှၤကညီဖိလၢနကသူၣ်အိၣ်သးအိၣ်အီၤန့ၣ်, မ့ၢ်မနုၤလဲၣ်.

လံာ်တၢ်ဟးထီၣ်ကွံာ် 3:11

ဒီးစီၤမိၤၡ့စံးဘၣ်ကစၢ်ယွၤ, “ယဲဒၣ်အံၤယတမ့ၢ်တၢ်နီတမံၤ ဘၣ်. ယကလဲၤဆူစီၤပၤအအိၣ်ဒီးထုးထီၣ်ကွံာ်ပှၤအံၣ်စရ့လးဖိတဖၣ် လၢကီၢ်အဲၤကူပတူးအပူၤကသ့ဒ်လဲၣ်.”

လံာ်ယၡါယၤ 37:14

စီၤပၤဃံးစကံယၤဟံးန့ၢ်လံာ်ပရၢလၢပှၤစိာ်တၢ်ကစီၣ်တဖၣ် အအိၣ်ဒီးဖးအီၤလီၤ. ဝံၤဒီးအဝဲလဲၤဝဲဆူတၢ်လုၢ်ဟံၣ် ဒီးပာ်လီၤလံာ်ပရၢဖဲန့ၣ်လၢယွၤအမဲာ်ညါ,

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

လံာ်ပှၤစံၣ်ညီၣ်ကွီၢ် 6:15

စီၤကံးဒဧိၣ်စံးဆၢဝဲဒၣ်, “ဘၣ်ဆၣ်ဒီးယအုၣ်က့ၤခီၣ်က့ၤအံၣ်စရ့လးကသံဒ်လဲၣ်. ယဒူၣ်ဖိထၢဖိမ့ၢ်ပှၤအဂံၢ်အဘါစၢ်ကတၢၢ်လၢမနၤၡ့ၤအဒူၣ်အကျါန့ၣ်လီၤ. ဒီးယမ့ၢ်ပှၤအဆံးကတၢၢ်လၢယဒူၣ်ဖိထၢဖိလၢအကါတဒိၣ်ဘၣ် အကျါန့ၣ်လီၤ.”

လံာ်နီၢ်ရူၤသး 2:10

တုၤနုၤတစု, နီၢ်ရူၤသးထိၣ်လီၤပှီၤအသးဒီးကျးလီၤအမဲာ် ပၢၢ်တုၤလၢဟီၣ်ခိၣ်ဒီးစံးဘၣ်စီၤဘိၤဧး, “ဘၣ်မနုၤအဃိန သူၣ်အိၣ်သးအိၣ်ယၤလၢအမ့ၢ်ဒၣ် ပှၤတခီဘီမုၢ်ဖိအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 15:17

စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:18

စီၤဒၤဝံးစံးဆၢဝဲဒၣ်, “ယမ့ၢ်မတၤတဂၤဒီးယဟံၣ်ဖိဃီဖိ မ့ၢ်မတၤလၢယကဘၣ်ကဲထီၣ်စီၤပၤအမာ်တဂၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 9:21

စီၤစီလူးစံးဆၢဝဲဒၣ်, “ယဘၣ်ဃးဒီးစီၤဘံၣ်ယၤမံၣ်အဒူၣ် လၢအမ့ၢ်ပှၤအဒူၣ်အဆံးကတၢၢ်လၢကီၢ်အံၣ်စရ့လးအပူၤဒီးယဟံၣ်ဖိဃီဖိန့ၣ် မ့ၢ်ပှၤတၢ်အကါဒိၣ်အစှၤကတၢၢ်လၢဒူၣ်တဒူၣ်အပူၤလီၤ. ဘၣ်မနုၤအဃိနကတိၤတၢ်ဒီးယၤဒ်သိးအံၤန့ၣ်လဲၣ်.”