လံာ်စီၤၡမူၤအ့လးခံဘ့ၣ်တဘ့ၣ် 7:11 - Sgaw Karen Common Bible

¹¹ ဘၣ်ဆၣ်ဒီးတၢ်အံၤတမၤကဒီးအသးလၢၤဘၣ်. ယအၢၣ်လီၤအီၤလီၤလၢယကကဟုကယာ်နၤလၢနဒုၣ်နဒါခဲလၢာ်, ဒီးဟ့ၣ်လီၤနၤလၢနစၢၤနသွဲၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:1

စီၤပၤဒၤဝံးအိၣ်ဂၢၢ်ဆိးကျၢၤဝဲလၢအနူၢ်ပူၤစီၤပူၤဒီး ယွၤကဟုဘံၣ်ကယာ်ဘၢအီၤပူၤဖျဲးဒီးကယဲၢ်အဒုၣ်အဒါတဖၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:19

အန့ၣ်ဒၣ်လဲာ်, ခဲကနံၣ်အံၤ, ယွၤပၢဘၣ်တၢ်ခဲလၢာ်ကစၢ်ဧၢ, နမၤတၢ်အါန့ၢ်အန့ၣ်တက့ၢ်လီၤ. နမၤတ့ၢ်တၢ်အၢၣ်လီၤအီလီၤတဖၣ်ဘၣ်ဃးဒီးယစၢၤယသွဲၣ်တဖၣ်လၢ နံၣ်လၢအကဟဲတဖၣ်အပူၤန့ၣ်လီၤ. ဒီးယွၤ, ပၢဘၣ်တၢ်ခဲလၢာ်ကစၢ်ဧၢ, နပျဲပှၤတဂၤထံၣ်တၢ်အံၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:27

သ့တၢ်လၢာ်ကစၢ်, အံၣ်စရ့လးအကစၢ်ယွၤဧၢ, ယအိၣ်ဒီးတၢ်သးဒူလၢယကဘါထုကဖၣ်တၢ်ထုကဖၣ်အဝဲအံၤဆူနအိၣ်လီၤ. အဂ့ၢ်ဒ်အံၤ, နလီၣ်ဖျါထီၣ်တ့ၢ်တၢ်ခဲလၢာ်အံၤဆူယၤ, နခ့နပှၤ, ဒီးနတဲဘၣ်တ့ၢ်ယၤလၢနကဒုးကဲထီၣ်ယစၢၤယသွဲၣ်တဖၣ် လၢစီၤပၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 11:38

နမ့ၢ်စူၢ်ယၤလၢလၢပှဲၤပှဲၤ, အိၣ်မူလၢယတၢ်သိၣ်တၢ်သီ တဖၣ်အပူၤဒီးမၤန့ၢ်ယတၢ်ဘၣ်သူၣ်ဘၣ်သးနၤခီဖျိမၤတၢ်လၢယမၤ လိာ်နၤ, ဒ်ယခ့ယပှၤစီၤဒၤဝံးမၤတ့ၢ်ဝဲအသိးန့ၣ်ဒီးယကအိၣ်ဒီးနၤထီ ဘိန့ၣ်လီၤ. ယကဒုးကဲထီၣ်နၤလၢကီၢ်အံၣ်စရ့လးအစီပၤ, ဒီးသပှၢ်ကတၢၢ်နစၢၤနသွဲၣ်တဖၣ်ကပၢဘၣ်တၢ်လၢနလီၢ်ခံ, ဒ်ယမၤတ့ၢ်တၢ်လၢစီၤဒၤဝံးအဂီၢ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:24

ယွၤပာ်လီၤယၤဂၢၢ်ဂၢၢ်ကျၢၤကျၢၤလၢယပၢ်စီၤဒၤဝံးအလီၢ်ပစိာ် အဖီခိၣ်န့ၣ်လီၤ. အဝဲဟံးဃာ်အတၢ်အၢၣ်လီၤ, ဒီးဟ့ၣ်လီၤယၤဒီးယစၢၤယသွဲၣ်တဖၣ်လၢ ဘီမုၢ်န့ၣ်လီၤ. ယဆိၣ်တၢ်လၢယွၤလၢအမူဝဲတဂၤအမံၤအပူၤလၢစီၤအဒိနံၤယၤကသံ ဝဲတနံၤအံၤဒၣ်လဲာ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 17:10

ဒ်ယဆီၣ်လီၤကွံာ်တ့ၢ်အဒုၣ်အဒါတဖၣ်ခဲလၢာ်, လၢစံၣ်ညီၣ်ကွီၢ်တဖၣ်လၢယဃုထၢအီၤလၢအဝဲသ့ၣ်အဖီခိၣ်အစိၤ အသိးန့ၣ်, ယအၢၣ်လီၤလၢယကမၤနၢၤကွံာ်အဝဲသ့ၣ်အဒုၣ်အဒါ ခဲလၢာ်ဒီးဟ့ၣ်ထံကီၢ်န့ၣ်ဆူအစၢၤအသွဲၣ်တဖၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:10

အဝဲကသူၣ်ထီၣ်တၢ်လုၢ်ဟံၣ်တဖျၢၣ်လၢသါဂီၢ်န့ၣ်လီၤ. အဝဲကမ့ၢ်သါဖိခွါဒီးသါကမ့ၢ်အပၢ်န့ၣ်လီၤ. အဝဲအစၢၤအသွဲၣ်ကပၢအံၣ်စရ့လးအဘီအမုၢ်လီၤစိၤလီၤထီ န့ၣ်လီၤ.”

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

စံးထီၣ်ပတြၢၤ 106:42

အဒုၣ်အဒါတဖၣ်မၤနးမၤဖှီၣ်အီၤ ဒီးအဝဲသ့ၣ်ဘၣ်တၢ်ဆီၣ်လီၤအီၤလၢ အဒုၣ်အဒါတဖၣ်အတၢ်စိတၢ်ကမီၤအဖီလာ်လီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

လံာ်တၢ်ဟးထီၣ်ကွံာ် 1:21

ဒီးမ့ၢ်လၢပှၤကွၢ်ပဟုးတဖၣ်ပျံၤကစၢ်ယွၤအဃိ, ကစၢ်ယွၤဟ့ၣ်အီၤလၢအဟံၣ်ဖိဃီဖိဒၣ်ဝဲစုာ်စုာ်လီၤ.

တၢ်ကတိၤဒိ. 14:1

ဟံၣ်တဖၣ်ဘၣ်တၢ်မၤထီၣ်အီၤလၢပိာ်မုၣ်တဖၣ်အတၢ်ကူၣ်သ့, ဘၣ်ဆၣ်, ဘၣ်တၢ်မၤဟးဂီၤအီၤလၢတၢ်သူၣ်တဆးသးတဆးန့ၣ်လီၤ.

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:28

တၢ်ဒိၣ်ဧၢ, ဝံသးစူၤပျၢ်ကယဲၢ်တၢ်လၢယမၤကမၣ်ဘၣ်တ့ၢ်အီၤတမံၤလၢ်လၢ်န့ၣ်တက့ၢ်. ယွၤကဒုးကဲထီၣ်နၤဒီးနစၢၤနသွဲၣ်တဖၣ်စ့ၢ်ကီးလၢစီၤပၤလီၤ. အဂ့ၢ်ဒ်အံၤ, နဒုးအတၢ်ဒုးတဖၣ်ဒီးလၢနအိၣ်မူဒံးအမုၢ်နံၤတဖၣ် န့ၣ်နတဘၣ်မၤတၢ်အၢတၢ်သီနီတမံၤဘၣ်လီၤ.