လံာ်စီၤၡမူၤအ့လးခံဘ့ၣ်တဘ့ၣ် 6:21 - Sgaw Karen Common Bible

²¹ စီၤဒၤဝံးစံးဆၢဝဲဒၣ်, “ယဂဲၤကလံာ်ဒ်သိးယကမၤလၤကပီၤယွၤ, ပှၤလၢအဃုထၢထီၣ်ယၤလၢနပၢ်ဒီးအဟံၣ်ဖိ ဃီဖိအလီၢ်, ဒ်သိးကဒုးကဲထီၣ်ယၤအပှၤဂီၢ်မုၢ်အခိၣ်အနၢ်တဂၤ န့ၣ်လီၤ. ဒီးယကဂဲၤကလံာ်ဒံးဆူညါလၢတၢ်မၤလၤကပီၤယွၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 6:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:22

ဒီးမၤလီၤယသူးယသ့ၣ်အါန့ၢ်အအံၤတက့ၢ်လီၤ. နဆိကမိၣ်လၢယမ့ၢ်တၢ်ကလီကလီ, ဘၣ်ဆၣ်ဒီးပိာ်မုၣ်ဖိတဖၣ်န့ၣ်ကဆိကမိၣ်ဒိၣ်ယၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:8

လၢတၢ်န့ၣ်အဃိတဲဘၣ်ယခ့ယပှၤစီၤဒၤဝံလၢယၤ, ယွၤသ့တၢ်လၢာ်စံးဘၣ်အီၤဒ်အံၤ, ယဟံးထီၣ်နၤလၢတၢ်ကွၢ်ထွဲသိဖိတဖၣ် လၢပျီတဖၣ်အပူၤဒီးဒုးကဲထီၣ်နၤလၢပှၤပၢဘၣ်ယပှၤ ဂီၢ်မုၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:29

ဖဲတလါစီဆှံဘၣ်တၢ်ဟဲစိာ်အီၤဆူဝ့ၢ်ပူၤန့ၣ်, စီၤစီလူးအဖိမုၣ်နီၢ်မံကၤလးကွၢ်လီၤတၢ်လၢပဲတြီဖိအပူၤ ဒီးထံၣ်ဘၣ်စီၤဒၤဝံးဂဲၤကလံာ်ပၢ်ကဝ့ၤလၢတၢ်သူၣ်ခုသးခု ပူၤအဃိ, အဝဲတပာ်လုၢ်ပာ်ပှ့ၤလၢၤအီၤလၢအသးကံၢ်ပူၤဘၣ်န့ၣ်လီၤ.

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 13:14

မ့မ့ၢ်ခဲကနံၣ်အံၤနတၢ်ပၢတၢ်ပြးတလဲၤဆူညါတပယူာ်ဃီဘၣ်. အဂ့ၢ်ဒ်အံၤနတစူၢ်အီၤဘၣ်အဃိလီၤ. ယွၤကဃုန့ၢ်ပှၤတဂၤလၢအဝဲသးလီဝဲဒီးဒုးကဲထီၣ်အီၤလၢပှၤပၢဘၣ်အပှၤဂီၢ်မုၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:28

စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:12

မၤသးဒ်န့ၣ်ဒီး, စီၤယံးၡဲမၢပှၤလဲၤကိးအီၤလီၤ. အဝဲမ့ၢ်ပှၤဒိၣ်တၢ်ဂ့ၤ, ပှၤသးစၢ်လၢအအိၣ်ဆူၣ်အိၣ်ချ့ ဒီးအမဲာ်ချံတဖၣ်ကပြုၢ်ကပြီၤဝဲလီၤ. ယွၤစံးဘၣ်စီၤၡမူၤအ့လး, “အဝဲအံၤမ့ၢ်ပှၤတဂၤန့ၣ်လီၤ. ဖှူအီၤတက့ၢ်.”