လံာ်စီၤၡမူၤအ့လးခံဘ့ၣ်တဘ့ၣ် 6:20 - Sgaw Karen Common Bible

²⁰ တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:20 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:18

ဖဲအဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဝံၤန့ၣ်, အဝဲဆိၣ်ဂ့ၤပှၤဂီၢ်မုၢ်လၢယွၤ, သ့တၢ်လၢာ်ကစၢ်အမံၤအပူၤ,

လံာ်စီၤၡမူၤအ့လးခံဘ့ၣ်တဘ့ၣ် 6:19

ဒီးဟ့ၣ်နီၤလီၤတၢ်အီၣ်တၢ်အီတဖၣ်ဆူအဝဲသ့ၣ်ခဲလၢာ်အအိၣ်န့ၣ် လီၤ. အဝဲဟ့ၣ်လီၤပိာ်ခွါဒီးပိာ်မုၣ်တဂၤစုာ်စုာ်လၢကီၢ်အံၣ်စရ့လး အပူၤ, လၢကိၣ်တဂၤတလိၣ်, တၢ်ညၣ်အကၣ်တဂၤတလိၣ်ဒီးစပံးသၣ်ဃ့တနီၤန့ၣ်လီၤ. အန့ၣ်ဝံၤဒီးပှၤကိးဂၤဒဲးက့ၤဆူအဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:43

အန့ၣ်ဝံၤဒီးပှၤကိးဂၤဒဲးက့ၤက့ၤဝဲဆူအဟံၣ်ဒၣ်ဝဲ, ဒီးစီၤဒၤဝံးက့ၤဆူအဟံၣ်လၢကအိၣ်သကိးဒီးအဟံၣ်ဖိဃီဖိ တစိၢ်တလီၢ်န့ၣ်လီၤ.

လံာ်စီၤယိၤဘး 30:8

အဝဲသ့ၣ်မ့ၢ်ပှၤဟးဂီၤဖိအဖိ, ပှၤလၢအမံၤတအိၣ်ဘၣ်အဖိဒီး မ့ၢ်ပှၤလၢအဘၣ်တၢ်ဟီထီၣ်ကွံာ်အီၤလၢကီၢ်ပူၤန့ၣ်လီၤ.

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

စံးထီၣ်ပတြၢၤ 30:1

ယွၤဧၢ, ယပာ်ထီၣ်ထီနၤ, မ့ၢ်လၢနမၤပူၤဖျဲးယၤ, ဒီးတပျဲယဒုၣ်ယဒါသးခုလၢ ယဖီခိၣ်အဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:17

ဘၣ်ဆၣ်အၢသီကဲၣ်ဆိးမ့ၢ်ဂ့ၤ. မၢးကဲၣ်ဆိးမ့ၢ်ဂ့ၤတဂ့ၤ. ဘၣ်မနုၤအဆၢကတီၢ်တချုးတုၤဒံးဘၣ်ဒီးနကသံန့ၣ်လဲၣ်.

လံာ်မၢ်ကူး 14:66

ဖဲစီၤပ့းတရူးအိၣ်ဒံးဒၣ်လၢတၢ်ဖီလာ်လၢတၢ်လီၢ်လီၤပျီတကဝီၤ အပူၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အခ့အပှၤပိာ်မုၣ်အကျါတဂၤဟဲဃီၤ ဝဲဖဲတၢ်ကပၤထံးန့ၣ်လီၤ.

လံာ်မၢ်ကူး 3:21

တုၤအဒူၣ်ဖိထၢဖိတဖၣ်နၢ်ဟူဘၣ်တၢ်ဂ့ၢ်အံၤဒီး, အဝဲသ့ၣ်လဲၤဝဲဒ်သိးအကကိးဆူၣ်က့ၤအီၤအဂီၢ် မ့ၢ်လၢပှၤစံးလၢအဝဲပျုၢ်ထီၣ်လံအဃိလီၤ.

လံာ်ယိၤဟၣ် 13:6

ဖဲယ့ၣ်ၡူးဟဲတုၤစီၤၡံမိၣ်ပ့းတရူးအအိၣ်ဒီး, အဝဲစံးဘၣ်အီၤ, “ကစၢ်ဧၢ, မ့ၢ်နကသ့ယခီၣ်စ့ၢ်ကီးဧါ.”

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်ပှၤစံၣ်ညီၣ်ကွီၢ် 9:4

ဒီးအဝဲသ့ၣ်ဟ့ၣ်လီၤစီၤအဘံၤမ့လ့းလၢစ့နီၢ်အဘ့ၣ်နွံဆံလၢ အအိၣ်ဝဲလၢတၢ်အၢၣ်လီၤအီလီၤ အဘဧၤလးအတၢ်လုၢ်ဟံၣ်အပူၤန့ၣ် လီၤ. ဒီးအဝဲဒိးလဲန့ၢ်ပှၤအၢပှၤသီတဖၣ်လၢတိၢ်စ့အဝဲန့ၣ်ဒ်သိးကပိာ်အခံအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:49

စီၤစီလူးအဖိခွါတဖၣ်မ့ၢ်ဝဲ, စီၤယိနၤသၣ်, စီၤယံးၡဝံ, ဒီးစီၤမးလကံၡူၤန့ၣ်လီၤ. အဝဲအဖိမုၣ်လၢအဒိၣ်တဂၤန့ၣ်ဘၣ်တၢ်ကိးအမံၤလၢနီၢ်မ့ရ့ာ်, ဒီးအဖိမုၣ်အဆံးတဂၤမ့ၢ်နီၢ်မံၤကၤလးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:20

မ့ၢ်နာ်သက့ဒ်န့ၣ်ဒီး, စီၤစီလူးအဖိမုၣ်နီၢ်မံကၤလးအဲၣ်လိာ် သးဒီးစီၤဒၤဝံးလီၤ. တုၤစီၤစီလူးနၢ်ဟူတၢ်ဂ့ၢ်အံၤန့ၣ်အသးခုဝဲလီၤ.