လံာ်စီၤၡမူၤအ့လးခံဘ့ၣ်တဘ့ၣ် 6:18 - Sgaw Karen Common Bible

¹⁸ ဖဲအဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဝံၤန့ၣ်, အဝဲဆိၣ်ဂ့ၤပှၤဂီၢ်မုၢ်လၢယွၤ, သ့တၢ်လၢာ်ကစၢ်အမံၤအပူၤ,

လံာ်စီၤၡမူၤအ့လးခံဘ့ၣ်တဘ့ၣ် 6:18 Iomraidhean Croise

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 6:19

ဒီးဟ့ၣ်နီၤလီၤတၢ်အီၣ်တၢ်အီတဖၣ်ဆူအဝဲသ့ၣ်ခဲလၢာ်အအိၣ်န့ၣ် လီၤ. အဝဲဟ့ၣ်လီၤပိာ်ခွါဒီးပိာ်မုၣ်တဂၤစုာ်စုာ်လၢကီၢ်အံၣ်စရ့လး အပူၤ, လၢကိၣ်တဂၤတလိၣ်, တၢ်ညၣ်အကၣ်တဂၤတလိၣ်ဒီးစပံးသၣ်ဃ့တနီၤန့ၣ်လီၤ. အန့ၣ်ဝံၤဒီးပှၤကိးဂၤဒဲးက့ၤဆူအဟံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:14

ဖဲပှၤဂီၢ်မုၢ်ဆၢထၢၣ်ဝဲဖဲန့ၣ်အခါန့ၣ်, စီၤပၤစီၤၡလိၤမိၤ ဃၣ်ဃီၤအမဲာ်ဆူအဝဲသ့ၣ်အအိၣ်ဒီးအဝဲဃ့ဝဲလၢကစၢ်ယွၤအတၢ်ဆိၣ် ဂ့ၤကလီၤဘၣ်လၢအဝဲသ့ၣ်အလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:15

အဝဲစံးဝဲ, “စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တ က့ၢ်. အဝဲဟံးဃာ်ဂၢၢ်ကျၢၤအတၢ်အၢၣ်လီၤလၢအမၤတ့ၢ်ဒီးယပၢ်စီၤဒၤဝံး, ဖဲအဝဲစံးဘၣ်အီၤ,

လံာ်စီၤပၤအခီၣ်ထံးတဘ့ၣ် 8:55

ဒီးလၢတၢ်ကလုၢ်သီၣ်ဖးဒိၣ်အပူၤ, အဝဲဃ့ဝဲလၢကစၢ်ယွၤအတၢ် ဆိၣ်ဂ့ၤကလီၤဘၣ်လၢပှၤဂီၢ်မုၢ်ခဲလၢာ်လၢအအိၣ်ဖှိၣ်ရိဖှိၣ်ဖဲ န့ၣ်အလိၤန့ၣ်လီၤ. အဝဲစံးဝဲ,

လံာ်ကွဲးနီၣ်တၢ်အခီၣ်ထံးတဘ့ၣ် 16:2

တုၤစီၤဒၤဝံးမၤဝံၤတၢ်လုၢ်ထီၣ်ပာ်ထီၣ်တဖၣ်အလီၢ်ခံန့ၣ်, အဝဲဆိၣ်ဂ့ၤပှၤဂီၢ်မုၢ်လၢယွၤအမံၤအပူၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 30:27

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဃ့တၢ်ဆိၣ်ဂ့ၤလၢ ယွၤ, လၢပှၤဂီၢ်မုၢ်အဂီၢ်န့ၣ်လီၤ. လၢအဝဲအဟံၣ်အိၣ်လၢမူခိၣ်အပူၤ န့ၣ်, ကစၢ်ယွၤနၢ်ဟူတ့ၢ်အဝဲသ့ၣ်အတၢ်ထုကဖၣ်တဖၣ်ဒီးတူၢ်လိာ်အဝဲသ့ၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:8

တုၤစီၤပၤယဃံးစကံယၤဒီးအဝဲအပဒိၣ်ပပှၢ်တဖၣ်, ထံၣ်ဘၣ်တၢ်ဟ့ၣ်တဖၣ်ဘၣ်တၢ်ဟ့ၣ်လီၤအီၤအါထဲလဲၣ်န့ၣ်, အဝဲသ့ၣ်စံးထီၣ်ပတြၢၤယွၤဒီးစံးထီၣ်ပတြၢၤအဝဲအပှၤဂီၢ် မုၢ်အံၣ်စရ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:3

ကယဲၢ်အံၣ်စရ့လးအပှၤဂီၢ်မုၢ်ခဲလၢာ်ဂဲၤဆၢထၢၣ်ဝဲဖဲန့ၣ်လီၤ. စီၤပၤဃၣ်တရံးဃီၤဒီးကွၢ်တၢ်ဆူအဝဲသ့ၣ်အအိၣ်, ဒီးဃ့သကွံာ်ကညးဝဲလၢကစၢ်ယွၤအတၢ်ဆိၣ်ဂ့ၤဆိၣ်ဝါကလီၤဘၣ်လၢ အဝဲသ့ၣ်အလိၤန့ၣ်လီၤ.

စံးထီၣ်ပတြၢၤ 129:8

ပှၤလၢအလဲၤခီဂာ်တၢ်လၢကျဲတဖၣ်တစံးဝဲနီတဂၤလၢ, “မ်ယွၤကဆိၣ်ဂ့ၤသုတက့ၢ်, ပဆိၣ်ဂ့ၤသုလၢယွၤအမံၤလီၤ.” န့ၣ်ဘၣ်.

လံာ်တၢ်ဟးထီၣ်ကွံာ် 39:43

စီၤမိၤၡ့သမံသမိးကွၢ်တၢ်ကိးမံၤဒဲးဒီးထံၣ်ဘၣ်ဝဲလၢအဝဲ သ့ၣ်မၤတၢ်ခဲလၢာ်ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢတၢ်န့ၣ်အဃိစီၤမိၤၡ့ဆိၣ်ဂ့ၤအဝဲသ့ၣ်တဖၣ်န့ၣ်လီၤ.

မၤတၢ် 3:26

အန့ၣ်သတးဒီး, ကစၢ်ယွၤဃုထၢထီၣ်အခ့အပှၤဒီးမၢလီၤဝဲလၢအကဟဲအဆိ ကတၢၢ်ဆူသုအိၣ်ဒ်သိးကဆိၣ်ဂ့ၤသု, ဒီးဒုးဃၣ်ကွံာ်သုကိးဂၤဒဲးလၢ သုကျဲအအၢအသီတဖၣ်န့ၣ်လီၤ.”

လံာ်စီၤယိၤၡူ 22:6

အန့ၣ်ဒီးစီၤယိၤၡူဆိၣ်ဂ့ၤအဝဲသ့ၣ်ဒီးပျၢ်အီၤဒီးအဝဲသ့ၣ်က့ၤက့ၤ ဝဲဆူအဟံၣ်ဒၣ်ဝဲန့ၣ်လီၤ. ဒီးအခဲအံၤလၢပှၤမ နၤၡ့ၤအဒူၣ်တဝာ်အဂီၢ် စီၤမိၤၡ့ဟ့ၣ်လီၤအလီၢ်လၢကီၢ်ဘၤၡၣ်အပူၤ, ဘၣ်ဆၣ်လၢအဒူၣ်တဝာ်အဂီၢ်တခီ စီၤယိၤၡူဟ့ၣ်လီၤတ့ၢ်အီၤတၢ်လီၢ်လၢအဒီပုၢ်ဝဲၢ်တဖၣ်အကပၤ လၢထံကျိယၢ်ဒ့ၣ်အမုၢ်နုာ်န့ၣ်လီၤ. ဒီးဖဲစီၤယိၤၡူပျၢ်ကွံာ် အဝဲသ့ၣ်ဆူအဟံၣ်ဒီးဆိၣ်ဂ့ၤအဝဲသ့ၣ်န့ၣ်, အဝဲစံးဘၣ်အဝဲသ့ၣ်, “က့ၤက့ၤဆူသုဟံၣ်အိၣ်ဒီးတၢ်ထူးတၢ် တီၤလၢအအါ, ဃုာ်ဒီးဆၣ်ဖိကီၢ်ဖိလၢအအါ, ဃုာ်ဒီးစ့, ထူ, တိၢ်ဘီ, ဒီးထး, ဃုာ်ဒီးတၢ်ကူတၢ်ကၤလၢအအါ, ဒီးနီၤဖးလီၤန့ၢ်သုဒီပုၢ်ဝဲၢ်တဖၣ်တၢ်ဂုာ်န့ၢ်လၢသုမၤန့ၢ်လၢသုဒုၣ်သုဒါတဖၣ်အအိၣ် န့ၣ်တက့ၢ်.”