လံာ်စီၤၡမူၤအ့လးခံဘ့ၣ်တဘ့ၣ် 6:16 - Sgaw Karen Common Bible

¹⁶ တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:14

ဒီးစီၤဒၤဝံးဆှၢလီၤစ့ၢ်ကီးပှၤစိာ်တၢ်ကစီၣ်တဖၣ်ဆူစီၤအံၤ ၡဘိၡ့းအအိၣ်ဒီးစံး, “ဟ့ၣ်က့ၤယၤယမါနီၢ်မံၤကၤလးတက့ၢ်. ယဟ့ၣ်တ့ၢ်ပှၤဖလ့ၡသးဖိအတၢ်ခိၣ်ထိးအဖံးတကယၤဒ်သိးယကဖျီဘၣ် ယသးဒီးအီၤအဂီၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:7

(ဘၣ်ဆၣ်ဒီးစီၤဒၤဝံးမၤန့ၢ်ကွံာ်အဝဲသ့ၣ်အဝ့ၢ်စံယိၣ်အတိာ် ဒီးတၢ်န့ၣ်ဘၣ်တၢ်သ့ၣ်ညါအီၤဒ်စီၤဒၤဝံးအဝ့ၢ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 6:15

မၤသးဒ်န့ၣ်ဒီးအဝဲဒီးကယဲၢ်ပှၤအံၣ်စရ့လးဖိခဲလၢာ် က့ၤစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤရှလ့ၣ်အိၣ် ဒီးတၢ်သူၣ်ခုသးခုအတၢ်ကိးပသူထီၣ်ဒီးကွဲၤတဖၣ်အသီၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 15:29

ဖဲတလါစီဆှံဘၣ်တၢ်ဟဲစိာ်အီၤဆူဝ့ၢ်ပူၤန့ၣ်, စီၤစီလူးအဖိမုၣ်နီၢ်မံကၤလးကွၢ်လီၤတၢ်လၢပဲတြီဖိအပူၤ ဒီးထံၣ်ဘၣ်စီၤဒၤဝံးဂဲၤကလံာ်ပၢ်ကဝ့ၤလၢတၢ်သူၣ်ခုသးခု ပူၤအဃိ, အဝဲတပာ်လုၢ်ပာ်ပှ့ၤလၢၤအီၤလၢအသးကံၢ်ပူၤဘၣ်န့ၣ်လီၤ.

စံးထီၣ်ပတြၢၤ 123:3

ယွၤဧၢ, သူၣ်ကညီၤသးကညီၤပှၤ, သူၣ်ကညီၤသးကညီၤလၢ်ပှၤတက့ၢ်. အဂ့ၢ်ဒ်အံၤ, ပဘၣ်တ့ၢ်လံတၢ်မၤတရီတပါနးမးန့ၣ်လီၤ.

စံးထီၣ်ပတြၢၤ 69:7

အဂ့ၢ်ဒ်အံၤ, ယဘၣ်တၢ်ဒုၣ်ဒွဲၣ်လၢနဃိလီၤ. တၢ်မဲာ်ဆှးလုၣ်ဘၢတ့ၢ်လံယမဲာ်လံ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

မၤတၢ် 2:13

မ့မ့ၢ်ပှၤအဂၤတဖၣ်နံၤဘၣ်ဖၣ်လဲပှၤစူၢ်က့ၤနာ်က့ၤတၢ်တဖၣ်န့ၣ်ဒီးစံးဝဲ, “ပှၤသ့ၣ်တဖၣ်အံၤမူၤလၢစပံးထံလီၤ.”

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:17

တုၤနုၤတစု, စီၤစီလူးစံးဘၣ်စီၤဒၤဝံး, “အဝဲအံၤမ့ၢ်ယဖိမုၣ်အဒိၣ်ကတၢၢ်နီၢ်မ့ရ့ာ်လီၤ. ယကဟ့ၣ်အီၤလၢနၤဒ်နမါလၢနမ့ၢ်ယခ့ယပှၤလၢအဒူဒီးပှၤသုးဖိ လၢအသးတီဒီးယၤဒီးဒုးယွၤအတၢ်ဒုးတဖၣ်အဃိန့ၣ်လီၤ.” (စီၤစီလူးဆိကမိၣ်ဝဲလၢ, လၢကျဲဒ်အံၤန့ၣ်ပှၤဖလ့ၡသးဖိတဖၣ် ကမၤသံစီၤဒၤဝံးဒီးအလီၢ်တအိၣ်ဘၣ်လၢအဝဲအနီၢ်ကစၢ်ဒၣ်ဝဲ ကမၤသံဘၣ်စီၤဒၤဝံးဘၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:20

မ့ၢ်နာ်သက့ဒ်န့ၣ်ဒီး, စီၤစီလူးအဖိမုၣ်နီၢ်မံကၤလးအဲၣ်လိာ် သးဒီးစီၤဒၤဝံးလီၤ. တုၤစီၤစီလူးနၢ်ဟူတၢ်ဂ့ၢ်အံၤန့ၣ်အသးခုဝဲလီၤ.